Metanvæðing strætó í Evrópu - Svíar kosta miklu til að geta breytt þúsundum fólksflutningabíla úr dísilolíu í metan - ávinningurinn er það mikill.

Hvernig stendur á því að Svíar láta ekki úreldingu núverandi bíla ráða hraðanum á innleiðingu metans sem eldsneytis fyrir  fólksflutningabílana?  Hafa þeir reiknað dæmið svona vandlega ?  Já, ætli það ekki. Og til lítils að rökstyðja aðgerðarleysi með huglægum gagnrökum , nema þá ef aðgerðarleysi er markmiðið og huglæg gagnrök nægja til að því sé náð - smekkur, tíska og tilfinning. Ávinningur Svía er mikill og margþættur -  rekstrarlegur, þjóðhagslegur og umhverfislegur.  Sjá frétt að neðan.

Í Reykjavík eru tveir strætisvagnar sem ganga fyrir metani og reynslan á mörgum sviðum verið mjög góð. Og það sem bæta má er vitað og aðgerðarhæft. Rétt er að minna fólk á að rugla ekki saman METAN-vögnum og  þeim tveimur vetnis-vögnum sem keyptir voru í tilraunaskini og eru ekki lengur í notkun. Eitt er ljóst, Svíar eru ekki að kosta miklu til við rannsóknir, til að geta breytt bílaflota sínum yfir í metan, ef úreldingarleiðin væri  hagfelldust. Hið minnsta er ljóst,  í Svíþjóð verður ekki nýr dísil-vagn eða rúta keypt til að sinna skilgreindum áætlunarakstri nema afar sérstakar ástæður liggi þar að baki.  

Ávinningur okkar Íslendinga af því að taka einn metan-strætisvagn í notkun er ansi mikill. Rétt að skoða það vandlega með hlutlægum hætti síðar. Það lætur nærri að einn vagn noti 47.000 til 50.000 lítra af dísilolíu á ári. Í fljótu bragði fæ ég ekki betur séð en að núvirði gjaldeyrissparnaðar megi rökstyðja að nemi  um 15 milljónum vegna minni innflutnings á dísilolíunni ( og ef ávöxtunarkrafan til núvirðingar er 10%) . Þá mætti einnig rökstyðja að núvirði fjármagnsaukningar í umferð nemi um 60 milljónum, ef við miðum við veltuhraða fjármagns x4.  Aukin velta upp á 60 milljónir gæti hæglega skilað ríkissjóði um 12 milljónum í tekjur ( virðisaukaskattur , ef miðað er við meðaltalið 20.3%)  Þar fyrir utan skapast nettó ávinningur af lækkun á losun CO2 í borginni sem nemur 133 tonnum af CO2 á ári , eða tíföld sú tala miðað við 10 ára notkunartíma á hverjum vagni.  Margt annað mætti nefna og verður gert síðar.

Já, þetta eru tölur fyrir aðeins einn vagn... já....   

 Sjá frétt:  http://www.metan.is/user/news/view/0/231

 

Metanvæðing Íslands - spurning um sjálfstæði þjóðarinnar . Magnað samtal sem Egill Helgason átti við Jóhannes Björn í Silfri Egils sunnudaginn 17. maí.

Í þættinum lætur Jóhannes Björn falla stór orð og segir meðal annars:   Annað hvort verðum við meðal þjóða sem nýtir orkuna ekki rétt eða við tökum okkur til núna og setjum allan bíla-og bátaflota okkar á innlenda orku og verðum sjálfbær þjóð. Þetta verður að gerast. Það verða bara til tvö ríki í heiminum. Þau sem eiga orku og þau sem eiga hana ekki. Ef okkur tekst þetta ekki er þjóðin hreinlega glötuð. Þjóðin verður að fara á innlenda orku, þetta snýst um sjálfstæði þjóðarinnar. 

Jóhannes Björn  er  í úrvalsdeild sinnar fræða og höfundur bókarinnar Falið vald.

Sjá viðtal í lok þáttarins: http://dagskra.ruv.is/sjonvarpid/4464814/2009/05/17/

Annar fallegur dagur í dag , takk fyrir það.

Metanvæðing eða rafmagnsvæðing bílaflotans ? Spurning er ekki um annað hvort, svarið er bæði. Brosti John Perkins ?

Baldvin Jónsson birtir athyglivert myndband í bloggi sínu um rafmagnsvæðinu á bílaflota heimsins  (Sjá að neðan) . Takk fyrir að minna á þetta myndband Baldvin. Var  það ekki John Perkins (EHM) sem niðurlútur brosti breitt þegar hann sá þetta?

Fagna ber því ef smærri rafmagnsbílar  reynast hagfelldastir í rekstri ,heildrænt séð, miðað við skilgreinda notkun.  Ef við erum að tala um bíl tvö eða þrjú  hjá hverri fjölskyldu þarf að hafa í huga heildarkostnað við að eiga bíl yfir höfuð. Það er langt í land að rafmagnið nái að uppfylli þarfir bílamarkaðarins í heild. Og mjög stórt spurningamerki þarf að setja við hagfeldnina þegar horft er til þeirrar sýnar sem kynnt er í myndbandinu. Þú kaupir bílinn en við seljum batteríin. Þú hleður bílinn þar sem þú stoppar og  batterí verða seld um allt. Þú skiptir um batterí  á tveimur mínútum í öllum veðrum hvar sem er. Já, og þú þarf ekki að skipta um batterí eins oft og þú þarf að fylla á bensín í dag. Þetta segja þeir.

 Í þessu módeli  er hin meinta sjálfbærni rafmagnsframleiðslunnar einfaldlega færð yfir í ósjálfbærni um framleiðslu á batteríum.  BINGO,  og nú brosir John Perkins ( Ecomomic Hit Man) breitt þar sem hann veit að litíum er afar fágætt frumefni og því þægilegt fyrir fáa að ráða högum og för í heimsþorpinu. Og aðferðin er gamalkunn , heimurinn þarf að bregðast við núna, við höfum engan tíma til að bíða eftir frekari þróun á rafhlöðum ( segir í  kynningunni), við verðum að bregðast við núna, núna. Burt séð frá litíum þá er framleiðsla á batteríum ein og sér fullnægjandi flókin til að tryggja vald hinna fáu í heimsþorpinu. 

Það versta fyrir þá fáu sem stjórnað hafa hagkerfum heimsins með einum eða öðrum hætti í gegnum einokun á vöru eins og bensíni  er að þjóðir verði sjálfbærar um framleiðsluna, hvað þá vöru sem gerir meira samfélagslegt gagn.  Stórfelld aukning á notkun á íslensku metani er svo afgerandi okkar besta framþróun í eldsneytismálum  að við verðum að nýta betur þekkingu okkar og tækifæri í þeim efnum.

 Hvað sem líður, þá mun rafmagnsbíllin þjóna tilteknum hluta bílamarkaðar í framtíðinni þótt mismunandi verði eftir löndum . Ódýrt rafmagn tryggir ekki hagfeldni rafmagnsbílsins umfram aðra samfélagslega ábyrga valkosti sem knúið geta allar gerðir og tegundir bíla í dag.  Aukin sjálfbærni okkar Íslendinga í eldsneytismálum er það mikið þjóðþrifamál að okkur verður að takast að nýta íslenskt metan í stórauknum mæli. Við þurfum að einhenda okkur í að fullnýta framleiðslugetu SORPU bs á metan eldsneyti og stíga markviss skref í átt að framleiðslu í öðrum landshlutum. Þekkingin er til staðar í Reykjavík og hefur skilað frábærum árangri. Það er allt klárt til að hefja enn vasklegri framgöngu í átt að sjálfbærni íslensks mannfélags.

Sjá www.metan.is

Sjá flottan fyrirlesara selja hugmyndina um batterí í alla bíla . Takið eftir því að hann reynir ekki að tala gegn metanvæðingunni, þótt metanvæðingin sé aðal ógnun við þá fáu sem vilja skipta með sér batterímarkaði heimsins. Ástæðan er hver ?.....?  Rétt hjá þér.

http://baldvinj.blog.is/blog/baldvinj/entry/872190/

Metanvæðing Evrópu- UK: Iveco stóreykur framleiðslu sína á Daily metanbílum í kjölfar breskrar rannsóknar sem leiddi í ljóst 62% minni losun á CO2 í samanburði við Daily dísilbíl.

Það skemmtilega við forsendur þessarar góðu fréttar,hér að neðan, er að þær eru allar til staðar á Íslandi nema þá helst mannlega hugarfarið sem mótar ákvarðanir Íslendinga um val á eldsneyti. Við framleiðum metan í hæsta gæðaflokki  í dag úr hauggasi frá Álfsnesi, getum nálgast það í glæsilegri afgreiðslustöð hjá N1 að Bíldshöfða og einnig í Hafnarfirði. Og verðið á metan er 40% lægra en verð á 95 oktana bensíni og næstum  50% lægra en verð á dísilolíu. Það sem við Íslendingar kurfum að gera meira af er að reikna og bregðast við á hagfelldasta hátt.  Hér erum við að tala um þrennskonar hagsmuni fyrst og fremst, rekstrarfræðilega,  umhverfislega  og þjóðhagfræðilega. Það skemmtilega vill til að með vali á metan eldsneyti, í stað bensíns og díselolíu,  og þar með ökutæki sem nýtt getur metan, erum við að uppfylla öll gildin, lækka kostnað okkar, bæta andrúmsloftið og spara dýrmætan gjaldeyri þjóðarinnar.

Sex mánaða rannsókn á Ivaco Daily metan  umhirðubil í rekstri hjá  Camden Council (UK) leiddi í ljós að metanbíllinn notaði að meðaltali 24,6 kg/100km af fljótandi metani samanborði við 31,4 lítra/100km af díselolíu á sex mánaða tímabili sem spannaði 7040 km akstur í báðum tilfellum.  Útblástur metanbílsins nam alls 2771 kg af CO2 samanborði við 7295 kg frá dísilbílnum og því um að ræða 62% sparnað á losun CO2 með notkun metanbilsins. Með öðrum orðum, metanbíllinn getur sinnt  sömu þjónustu í 15 mánuði  án þess að losa meira CO2 út í andrúmsloftið en dísilbílinn gerir á 6 mánuðum eða veitt  2,62 sinnum meiri þjónustu miðað við sömu losun á koldíoxíði, CO2 .

Eldsneyti metanbílsins í rannsókninni  kom frá Gasrec  (UK), fyrstu metanverksmiðju Breta  sem framleiðir metan í vökvaformi unnu eru úr lífrænum úrgangi ( Biomethan).  Talsmaður Ivaco, Martin Flach, staðfestir að niðurstaðan hafi leitt til stóraukningar á framleiðslu á metanbílnum enda ljóst að umhverfislegur ávinningur er gríðarlega mikill (62%) og ljóst að fljótandi metan er sérlega heppilegt hágæða eldsneyti.  ,, Á meginlandi Evrópu er dreifikerfi  fyrir metan eldsneyti í gasformi mun útbreiddara en í Bretlandi en þessi rannsókn á metani í vökvaformi gerir okkur kleift að selja Iveco Daily LB-Metan til fyrirtækja um allt land (UK)“ .  Þar fyrir utan  leiddi rannsóknin  í ljós að eldsneytiskostnaður metanbílsins var 30% lægri en dísilbílsins

Talsmaður Gasrec , Richard Lilleystone, bendir á að metanið sé unnið úr hauggasi  sem safnað er á   urðunarstað í Algury, Surrey, og því ekki um jarðgas að ræða. ,,Eldsneytið er unnið úr lífrænum úrgangi sem til fellur í samfélaginu og er sérstaklega hentugt til notkunar sem bifreiðaeldsneyti í þéttbýli. Við erum sérstaklega ánægð með ávinninginn í loftslagsmálum með notkun á metani í stað dísilolíu. Öll sveitfélög munu fagna lækkun á sóti í andrúmslofti um 90%, 60% minnkun á köfnunarefnisoxíði (NOx), 50% minnkun af  súlfat tvíoxíði  (SO2) og jafnvel 30% minni hávaðamengun.  Fyrirtæki  og stjórnvöld eigna nú þegar raunverulegt  val um eldsneyti  á bílaflota sinn og sérstaklega  þar sem um er að ræða fastar áætlanaferðir frá stöð til stöðvar. ´´

  Metan í fljótandi formi stenst allan samanburð einstaklega vel , verð og ávinning í umhverfismálum, og það má nýta í stað metangass með skilvirkum hætti. Fljótandi metan inniheldu jafnframt lægra kolefnahlutfall  en allar aðrar tegundir eldsneyti sem nýttar eru til að knýja stærri bíla .  Úr einu tonni af metanvökva sem samsvarar 1200 lítrum af díselolíu má knýja  44 tonna ökutæki í þungaflutningum  í eina viku.  

Ivaco Daily metanbílarnir eru framleiddir  í verksmiðjum fyrirtækisins í Suzzer á Ítalíu  og framleiðsluferli  þeirra  og allt gæðaeftirlit hið saman og fyrir hefðbundna dísilbíla.  Í Bretlandi eru í boði  28 tegundir (gerðir)  af  Daily-metan ökutækjum, frá 3,5 til 6,5 tonna öxulþunga, með mismunandi útfærslum og hjólabúnaði . Í öllum bílunum er 3L vél sem skaða getur 136 hö á 2730 til 3500 snúningum og allt að 350 Nm snúningsvægi (tog) milli 1500 og 2730 snúninga/mínútu.  Vélin er hönnuð til að ganga eingöngu fyrir metani  og framleiðsluferlið lýtur sömu  gæðakröfur og gilda fyrir hefðbundna dísilvél. Eldsneytisbirgðir duga til 380 km aksturs.

Frá árinu 1999 hefur Ivaco selt yfir 4000 Daily metanbíla, flutningabíla og minni sendibíla, á meginlandi  Evrópu sem undirstrikar umtalsverða fjárfestingu fyrirtækisins í því skini að skapa raunverulegan og hagfelldan valkost andspænis hefðbundnum atvinnubifreiðum sem ganga fyrir  dísilolíu.  Iveco Daily metanbílum  mun fjölga hratt í Bretlandi á næstu misserum.

Íslendingar fara senn að vakan - það er töff að vera hagfelldur og samfélagslega ábirgur í senn

Sjá frétt: http://www.ngvglobal.com/en/market-developments/uk-six-month-trial-of-iveco-daily-provides-positive-stats-02444.html 

Metanvæðing Íslands - Íslensku umboðin vinna bælkinga um metanbíla í boði 2009

Íslensku umboðin eru nú að vinna bæklinga um metanbíla í boði 2009.  Hekla hefur nýverið sent mér eitt eintak af slíkum bæklingi . Hekla kynnir  nú VW  Caddy  Eco Fuel,  VW  Passad Eco Fuel, VW  Tauran Eco Fuel  og Askja hf.  Mercedes E-Class NGT og Mercedes B-Class NGT  .  Hér er um að ræða bíla sem ganga fyrir metani fyrst og fremst en geta notað bensín ef þörf krefur. Bílarnir eru með tvíbrennivél.  Takk fyrir upplýsingarnar Hekla og Askja - flott framtak ( sjá myndir af bæklingi)

 Ég mun gera grein fyrir öllum upplýsingum  sem berast frá öðrum  bifreiðaumboðunum   og/eða bílasölum um leið og þær berast. Þjóðhagslegur ávinningur er það mikill að stórauka notkun á íslensku metani og geta aukið fjölda afgreiðslustaða að nú verður ekki lengur legið, út og suður, við stefnumótun um framtíð Íslands í eldsneytismálum.

Góða helgi

Metanvæðing USA : T. Boone Pickens leiðir vagninn - “ I’ve been an oilman my whole life, but this is one ...

Olíu og fjármálamaðurinn, T. Boone Pickens, hefur ávallt farið sínar eigin leiðir í lífinu og  ósjaldan ótroðnar slóðir. Vítt og breitt um Bandaríkin hefur hann um árabil barist fyrir stefnumörkun um aukna sjálfbærni í eldsneytismálum og mikilvægi þess að innleiða umhverfisvænt bifreiðaeldsneyti. Fræg eru orð hans um mikilvægi þess að stjórnvöld í Bandaríkjunum móti stefnu í eldsneytismálum, setji sér markmið og uppfylli þau -  ,,kjáni með áætlun er betur settur en snillingur með enga, en við lítum út eins og kjáni með enga áætlun „   “A fool with a plan is better than a genius with no plan, and we look like fools without a plan.“ 

Pickens  hefur verið óþreytandi við að brýna  fyrir löndum sínum þá brennandi þörf að bregðast við stöðugu útstreymi fjármagns úr landi fyrir eldsneyti , mikilvægi þess að vera sjálfbær um öflun eldsneytis og kall nútímans og framtíðarinnar eftir umerfisvænu eldsneyti.  Á sama tíma og hann var yfirmaður Mesa  Petroleum  var hann mikill talsmaður þess að metan yrði eldsneytis fratíðarinnar fyrir bílaflotan.  Ekki voru allir sáttir við sýn hans og sannfæringu innan olíugeirans.  Eftir að hann hætti störfum hjá Mesa  Petroleum  varð honum ljóst að eigendur og nýir stjórnendur áformuðu að draga  verulega úr fjárfestingum  fyrirtækisins  á  sviði metanvæðingar.  Viðbrögð hans voru afdráttarlaus, hann keypti  fyrirtæki  árið 1997 og stofnaði Pickens Fuel Corp.        

 Fyrirtækið  var endurskrá undir nafninu Clean Energy árið 2001 og sett á markað 2007 . Í dag er Clean Energy stærsta fyrirtæki Bandaríkjanna í dreifingu og sölu á metan eldsneyti og þjónar breiðum neytendahópi – fólksbílar, sendibílar, leigubílar, flutningabílar, farartæki á flugvöllum og svo mætti lengi telja. Notkun á metani eykst stöðugt,  afgreiðslustöðum fjölgar hratt og framboð bifreiðaframleiðenda á bílum sem ganga fyrir metani hefur margfaldast á stuttum tíma. Pickens hafði áætlun og fyrir honum var metanvæðingin bílaflotans hin rétta framtíðarsýn og rökin borðleggjandi eða þessi:

• Metan er innlent eldsneyti sem eykur sjálfbærni landsins
• Metan er umhverfisvænt eldsneyti sem losar allt að 95% minna af gróðurhúsalofttegundum út í andrúmsloftið.
• Metan er ódýrar en bensín, dísilolía og vetni
• Metan er skaðlaust fyrir manninn og eðlisléttara en andrúmsloftið
• Metan hefur mun hærra sjálfíkveikjuhitastig en bensín og dísilolía sem lækkar enn frekar hættu á slysum vegna eldsvoða.

 Já, Pickens hafði ,,PLAN´´ og það gekk upp.   

  Við Íslendingar gerðum einnig áætlun um metanframleiðslu fyrir tíu árum og hún gekk upp  hjá SORPU bs. - frábært framtak.  Í dag framleiðum við Íslendingar metan bifreiðaeldsneyti í hæsta gæðaflokki og það er til sölu hjá N1 að  Bíldshöfða og kostar meira en 40% minna en 95 oktana bensín. Í dag eru 130 bílar á götum landsins sem nýtt geta okkar frábæra íslenska og umhverfisvæna eldsneyti . Við getum gert mun betur, eldsneytið er til.  Hvað er að vorri þjóð? Erum við kannski  þessir snillingar  með  ekkert ,, plan“ sem Pickens ræðir  um ?  Eða er það lömun útlistingarinnar  (Paralysis from analysis) sem við þurfum að komast yfir sem þjóð? Spyr sá sem ekki veit. 

 Ég er þó viss um að við komum til með að eignast áætlun fljótlega um stórfelda aukningu á notkun á íslensku metani, íslensku bifreiðaeldsneyti og að hún fari í framkvæmd. Ávinningur þjóðarinnar er það gríðarlegur.

Sjá grein um T. Boone Pickems : http://www.boonepickens.com/helping/default.asp

Sjá  einnig: www.metan.is

Metanvæðing Evrópu – Sænskir atvinnubílstjórar taka afstöðu með metani - Taxibolag í Stokkhólmi pantar 350 metanbíla að andvirði 1.5 milljarða kr.

Taxibolag  í Stokkhólmi stefnir að því að metanvæða leigubílaflota sinn í framtíðinni og hafa pantað 200 Volvo V70 2.5FT Bi-fuel,  100 Merchedes B170 NGT  og  50 Volkswagen Passat Ecofuel.  Talsmaður  Taxibolag, Mikael Andersson, segir atvinnubílstjórana  vilja helst aka á metan eldsneyti og að hann trúi því að metanbílar komi í stað dísilbíla í leigubílakstri víð um heim.

 

Þótt  fjöldi áfyllistöðvar í Stokkhólmi  í dag fullnægi ekki mestu hagræðingu fyrir eigendur metanbíla er rekstrarlegur ávinningurinn engu að síður það mikill að smá fyrirhyggja varðandi áfyllingu  er engin fyrirstaða.  Svíar hafa tekið afstöðu með metani sem framtíðar bifreiðareldsneyti  og áfyllistöðum fjölgar stöðugt. Er það ekki þess virði fyrir Reykvíkinga að koma við af of til á Bíldshöfða hjá N1 og nota íslenskt og umhverfisvænt eldsneyti sem kostrar miklu minna. Auðvita fjölgar afgreiðslustöðum en við ættum að nýta betur það sem  er til staðar og hraða þannig uppbyggingunni. Þrátt fyrir einni stöð í Reykjavík er eftir sem áður mikill ávinningu fyrir alla sem aka nú þegar á metanbíl.

 

Með vali á  bílum sem ganga fyrir metani lækkar  eldsneytiskostnaður um meira en 40% í Svíþjóð  eins og á Íslandi. Ofngreinda bíla er hægt að fá þannig útbúna að þeir geta einnig nýtt bensín ef á þarf að halda – þeir hafa einnig bensíntank.  Metanvélin er í grunnin sú sama og bensínvélin og því algengt að hefðbundnum bensínbílum sé breytt þannig að þeir geti notið ávinningsins af notkun metans – rekstrarlegur ávinningur , umhverfislegur ávinningur og þjóðhagslegur ávinningur.

 

Svíarnir eru ekki að deila um hænuna og eggið þegar kemur að kröfu um stórbætt dreifikerfi  fyrir metan áður en þeir bregðast við með samfélagslega ábirgum hætti.  Þeir reikna dæmið til enda og sjá að með smá breytingum og fyrirhyggju í eldsneytiskaupum er mjög hagfellt  í rekstri og samfélagslega ábirgt  að velja bíl sem gengur fyrir metani þótt afgreiðslustöð fyrir metan sé ekki á hverju götuhorni.

 

Okkur Íslendingum stendur til boða að aka um á íslensku metni  sem kostar meira en 40% minna en 95 oktana bensín . Hið opinbera er með alls um 1500 bíla í rekstri og mun vonandi á næstu misserum auka notkun á bílum sem ganga fyrir umhverfisvænu og íslensku eldsneyti , metani.

Sjá frétt

 http://www.alltommotor.se/artiklar/nyheter/taxibolag-satsar-pa-biogasbilar-1hverfisvænu .11471

http://www.metan.is/user/home

 

 

 

 

 

Metanvæðing í Evrópu : Spænskir atvinnurekendur svara kalli nútímans og sameinast um stóraukinn umhverfisvænan akstur – METAN - er Ísland að hugsa?

 Spænskir atvinnurekendur svara kalli nútímans og staðfestu á fundi í Madrid  þann 14. apríl áform um að stórauka fjölda bíla í notkun sem ganga fyrir umhverfisvænu eldsneyti,  metani.

Umhverfisstofa Madridborgar kynnti fyrir ári síðan vettvang og átak í umhverfismálun undir heitinu ,, Foro Pro Clima Madrid ´´.  Markmiðið var m.a.  að skapa umræðu og efla vakningu til umhverfisvænnar nýsköpunar og aðgerða gegn mengun bifreiða  í borgum.  Fjöldi fyrirtækja í mismunandi rekstri svöruðu kallinu og gáfu nýverið út sameiginlega yfirlýsingu um áform sín um að stórauka fjölda umhverfisvænna ökutækja í bílaflota sínum á næstu misserum og í framtíðinni. Hér má nefna fyrirtæki í matvælaiðnaði, fjarskiptaþjónustu, byggingariðnaði, flutningaþjónustu og fleira.

Ráðamenn í Madríd eru ekki þeir einu sem efna orð sín þegar kemur að umhverfisvænu vali á bílum og eldsneyti.  Metanbílar í opinberri þjónustu á Spáni eru yfir  1400 í dag og fer hratt fjölgandi  rétt eins og afgreiðslustöðum sem eru nú alls 35.  Með notkun á metan bifreiðaeldsneyti  minnkar umtalsvert  losun á skaðlegum gróðurhúsalofttegundum út í andrúmsloftið  og hér er eftir miklu að slægjast  á ársgrundvelli fyrir Spánverja sem aðrar þjóðir.

 Með metanvæðingunni  sjá Spánverjar  fram á að geta létt úr andrúmsloftinu 23 tonnum af CO ( kolmónoxíð) , 300 tonnum af NOx ( köfnunarefnisoxíð) og 17 tonnum af sóti ( hærri kolvetni) með gríðarlegum umhverfislegum ávinningi. Þar fyrir utan sjá þeir fram á minni losun á CO2 (koltvíoxíð) sem nemur 7000 tonnum á ári auk gríðarlegs fjárhafslegs ávinnings vegna minni notkunar á hefðbundnu eldsneyti svo tugum milljóna lítra skipti. Barcelona, Valencia og yfir 15 aðrar borgir njóta nú þegar ávinningsins af notkun á metan eldsneyti. 

Hvað erum við Íslendingar að hugsa með okkar frábæru framleiðslu á metani hjá SPORU bs, sem er í eigu sveitarfélaganna, og alla okkar getu til að stórauka framleiðsluna og notkun á metani með miklum samfélagslegum ávinningi.  

Sjá nánar: www.gnv2009madrid.com 

www.ngvaeurope.eu

www.metan.is 

Metan kappakstursbíll frá Volkswagen fer á Nürburgring brautina 23/24 maí - ,, The Green Hell‘‘ brautina eins og Jackie Stewart nefndi hana.

Það segir meira en 1000 orð um magnaða eiginleika metan eldsneytis að Volkswagen mun mæta til leiks á Nürburgring kappakstursbrautina á metanbíl dagana 23/24 maí. Þessa keppnisbraut  nefndi Jackie Stewart  ,,The Green Hell", en keppnin er ein sú erfiðasta sem þekkist í kappakstursheiminum enda um að ræða þolaksturskeppni sem varir í 24 klst.

Volkswagen mun tefla fram tveimur Volkswagen Scirocco GT24 metanbílum en þróun þeirra byggir á þeirri hönnun metanbíls frá VW sem vann þessa keppni í fyrra.  Vélin er hönnuð út frá 2,0 L bensínvél og búið að þróa enn frekar eldsneytisinnspýtingu vélarinnar og þrýstijafnara. Útkoman er um 300 hö og 350Nm  togkraftur framhjóla í sex gíla skiptingu sem stjórnað er frá stýri. Yfirmaður VW sportbíladeildarinnar segir að 24kls kappaksturinn sé kjörið tækifæri fyrir Volkswagen til að taka þátt í spennandi og krefjandi keppni og undirstrika tækniþróun og getu fyrirtækisins.

Við Íslendingar eigum gríðarleg tækifæri til atvinnusköpunar í landinu með því að stórefla notkun og framleiðslu á okkar eigin metani en við erum búin að framleiða metan bifreiðaeldsneyti í yfir 10 ár og framleiðum í dag metan bifreiðaeldsneyti í hæsta gæðaflokki , allt að 98% hreinleiki. Metan er selt hjá N1 að Bíldshöfða og einnig hægt að fylla á metanbirgðir í sjálfsala í Hafnarfirði.  Metan er yfir 40% ódýrara en 95 okt bensín og með hverjum bensínlítra sem ekki er brenndur í bílhreyfli skapast verulegur umhverfisávinningur og dýrmætur sparnaður á gjaldeyri fyrir þjóðina. Hvað erum við að vesenast ? Glópagullöldin er liðin og efling hins megnuga sjálfs tekin við.

Sjá linka:

http://www.ngvglobal.com/en/technology/vw-cng-powered-scirocco-gt24-to-tackle-2009-nurburgring-02423.html

http://www.metan.is/user/home

 

Metanvæðing Íslands: Atvinnuauglýsing frá þjóðinni - atvinnusköpun fyrir þjóðina

Lýsing: Starfsmaðurinn mun leiða vinnu á stjórnsýslu-og stefnumótunarsviði og hlúa að framgangi verkefna sem ganga þvert á starfsemi ráðuneyta. Starfsmaðurinn mun verða frumkvæðis-og samræmingaraðili við þróun verklags og vinnubragða innan ráðuneyta og styðja fagsvið við undirbúning stefnumótunar. Starfsmaðurinn verður talsmaður innan stjórnsýslunnar um þjóðarátak í metanvæðingu íslenska bilaflotans og mun sinna almannatengslum við átakið.  Menntun og hæfniskröfur:  

• Dómgreind, djörfung og hugunn.
• Þátttaka í atvinnu-og mannlífi á íslandi er skilyrði.
• Úthald,  þrek og þor  til að leiða þjóðarátaki af eldmóði með markvissum hætti.
• Háskólamenntun og framhaldsmenntun á háskólastigi  getur nýst með fjölbreytilegum hætti, en ekki skilyrði.  
• Leiðtogahæfileikar og skipuleg vinnubrögð
• Metnaður til að ná árangri fyrir íslenska þjóð
• Reynsla af stjórnmálum gæti verið æskileg en er ekki skilyrði.
• Vilji og geta til að sinna störfum á Alþingi

Fyrsti áfangi að metanvæðingu Íslands -  markmið:

1. Fyrir þjóðhátíðardaginn 17. júní 2009 mun sú stefna tekin að enginn nýr fólksbíll verði tekinn í notkun hjá ríki og sveitarfélögum nema að hann geti nýtt metan sem eldsneyti. Ef um er að ræða opinber kaup á notuðum bíl, bera að breyta bílnum í metan/bensínbíl enda slík breyting vel framkvæmanleg og þekkingin til staðar í landinu. Stjórnvöld  fella niður gjöld af íhlutum til breyting á bensínbíl í metan/bensín bíl .  Jafnframt mun taka gildi ný reglugerð þess efnis að þeir sem hafa bifreiðahlunnindi sem hluta af launakjörum sínum  fá  50% afslátt af skráðri upphæð til bifreiðahlunninda ef bíll þeirra gengur fyrir metani, hvort heldur hann kom þannig frá framleiðanda eða að honum hafi verið breytt.   

2. Fyrir þjóðhátíðardaginn 17. júní 2010. Íslendingar geta ekið frá Reykjavík til Akureyrar og til baka á íslensku metani eingöngu. Afgreiðslustöð fyrir metan verður komin upp á norðurlandi.  

3. Fyrir þjóðhátíðardaginn 17. júní 2011.  Stjórnvöld staðfesta framlengingu á núgildandi reglugerð um  0% vörugjald  á bíl sem gengur fyrir metani.  Hagfeldniúttekt, á fyrsta áfanga  í framleiðslu, dreifingu og þjónustu  á metani í landinu, lokið.   

4. Fyrir þjóðhátíðardaginn 17. júní á Ólympíuárinu 2012.  Íslendingar geta ekið hringveginn á íslensku metani eingöngu.      

5. Fyrir þjóðhátíðardaginn 17. júní  2013. Fjöldi bíla í umferð á Íslandi , sem nýtta metan eldsneyti , verður orðinn meiri en sem nemur  10% af bílaflota landsmanna.  

6. Fyrir þjóðhátíðardaginn 17. Júní 2014.  Íslendingar hafa stigið afgerandi skref, í alþjóðlegum samanburði , um vistvæða væðingu á eldsneytisnotkun þjóðarinnar. Við blasir gríðarlegur þjóðhagslegur ávinningur  og björt framtíð fyrir komandi kynslóðir í eldsneytismálum  - sjálfbært, umhverfisvænt, hagfellt og öruggara Ísland.   

Gleðilegt sumar

Metanvæðing Íslands - Samanburður á bíl með metan/bensín vél og venjulegri bensín vél

Skoðum aðeins eitt dæmi um ávinning af því að velja bíl sem getur nýtt metan sem eldsneyti í stað þess að kaupa bíl sem brennir einungis bensíni. Í þessu dæmi er um að ræða bíl með tvíbrennivél sem getur bæði brennt metan og bensín, annars vegar, og bíl með  hefðbundinni bensínvél, hins vegar.  

Hér er um að ræða sömu gerð og tegund af bíl fyrir utan eldsneutisnotkunina og sama búnað og þægindi að öðru leiti. Þú sérð engan mun á útliti bílanna og krafturinn er hinn sam á bensíni og metani. Kaupverð á bílnum með metan/bensín vél er lægra í þessu raunverulega dæmi. Ástæðan er sú, að ekkert vörugjald greiðist af bílum sem ganga fyrir metani, umhverfisvænu og samfélagslega ábyrgu eldsneyti. Hér er um að ræða raunverulegt dæmi, raunverulegan valkost á markaði í dag. 

1.  Hvort  velur þú bensínbíl eða metanbíl í dag ef verð bilanna er hið sama og eldsneytiskostnaður er sá sami á bensíni og metani?  Metanbíllinn gerir þér kleift að aka um  með umhverfisvænum hætti .   
2.  Hvort velur þú bensínbíl eða metanbíl í dag ef metanbíllinn er 210.000 kr ódýrari en bensínbíllinn en eldsneytiskostnaður er sá sami á bensíni og metani?   Metanbíllinn gerir þér kleift að aka um  með umhverfisvænum hætti .  
3. Hvort velur þú bensínbíl eða metanbíl í dag ef metanbíllinn er 210.000 kr ódýrari en bensínbíllinn og metan eldsneyti er 20% ódýrara en bensín? Metanbíllinn gerir þér kleift að aka um  með umhverfisvænum hætti .   
4. Hvort velur þú bensínbíl eða metanbíl í dag ef metanbíllinn er 210.000 kr ódýrari en bensínbíllinn og metan eldsneyti er 40% ódýrara en bensín? Metanbíllinn gerir þér kleift að aka um  með umhverfisvænum hætti .    
5. Til þess að njóta 40% sparnaðar í eldsneytiskaupum þarf þú að fylla á metantank metanbílsins á tveimur tilteknum stöðum á stór Reykjavíkursvæðinu í dag. Annar er hjá N1  að Bíldshöfða og hinn verður í Hafnarfirði fljótlega.  Ef þú kaupir metanbílinn, telur þú að þú munir mestmegnis kaupa metan á bílinn ?
6. Bíllinn kemst um 550 km á samanlögðum eldsneytisbirgðum  – um 400 km á metani og um 150 á bensíni. Bensínbíllinn kemst um 600 km á bensímbirgðum sínum.

 Þessi kjör í lið 5. hér að ofan eru í boði á Íslandi í dag og voru það í góðærisveislunni líka. Skoðum dæmi um hvernig þetta gæti komið út fjárhagslega:  

Forsendur:

• Ef valinn er metan/bensínbíll í stað bensínbílls þá sparast 210.000 kr við  kaupin.
• Ef meðalakstur á ári er 20.000 km
• Ef meðaleyðsla í borgarakstri er 10L/100km +
• Ef verð á metani verður  87.5 kr / L ( m.v. orkujafngildi á við 95okt bensín)
• Ef verð á bensíni verður 150 kr/L 
• Ef ávöxtunargeta á eldsneytissparnaði er 1,17 % á mánuði
• Ef ávöxtunargeta á sparnaði kaupverðs  er 14 % á ári  
• Forsendurnar að ofan, sem eru í gildi í dag.

MIÐAÐ VIÐ FORSENDURNAR ER ÚTKOMAN ÞESSI  

1. Eftir 5 ár áttu þú á sparnaðarbók 1.302.202 kr 
2. Eftir 10 ár átt þú á sparnaðarbók 3.441.151 ( 3,4 milljónir)
3. Núvirði ávinnings á 2 árum með notkun á metani er  415.833 kr  

Annað: Gerum ráð fyrir að þú viljir selja bílinn eftir 5 ára.  

Hvorn bíllinn telur þú að gangi betur að selja ? Hvor bíllinn er líklegri til að seljast á hærra verði?

Stóri bónusinn í þessu dæmi er svo auðvita allur sá umhverfislegi ávinningur sem val á metan/bensínbíl veitir svo ekki sé talað um þann þjóðhagfræðilega ávinning sem það hefur í för með sér að nýta íslenskt eldsneyti, spara gjaldeyri þjóðarinnar, minka útblástur þjóðarinnar á gróðurhúsalofttegundum og styrkja atvinnu-og nýsköpun í landinu.  Já, svona samfélagslega ábirgt val er sannarlega eitthvað.  

Það verður annar fallegur dagur á morgun.

Einar – 660-0235

 

Metanvæðing íslenska bílaflotans - margþættur samfélagslegur ávinningur

Íslendingar hafa þróað framleiðslu á metan bifreiðaeldsneyti frá árinu 2000  og framleiða í dag metan í hæst gæðaflokki,  95-98% hreinleiki.   Alls eru um 130 bílar á götum landsins í dag sem nýta metan sem eldsneyti og framboð af íslensku metani til staðar til að þjóna 2000 nýjum viðskiptavinum á dag.  Með samstilltu átaki ráðamanna og almennings getum við stóraukið framleiðslu á metani í landinu og hrundið af stað atvinnuskapandi starfsemi með skilar miklum ávinningi fyrir heimilin, fyrirtækin og þjóðarbúið.  Til lengri tíma litið er raunhæft að stefna að sjálfbærni Íslands í framleiðslu á eldsneyti fyrir bílaflotann og skipaflotann.  Ávinningur metanvæðingar er gríðarlega mikill fyrir íslenskt samfélag:

• Sjálfbært Ísland í eldsneytismálum – stöðugleiki, öryggi, atvinnu-og nýsköpun
• Umhverfisvænt og samfélagslega ábyrgt markmið sem skilar miklum efnahagslegum ávinningi.
• Metanvæðing Íslands lækkar eldsneytiskostnað landsmanna um meira en 40%
• Atvinnusköpun um allt land við öflun á lífrænu hráefni til framleiðslunnar
• Atvinnusköpun af ýmsum toga vegna fjárhagslegrar innspýtingar. Fjárstreymi vegna eldsneytisframleiðslu helst innan samfélagsins og virkar sem innspýting í aðra atvinnustarfsemi með margfeldisáhrifum.
• Atvinnusköpun vegna nýrra starfa á ýmsum sviðum sem tengjast átakinu með einum eða öðrum hætti  s.s. stórfelld tækifæri við breytingu á bensínbílum.
• Atvinnusköpun í ferðaiðnaði vegna stórfelldrar lækkunar á ferðakostnaði um landið.
• Gjaldeyrissparnaður þjóðarinnar er dýrmætur – innflutningur á bensíni og olíu minkar umtalsvert .
• Metanvæðing skapar grundvöll fyrir arðbæra ræktun orkuplantna á auðnum landsins með stóraukinni atvinnu-og nýsköpun í landbúnaði .
• Metanvæðing Íslands minkar stórlega útblástur gróðurhúsalofttegunda á Íslandi og liðkar til fyrir möguleika  á annarri atvinnustarfsemi
• Metanvæðing  Íslands gerir okkur kleift að uppfylla loftslagssamningi Sameinuðu þjóðanna og ákvæði  Kyoto-bókunarinnar.
• Margt fleira mætti nefna .

Metan er eingöngu framleitt í Reykjavík í dag en allar forsendur til staðar til að geta hafið undirbúning að framleiðslu í öllum fjórðungum landsins.  Glæsileg afgreiðslustöð fyrir metan er hjá N1 að Bíldshöfða þar sem verð á metani er meira en 40% lægra en verð á 95okt bensíni.  Flestir bílaframleiðendur í Evrópu og víða um heim bjóða nýjustu bíla sína með svonefndri tvíbrennivél sem gengur  fyrir metani en getur einnig gengið fyrir bensíni ef á þarf að halda.  Segja má að með stórauknu framboði bifreiðaframleiðenda á tvíbrennivélum hafi björt framtíð metan bifreiðaeldsneytis endanlega verið staðfest .

Lengi vel fjölgaði metanbílum hvað mest í heiminum með breytingu á bensínbílum án aðkomu bifreiðaframleiðenda. Þekking er til staðar á Íslandi til að breyta bensínbílum þannig að þeir geti einnig nýtt metan eldsneyti.  Hér eigum við mikil tækifæri til atvinnusköpunar sem veitir efnahagslegan og umhverfislegan ávinning strax og til lengri tíma litið.

Afgreiðslustöðum fyrir metan fjölgar hratt og í Evrópu eru á annað þúsund þjónustustöðvar í dag. Nýverið voru áform kynnt í Svíþjóð þess efnis að innan 5 ára yrðu 10% bifreiða þar í landi knúnar metani. Hér ræður miklu um ný tækni, sem gerir mögulegt að framleiða metan í litlum og hagfelldum verksmiðjum, sem auðveldar mikið dreifingu og lækkar kostnað.  Með þessu átaki munu Svíar spara sér umtalsvert útstreymi af gjaldeyri fyrir bensín og olíu sem nýtist sem bein innspýting til atvinnu-og nýskörunar um allt land.  Og að auki ná Svíar að lækka heildar útblástur gróðurhúsalofttegunda frá samfélagi sínu með miklum ávinningi í umhverfismálum og fyrir aðra atvinnustarfsemi. Íslendingar geta gert betur en Svíar.

Metanvæðing bílaflotans - miklir þjóðarhagsmunir - arðbært , umhverfisvænt og atvinnuskapandi

Ég þakka samtöl,tölvupósta og góðar ábendingar sem mér hafa borist í tengslum við texta minn í síðasta bloggi um metanvæðingu íslenska bílaflotans, sjálfbært Ísland í eldsneytismálum . Mikið rétt, ávinningur metanvæðingarinnar er mun umfangsmeiri og margþættari en ég nefndi í mínu stutta hugflæði og sannarlega vert að taka saman og kynna á næstu dögum heildarmynd þessa raunhæfa þjóðþrifaátaks.

Bent hefur verið á, að einn sá stóri vandi sem íslenskt samfélag glímir við í dag og muni þurfa að glíma við næstu Ólympíutímabilin ( þrjú hið minnsta, 12 ár) snúist um að afla meira af gjaldeyri en við þurfum nauðsynlega að ráðstafa sem þjóð. Í dag skilst mér að þjóðin ráðstafi  um 20 milljörðum á ári af gjaldeyri til innflutnings á bensíni og dísilolíu fyrir bílaflotann og annað eins fyrir skipaflotann.  Í  framtíðinni getum við sparað okkur þessar greiðslur og erum reyndar þegar byrjuð á því með frábærum árangri, enda hefur þróun og framleiðsla á metan eldsneyti verið virk hér á landi síðastliðin tíu ár og vopnin til fyrir þjóðarátak. Við framleiðum metan eldsneyti í Reykjavík í dag og getum gert það í öðrum landshlutum einnig með miklum heildarávinningi fyrir landsbyggðina og samfélagið í heild.

Með samtakamætti einstaklinga, fyrirtækja og hins opinbera getum við stigið afgerandi skref strax á morgun, skapað störf nú í sumar og lagt grunn að sjálfbærni landsins í eldsneytismálum með miklum fjárhagslegum og umhverfisvænum ávinningi fyrir íslenskt samfélag. Ávinningur okkar allar mun skila sér strax á þessu ári, enn frekar næstu árin svo ekki sé talað um ávinninginn fyrir afkomendur okkar sem lánað hafa okkur þau forréttindi að greina aðstæður og taka ákvarðanir á þessu landi.

Ljóst er að verkefni sem þetta ætti að vera á borði allra stjórnmálamanna í dag í umræðu um einstakt tækifæri til atvinnu-og nýsköpunar á þessu ári, næstu misserin og til framtíðar litið. Sumir kynnu að ætla að hér sé um draumsýn að ræða sem eigi sér ekki stoð í raunveruleikanum, sé þjóðhagfræðilega óhagfelld, óframkvæmanleg og/eða íslensku samfélagi um megn að framkvæma.  Svo er alls ekki. Ég leyfi mér að fullyrða, með fyrirvara um að annað eins raunhæft og hagfellt fjöregg finnist, að ekkert verkefni á sviði nýsköpunar og atvinnuuppbyggingar uppfylli með jafn afgerandi hætti þau eftirsóknarverðu skilyrði sem þurfa að vera til staðar svo réttlæta megi þjóðarátak um stefnumörkun, breytingar og aðgerðir - strax í dag. 

METAN á bílinn - íslensk framleiðsal - flott framtíð - sparar gjaldeyri, ódýrara eldsneyti og hreinna andrúmsloft.

Það var virkilega gaman og fróðlegt að hlíða á fyrirlestur Björns H. Halldórssonar, framkvæmdastjóra Sorpu bs ( bs = byggðasamlag) ,  á Háskólatorginu í dag þar sem hann kynnti starfsemi Sorpu bs undir yfirskriftinni umhverfis-og byggingaverkfræði. Sorpa er sannarlega gott dæmi um framsækinn og frumkvöðladrifinn rekstur þar sem  samfélagslega ábirg gildi eru aflvaki athafna og nýsköpunar.  Farið var yfir starfsemi Sorpu í víðu samhengi og staldrað m.a. stuttlega við söfnun fyrirtækisins á hauggasi (óhreinu metani) sem selt er til Metans ehf  til hreinsunar og framleiðslu á hreinu metani. Hreint metan er nýtt sem eldsneyti á bíla og með framtaki Sopru, REI, N1 hf, OR og Metan hf. er útlit fyrir að við getum innan skamms verið sjálfær um eldsneyti fyrir 10.000 -15.000 ökutækja hér á landi. Og í enn ríkari mæli með frekari framþróun á þeirri tækni og þjónustu sem verið er að þróa.  

 

 Í RUV  þann 2. febrúar síðastliðinn var frétt um feðgana Guðmund Stefánsson og  Jón Tryggva , tæknifræðing í Flóahreppi þar sem fjallað var um möguleika á að safna óhreinu metangasi úr lífrænum úrgangi  til sveita. Óhreint metan má nýta til rafmagnsframleiðslu ef því er að skipta og með hreinsun á því fæst eldsneyti sem knúið getur allar vélar í landbúnaði.  Hér er svo sannarlega um að ræða alíslenska framleiðslu og gjaldeyrissparandi vöruþróun.  

Helstu bílaframleiðendur heims eru í dag að keppa um markaðshlutdeild á bifreiðamarkaði framtíðarinnar með fjölbreyttu framboði bifteiða með tvíbrennihreyfli - bílum sem gengið geta bæði fyrir metani og bensíni eða olíu. Þeir ganga fyrst og fremst fyrir metani en hafa einnig bensíntank sem nýta má ef þörf krefur. Það góða við okkar metan er að það er mun ódýrara en bensín og fjöldi bíla væntanlegir á markaðinn á sama verði og bensínbílar ef ekki lægra verði, enda er ekkert  vörugjalda lagt á metanbíla. Ástæðan er augljós. Metanbílinn veitir verulegan umhverfislegan ávinning á við bensínbílinn . Við Íslendingar erum  komnir af stað og í dag eru um 130 metanbílar í umferð hér á landi.

Frábært framtak hjá Sopru, REI, N1, OR, Metan hf. og  þeim bifreiðaumboðum sem bjóða okkur upp á bíla með vél sem gengur fyrir metani. Hekla og Brimborg hafa staðið sig best til þessa.

Er faglegt framkvæmdaráð ekki gagnlegt í endurreisninni?

Það er sannarlega fagnaðarefni að stjórnvöld og fjölmiðlar skuli í auknum mæli vera farnir að varpa ljósi á þá stöðu sem blasir við þjóðinni á komandi misserum. Þá stöðu að við höfum úr mjög takmörkuðum gæðum að spila næstu misserin. Vandinn minkar þó ekki með því að bograst með flokkspólitískar verklagsreglur í endurreisninni. Vandinn er mun meiri en svo að rúm sé fyrir klassískar flokkpólitískar skylmingar eða vinsældakeppni um snið eða liti á þeim klæðum sem við þurfum að tryggja okkur skjól með. Er faglegt framkvæmdaráð ekki gagnlegt í endurreisninni?

Ef eitthvað mætti segja, í léttum dúr, um gagnlega aðkomu stjórnmálaflokka þá blasir við möguleiki á að nýta sér allar þær sviðsmyndir sem íslensk stjórnmál hafa borið á torg fyrir landsmenn. Og gæta þess vel að skipta um gír fumlaust og örugglega á viðeigandi snúningshraða rétt eins og atvinnubílstjórinn kanna að gera manna best í sýnu ábyrgðarstarfi. Þannig hefur sjaldan, ef þá nokkru sinni, skapast eins þægilegur jarðvegur fyrir notagildi á sósíalisma tímabundið að því gefnu að skipting yfir í samvinnu eigi sér stað án þess að gírkassinn verði skemmdur. Síðan þarf ehf-væðingin að fá að taka við með sýnum kostum og þegar jafnvægi er komið á hlutina og jafnaðarhlutföllin stillt í mannfélagslegri sátt, fá frjálshyggjuöflin að leika sér með skilgreindan afgang eins og þeim er einum lagið, en innan ramma virks eftirlits. J

 

Kerfislæg áhætta fjármálakerfisins. Hverjir eiga að meta hana ? Hverjir eiga að smíða regluverk til varnar? Hverjir geta ákveðið að áhættan skuli tekin?

Getur þú hjálpað mér?

1)     Hverjir eru áhættuverðir kerfislægrar áhættu miðað við skipurit íslenskrar stjórnsýslu. Er það fyrst og fremst Seðlabankinn ?

2)     Hverjir hafa umboð til að gera meira af einhverju, minna af einhverju, byrja á einhverju eða hætta einhverju,  þegar kemur að því að bregðast við kerfislægri áhættu? Er það fyrst og fremst forsetisráðherra og/eða viðskiptaráðherra og/eða fjármálaráðherra eftir eðli áhættumatsins ?

3)     Hverjir geta stoppað aðgerðir, sem lagt hefur verið til að viðhafa, til að mæta kerfislægri áhættu?  Hverjir geta tekið ákvörðun um að áhættan skuli tekin?  Er það fyrst og fremst ríkistjórnin ?

4)     Nýverið var Jónas  Fr. Jónsson, forstjóri Fjármálaeftirlitsins, í Kastljósi. Jónas var inntur eftir regluverki sem verið hafur í smíðum frá árinu 2007 sem hefði getað varið stöðu íslenska ríkisins gagnvart innistæðutryggingu á Icesave reikningum. Smíði regluverksins var ekki á ábyrgð Fjármálaeftirlitsins!  Undir hvern heyrir gerð regluverksins sem ekki er enn komið fram ?

 

Traust stjórnvalda grundvallast á heiðarlegri upplýsingagjöf.

Eru upplýsingar ekki komnar fram í bútum sem gera stjórnvöldum kleift að raða brotunum saman og útskýrir stöðu heimilanna fyrir þjóðinni miðað við mismunandi flokkun á efnahag heimila.

Það er nógu erfitt fyrir fjölskyldurnar í landinu að sitja í rökkrinu og raða brotum sínum saman. Og glíma við að bera jákvæðan eldmóð að spónum síns megnuga sjálfs, þótt upplýsingar skorti ekki einnig frá stjórnvöldum um hagfelldustu úrræði í boði. 

Nauðsynlegt er að stjórnvöld upplýsi með skýrum hætti um þau úrræði sem fjölskyldum er hagfelldast að nýta miðað við skilgreinda flokkun á efnahag heimilanna .  

Við þurfum að standa vörð um að dofinn nái ekki að fanga heimilin og lama vonina og viljann til að berjast, þótt Hervör okkar hafi verið draumsýn og hún sé ekki til. 

Eldmóður okkar þarf að vera jákvæður og baráttuviljinn gagnlegur til uppbyggingar, þótt við blasir rústir brostinna vona.  Vona, sem við vitum í dag að voru byggðar, öðrum þræði, á leikriti trúverðugleikans þar sem heiðarleikinn og áreiðanleikinn voru í aukahlutverkum.

Stjórnvöld virðast leitast við að útskýra eins lítið og naumast er unnt. Þjóðin gerir þá kröfu til stjórnvalda að upplýsingagjöf sé heiðarleg og áreiðanleg og miðist við að veita aðgengilegar upplýsingar um leiðarval, sem tryggt getur hagfelldustu útkomu heimilanna miðað við stöðu þeirra – skuldabirgði og tekjur.

Eldmóður þjóðarinnar verður ekki jákvæður, ef upplýst mat stjórnvalda um raunveruleikann, reynist eiga meira skylt við trúverðugleika liðinna missera, en þau gildi sem traust grundvallast  á.

Íslenskri þjóð er treystandi fyrir öllum þeim óhagfelldu upplýsingum, sem stjórnvöld búa yfir, hafa úr að moða, á að byggja og við að styðjast. 

 Því meiri og aðgengilegri sem upplýsingagjöfin er almenningi, því meira verður traust þjóðarinnar á hæfi stjórnvalda. Hér gildir einu hversu óhagfelldar upplýsingarnar eru í raun.

Smáskammtakvalir virka ekki vel á íslenska þjóð í dag hafi þær nokkru sinni gert það. Vonandi erum við ekki að fylgja erlendri ráðgjöf um leiðarval við stýringu mannfélags í neyð.

Komið hefur fram að stjórnvöld telja þörf á að viðhafa hlutlægt og huglægt stöðumat á lífvænleika skuldsettra fyrirtækja. Að úrskurða þurfi hvaða fyrirtækjum verði bjargað og hverjum ekki. Sambærilegt mat þarf að vinna miðað við skilgreinda flokkun á rekstrarstöðu heimilanna, svo einstaklingar geti eignast sýn á raunverulega áskorun sína, og náð að ratað sem fyrst á braut bestu úrræða.

Án trausts á stjórnvöldum mun  þjóðin ekki mæta áskorun sinni með hagfelldasta hætti fyrir þjóðina í heild. Traust stjórnvalda  grundvallast á heiðarlegri upplýsingagjöf.

Robert Z. Aliber, hagfræðiprófessor Chicago háskóla, hélt fyrirlestur í gær.

Robert Z Aliber hélt fyrirlestur í háskólanum í dag- einhliða myntbreyting galin næstu mánuði

Húsfyllir  var í málstofu Háskólatorgsins á fyrirlestri þessa  lífsreynd prófessors frá Chicago háskólanum.  Fyrirlesturinn var ekki sem verstur og áréttaði sýn manns í úrvalsdeild sinna fræða.  Spurningar úr sal um framtíðarhorfur íslensks efnahagslífs  voru sumar krefjandi og studdar talnalegum staðreyndum um svartnættið sem við er að fást. Ekkert dugði þó til að hagga sannfæringu hagfræðingsins um að íslenskt þjóðfélag myndi komast í gegnum þrengingar sýnar og ná vopnum sínum aftur fyrr en seinna.  Hann áréttaði að endurreisn íslenska hagkerfisins tæki skemmri  tíma við þessar aðstæður en margra annarra hagkerfa sökum þess að tekjuskapandi auðlindir hafi ekki tapast í þessum þrengingum -  mannauðurinn og  náttúruauðlindirnar .Að hans mati hefur samfélagið þegar gengið 33% af þrautagöngu sinni og að árið 2009 yrði mörgum erfitt.  Hann taldi næsta víst að brún efnahagslífsins færi að rísa aftur á árinu 2010 ef rétt væri á spilum haldið. 

En hvers ber þá að varast ?

1)     Robert lagði þunga áherslu á að ekki  yrði breytt um gjaldmiðil næstu 6 mánuði.

2)     Hann taldi mikilvægt að stjórnvöld framkvæmdu aðgerðaráætlun IMF hvort heldur lán frá stofnuninni yrði samþykkt eða ekki.

3)     Varast ber með öllu að nýta lánsfé til að verja meintan styrk krónunnar. 

 4)     Róbert  taldi að raungengi  krónunnar væri  ekki óeðlilegt í dag og að gera mætti ráð fyrir þessu gengi síðustu daga áfram eða jafnvel frekari veikingu krónunnar.

5)     Hann taldi að við núverandi aðstæður væri krónan besta tækið til að stýra för á þrautagöngu þjóðarinnar næstu 6 mánuðina hið minnsta. Ástæðan væri fyrst og fremst sú að krónan gerir stjórnvöldum kleift að viðhafa sveigjanleika um leiðarval yfir  versta kaflann.

6)     Svo var að skilja að útboðsleið Seðlabankans á gjaldeyri  væri  ásættanleg næstu misserin.

7)     Margt annað kom vissulega fram í fyrirlestri hans sem fjallaði almennt um verðbólgu í heiminum og heimskreppur. Hann áréttaði að á löngum ferli sínum væri það reynsla hans að seðlabankastjórar leituðust við að reikna styrk síns gjaldmiðils meiri en hann er í raun.    Robert nefndi  ,, financial invation“ sem  áhrifamikinn orsakavald fyrir miklu flökti á vergildi mynta,  stórum  breytingum á verði mynta.  Annan áhrifamikinn orsakavald verðbreytinga á myntum taldi hann vera þá staðreynd  að fjárfestar sjá tækifæri sín sem hópur - ,, Investors see oppertunity as a group ´´.

8)     Fjárfestar sóttu  til Íslands  í vön um veglegar vaxtatekjur sem leiddi til sögulegrar styrkingar á krónunni með þekktum afleiðingum – ódýrt fjármagn, mikið framboð og Íslendingar tilbúnir til að taka lán og ráðstafa peningum sem þeir áttu eftir að vinna fyrir.  Íslendingar lifðu í raun að stórum hluta á peningum annarra á árunum 2005-2008.

9)     Róbert nefndi að á einhverjum tímapunkti framvindunnar hafi verið ljóst að íslenska efnahagsbólan gæti  ekki annað en sprungið.  Að hans mati fór hagkerfið yfir óafturkvæmt strik  á árinu 2005 og að frá þeim tíma hefði áherslan á mjúka lendingu  átt að vera í öndvegi. 

Þar sem ég er að búa mig undir að setja punkt er Clint Eastwood að spjara sig á skjánum hjá mér í myndinni  ,, Blood Work“ , blóðugt starf.  Má til að láta einn frasa hans í myndinni fylgja hér:   ,, If you can´t  protect  the integrity of the system,  then there is no system“

Gleymum  því ekki  í okkar réttmæta andófi  gegn hlutskipti þjóðarinnar að við eigum þrátt fyrir allt, bát og byr og megum ekki sjálf blinda þann sem heldur um stýrið hverju sinni.

Húsfyllir í Iðnó - þingmenn mættu - fjöldinn vildi hlusta

Húsfyllir var í Iðnó mikið rétt. Flott framtak og til stendur að halda fleiri fundi sem án efa verða vel sóttir. Fundurinn fór vel fram. Fram í köll voru færri en vænta mátti en mest þegar þingmenn töluðu. Þingmönnum var þó þökkuð mætingin með lófaklappi - Pétur Blöndal, Ögmundur Jónasson, Jón Magnússon, Mörður Árnason , Illugi Gunnarsson,  Bjarni Harðarson, Sigurður Kári Kristjánsson. Fundurinn spann sig að stórum hluta sjálfur með 2-3 mínútna framlagi fundargesta sem kvöddu sér hljóðs. Áður höfðu fjórir frummælendur fengið um 10 mínútur til að tjá sig. Einar Már Guðmundsson rithöfundur, Björg Eva Erlendsdóttir blaðamaður, Lilja Mósesdóttir hagfræðingur og Vilhjálmur Bjarnason viðskiptafræðingur. Því miður heyrði ég ekki til fyrstu tveggja frummælenda en náði að koma mér í betri aðstöðu eftir það. Umræðan hér að neðan nær því ekki til þeirra.

1) Greining og refsing: Á fundinum voru ýmis mál vissulega rædd lítillega og ljóst að allir gerðu sér grein fyrir því að við blasir peningaleg áskorun af óþekktri stærðargráðu með yfirvofandi harmleikjum. Stór hluti fundartíma fór í að svara spurningunum:  Hvers vegna erum við í þessum sporum?  Hverju og hverjum er um að kenna? Ekkert nýtt kom fram á fundinum í þessum efnum en þingmenn voru þó fúsir að viðurkenna að séð úr baksýnisspeglinum mætti benda á ýmislegt sem þeir hefðu mátt gera betur.

2) Hvað ber að varast: Lilja Mósesdóttir benti á úrræði í kreppuástandi í sögulegu samhengi og áréttaði mikilvægi þess að vextir yrðu ekki hækkaðir eins og líklegt þykir að IMF hafi lagt til. Hún gat þess reyndar einnig að vandi okkar væri sínu stærri en þeirra landa sem hún sótti sögu sína til varðandi stjórn peningamála og stjórnvaldsaðgerðir í samdrætti og kreppu.

Almennt hugflæði eftir fundinn: Á ákveðnum tímapunkti á fundinum spurði ég sjálfan mig að því hvort það kunni að vera manninum eðlislægt að beita sjálfan sig smáskammtaraunsæi og hvort sú leið sé áhættunnar virði. Er flestum gjörsamlega um megn að fást af yfirvegun við umræðuna um að allt muni fara á versta veg og skoða af festu hvaða aðgerðaráætlun við ráðum við í þeirri stöðu.

Af hverju búum við okkur ekki strax undir að geta mætt allsherjar þjóðargjaldþroti og fögnum svo innilega hverju því skrefi sem við þurfum ekki að stíga í þá átt. Hitt virðist eitthvað svo fyrirsjáanlegt. Við spjöllum okkur áfram og viðhöfum smáskammtaúrræði sem öll er að finna innan skókassa stjórnsýslunnar og öll koma til með að reynast óheppilega ófullnægjandi. 

Spurningin er, skipta vextir nokkru máli í okkar vanda? Getur ekki verið að vandinn verði miklu stærri en svo að vaxtastig skipti höfuðmáli ?  

Dauðir hlutir í landinu koma til með að skipta um eigendur meira og minna. Því fyrr sem við getum sleppt þeim úr sál okkar því fyrr getum við farið að vinna að skapandi uppbyggingu sem mannfélag í stað þess að vera kennitölur í stríði við að halda í dauða hluti. Því fyrr sem við náum því,  því líklegri erum við til að fá að eiga það sem við virkilega þurfum.

Við þurfum að treyst þeim sem halda um stýrið.  Geta þeir hugsað út fyrir skókassa kerfislægra úrræða? Mér finnst ávallt jafn spaugilegt að heyra svarið við krefjandi úrræðum: ,, Nei, nei, það er algjörlega ómögulegt að beita slíkum aðgerðum. Það myndi setja allt út skorðum og búa til óvissu fyrir viðskiptalífið og fjölskyldurnar í landinu og væri algjör ógjörningur að halda utan um það allt saman.” Halló, skókassa-kerfis-haus, halló!  Þú býrð í obbolitlu félagi í heimsþorpinu.  Ekki gleyma 3 og fimm núll fyrir aftan ekki sex, sjö eða átta. Fyrir hvern var hugmyndin ógjörningur? Þig stjórnandi góður og/eða kerfið í kassanum? 

Öll pottþéttu kerfin hrundu kerfislægt eins og eðli mannlegra kerfa er að gera. Að þessu sinni hafa aldrei eins fáir vitað af hruninu allan tímanna. Þess vegna er sársaukinn svo sérstakur í þessu hruni samanborið við mörg önnun hrun í heimsþorpinu. Allt um það. Sigurverar auðsöfnunarinnar í skortsöludeildunum verða þá þrælar okkar hinna í næsta snúningi. Okkar er að taka afstöðu til þess með hvað hætti við  tökum þátt í næsta snúningi sem einstaklingar og mannfélag. Síðast en ekki síst, nú ríður á hvernig við tökum til eftir síðasta kerfishrun og útdeilum tækifærum til samferðamanna  í okkar mannfélagi, já mannfélagi Íslendinga. Samfélag hvað - það þarf ekki að vera neitt mannlegt við það orð.

 

Forsíða DV gladdi mig í dag - hjartað slær mót sömu tofu

Forsíða DV gladdi mig í standinum í kvöld þar sem ég beið eftir að fá að borga mjólk og brauð. Sigurður að tryggja sér annað verðraskjóla á Íslandi.  Um mig streymdi gleði og hlýhugur til athafnamannsins í okkar nýfrjálsa fjármálaumhverfi. Og vilji til að trúa því að þarna væri vísbending um að hjarta Sigurðar slái mót sömu torfu og hjarta mitt.

Ég teygði mig í átt að blaðinu en mundi þá að ég er byrjaður í endurreisnarleiknum mínum sem gengur út á það að afneita mér um hitt og þetta enda var ég ekki með gosdrykk í körfunni að þessu sinni. Já leikurinn virkar vel og aldeilis nauðsynlegt fyrir mann eins og mig að eiga sjálfur frumkvæði að því að neita mér um ónauðsynlega hluti. Að þurfa að gera það í nauðvörn yrði mér óbærilegt. Já, já, nauðvörnin er fyrirsjáanleg fyrir mig eftir nokkrar vikur hvort sem er en ég átti frumkvæðið að því að vera í endurreisnarleik áður en sú nauðsynlega aðgerð bankar uppá . Ég er í leiknum og fíla hann í botn. Meira að segja er ég búinn að virkja strákana mína í leikinn og við höfum sjaldan hlegið jafn mikið saman.  

                           

Aðeins aftur að forsíðu DV. Sú jákvæða hugljómun sem ég varð fyrir leiddi hugann að því að nú yrðum við Íslendingar aldeilis að passa okkur á því að reita ekki fjaðrirnar af kröftugustu hönunum okkar sem sýnt hafa og sannað að þeir geta varið sitt vel. Og það allar síst þegar vitað er að vargar eru á ferð við búin. Nú sem aldrei fyrr þurfa hanarnir að hafa allar sínar fjaðrir og allt sitt til reiðu í gagnárás. Þótt okkur hafi staðið stuggur af þeim þegar við komum inn á þeirra svæði til að ná okkur í egg og oft hugsað þeim þegjandi þörfina þegar þeir óðu á okkur og særðu okkur vitum við innst inni að hani er ekki sama og hani þegar vargur sækir heim. Þar fyrir utan, ef búin okkar lenda á uppboði er nú aldeilis fengur í því að eiga nokkra árásarhana sem elska sína torfu og láta ekki allt yfir hana ganga andskotalaust þótt þeir hafi á stundum farið gáleysislega um völlinn sjálfir.

Á þessari stundu var komið að mér að borga 432 krónur. Ég teygði mig aftur í átt að blaðastandinum í afneitun frá leiknum en seldi mér í staðinn þá hugmynd að fara með þessa hugsun í háttinn og vakna hress á fallegum nýjum degi. Ég fékk 568 krónur til baka.