16.6.2011 | 14:55
Íran er hástökkvari metanvæðingarinnar síðastliðin misseri- yfir tvær milljónir ökutækja ganga fyrir metaneldsneyti í Íran í dag.
Síðastliðin ár hefur Íran verið hástökkvarinn á lista þjóða yfir metanvæðingu í samgöngum og í dag eru yfir tvær milljónir ökutækja í landinu sem nýtt geta metaneldsneyti í akstri. Á komandi árum er stefna stjórnvalda að draga verulega hratt úr innanlandsnotkun á hefðbundnu ökutækjaeldsneyti og stórauka notkun á metaneldsneyti í samgöngum þjóðarinnar, enda býr landið yfir miklum jarðgasauðlindum. Mikill uppgangur er í bílaframleiðslu í Íran og horfur á að á árinu 2014 nái þeir framleiðslugetu sem nemur einni milljón bíla á ári. Stór hluti fyrirhugaðrar framleiðslu er í ökutækjum af ýmsum gerðum og stærðum sem nýtt geta metaneldsneyti í akstri. Útflutningur á bílum frá Íran hefur aukist mikið á síðustu árum og útlit fyrir enn frekari aukningu á komandi árum ( sjá féttatengil að neðan).
Fréttin veitir enn eitt dæmið um stóraukið framboð í heiminum af samgöngutækjum sem nýtt geta íslenskt metaneldsneyti í akstri í framtíðinni og varpar skýru ljósi á þá staðreynd að metanvæðingunni er ætlað stórt hlutverk við umhverfismildun samgangna í heiminum á þessari öld. Umhverfislegur ávinningur þess að nota jarðgas í stað hefðbundins jarðefnaeldsneytis er óumdeildur og framkvæmanlegur með hlutfallsleg hagfelldum hætti. Og samhliða ljóst að öll þau samgöngutæki sem nýtt geta metaneldsneyti frá jarðgasi geta einnig nýtt nútíma-metaneldsneyti unnið með endurnýjanlegum hætti úr lífrænum úrgangi og öðrum lífmassa á yfirborði jarðar. Í þeirri staðreynd liggja risavaxin umhverfisleg og orkuöryggisleg tækifæri sem þjóðir horfa til í stórauknum mæli um allan heim. Og sérstaklega í löndum þar sem skilyrði til stóraukinnar framleiðslu á nútíma-metani eru góð eins og á Íslandi.
Sjá myndir af írönskum bílum -hér
Flokkur: Stjórnmál og samfélag | Breytt s.d. kl. 21:53 | Facebook
Um bloggið
Einar Vilhjálmsson
Nýjustu færslur
- Er bensínbílum að fjölga hlutfallslega séð? Fátt er svo með ö...
- Hryllingur stríðs - hefur aukið áreiti og gagnsæi deift tilfi...
- VEL GERT SORPA - heimsklassa framleiðsla á metaneldsneyti úr ...
- 2024 Til lukku með nýtt almanaks- og bætingaár - stöðugt hærr...
- Metan er málið og hefur blasað við um áratuga skeið - og börn...
Athugasemdir
Einar, bestu þakkir fyrir alla þína fróðlegu pistla fyrr og síðar ! Svo var bílasýningin frá Íran alveg mögnuð.
Með góðri kveðju, KPG.
Kristján P. Gudmundsson, 17.6.2011 kl. 07:22
Takk fyrir jákvæðni þína og falleg orð Kristján. Innlegg þín hafa verið mér hvatning til að mæta áskorunum í málaflokki orkukerfisskipta í samgöngum þjóðarinnar. Þjóðin á mögnuð tækifæri til að auka sjálfbærni þeirra orkukerfa sem samgöngur í landinu geta grundvallast á í framtíðinni. Á slíkri vegferð er afar eðlilegt að takast þurfi á við mótbyr og viðspyrnu af ýmsum toga. Málstaðurinn er þó hverrar þrautar virði. Enn og aftur, takk.
Einar Vilhjálmsson, 17.6.2011 kl. 13:55
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.