Til er bátur og nægur er byrinn - ávinningur metanvæðingar er skýr og afgerandi - kallið eftir stefnu og forgangsröðun áhrifavalda er hávært - aðgerðir skapa sjálfbæran ábata og fjármagna för.

Undanfarna mánuði hefur umræða um orkuskipti í samgöngum aukist til muna og augu þjóðarinnar opnast fyrir þeirri staðreynd að á grundum gatna getum við stigið heillaspor sem skapað geta rekstrarlegan, umhverfislegan og þjóðhagslegan ávinning sem um munar í dag og til framtíðar litið.  Við blasir tækifæri sem er í hendi, tækifæri sem við getum nýtt strax í dag og tækifæri sem erindi á til framtíðar litið einnig. Við blasir tækifæri til að  stórauka metanvæðingar í landinu. Jafnframt, hefur umræðan um rafvæðingu í samgöngum farið mikinn enda um spennandi framtíðarvon að ræða í samgöngum sem átt gæti hagfellt erindi við íslenska þjóð innan fárra áratuga ef allt gengur að óskum við þróun rafhlaðna - öryggi, ferðafrelsi, ending, verð og umhverfisleg áhrif.

Talsvert hefur gætt á því í umræðunni að tímalína rafvæðingar hafi í markaðsskini verið færð að þeim ráspunkti sem stórefling metanvæðingar er stödd á í dag. Slík framsetning þjónar fyrst og fremst þeim tilgangi að rugla almenning og stjórnvöld í rýminu og gera stjórnvöldum örðugra að vinna þjóðinni heilt.  Í framtíðinni mun hagfeldni rafvæðingar í samgöngum miðast við hagfeldni metan ökutækja hvað svo sem líður  þröngum markaðshagsmunum rafbílaframleiðenda sem vilja helst búa svo um hnútanna að samanburður verði gerður við bensín-og dísilbílinn. Ástæðan má öllum vera ljós. Metanbíllinn skapar heildrænan ávinning sem ekkert annað ökutæki stenst samanburð við í dag og að bestu manna yfirsýn til næstu 20 ára litið hið minnsta. Mörgum sem rýnt hafa í þessi mál ber saman um að þáttur metanbíla og rafbíla mun vega þyngst við heildar orkuskipti í samgöngum þjóðarinnar á fyrri hluta aldarinnar.  Tímalínan athafna og aðgerða blasir við. Metanvæðingin er á rásmarki þjóðarleikvangsins með keflið í hendi. Rafvæðingin er efnileg og í æfingabúðum og mun vonandi skila sér inn á leikvanginn með hætti sem erindi á við almenning innan fárra áratuga.

Á afmælishátíð Ríkiskaupa nú í haust áréttaði Júlíus S. Ólafsson , forstjóri,  að engar reglugerðir eða lög innan Evrópusambandsins hindruðu opinbera aðila eða sveitafélög í að beina viðskiptum eða áherslum við innkaup með hætti sem styddi atvinnu-og nýsköpun í landinu. Og að Evrópusambandi hvetti í raun til innkaupa með þeim hætti og sérstaklega ef um væri að ræða umhverfisvænar vörur eða þjónustu sem eykur sjálfbærni. Í stöðu þjóðarinnar í dag og í ljósi valkosta sem blasa við íslensku samfélagi í orkuskiptum í samgöngum er kallið hávært eftir skýrri stefnumörkun um að stórauka metanvæðingu í samgöngum sem forgangsverkefni og eftir leiðtogum sem veigra sér ekki við að vísa þjóðinni veginn og fara hann sjálfir.

Það hvíslaði að mér lítill fugl að í vændum væri að íslensk stjórnvöld tækju við litlum rafbíl til notkunar í Reykjavík sem kostar um 7 milljónir og að annar fari til Akureyrar. Rafbílarnir sem hér um ræðir eru minni en Grande Punto Natural Power (metan/bensín) en stjórnvöld hefðu getað fjárfest í sex Grande Punto bílum í stað tveggja rafbíla og skapað þjóðrbúinu margfaldan gjaldeyrissparnað og margfaldan umhverfisávinning í samanburði við rafbílana og það að auki stutt atvinnu-og nýsköpun í landinu auk þess að senda þau áreiðanlegu og heiðalegu skilaboð til þjóðarinnar sem blasa við öllum sem vilja sjá. Gott og vel, tilraun er tilraun, er það ekki ? En hún verður þó ekki gerði í nafni umhverfislegs ávinnings, gjaldeyrissparnaðar, eða rekstrarlegs ábata enda hefðu metanbílarnir margfaldað ábatann.  Eitthvað annað ræður för. Já, hvað eru metanbílarnir annars margir sem eru í notkun hjá hinu opinbera í dag?  Best að láta þetta gott heita í bili, komum að því síðar. Það styttist í Fullveldisdag þjóðarinnar. Mikið rétt, metanvæðingin lítur einmitt að fullveldi þjóðarinnar eða hefur orkuöryggi og sjálfbærni ekki eitthvað með fullveldi að gera ?

Grande Punto Natural Power (metan/bensín) - sjá : http://einarvill.blog.is/blog/einarvill/day/2009/8/26/

  

 Engin smá fréttir á www.metan.is

NAS skýrslan: http://www.metan.is/user/news/view/0/300

Toyota svara kröfu um umhverfisvænni tvinnbíla með metan/rafbíl: http://www.metan.is/user/news/view/0/304

Dreifikerfi fyrir metan stóreflis í Svíþjóð: http://www.metan.is/user/news/view/0/301

Metan/bensínbílum fjölgar hratt á næstu árum: http://www.metan.is/user/news/view/5/294

Toyota hefur sölu á metan/bensínbílum utan Japan: http://www.metan.is/user/news/view/5/288

Metan reiknivélin frá Orkusetrinu veitir verðsamanburð: http://www.metan.is/user/news/view/5/292

VW blæs til sóknar - annar söluhæsti bíll í Svíþjóð, VW Passat metan/bensín: http://www.metan.is/user/news/view/11/291

Valencia státar ar 100% umhverfisvænum almenningsvögnum - metanvögnum: http://www.metan.is/user/news/view/17/283

Metan eldsneyti - orkugjafi 21 aldarinnar í USA : http://www.metan.is/user/news/view/17/279

Sjúkrabílar metanvæðast - metan er öruggara eldsneyti en bensín og dísilolía: http://www.metan.is/user/news/view/23/278

Borgarstjórinn í Dallas USA vill eingöngu metanbíla: http://www.metan.is/user/news/view/29/272

Engin smá frétt á Metan.is - NAS skýrslan - metanbíllinn afgerandi, rafbílar og tvinnbílar (bensín/rafmagn) koma 20% verr út en hefðbundinn bensínbíll

• Af niðurstöðum skýrslunnar kom mest á óvart hversu heildræn umhverfisáhrif eru neikvæð fyrir rafbíla og tvinnbíla (bensín/rafmagn) í dag og til næstu 20 ára litið  og sérstaklega sú niðurstaða að rafbílar og bensín/rafbílar koma 20% verr út en bensínbílar í sama flokki í Bandaríkjunum. Einnig vakti athygli sú niðurstaða að ökutæki sem nýta etanól sem eldsneyti koma heldur verr út en bensínbíll í sama flokki.
• Hið virta vísindariti, National Academy of Sciences ( NAS), birti nýverið skýrslu að ósk Bandaríkjaþings þar sem ofangreindar niðurstöður koma fram og þar sem heildrænn ávinningur og umhverfisáhrif af notkun rafbíla, tvinnbíla ( bensín/rafmagnsbíla), etanólbíla og metanbíla eru meðal annars metin.  Greinin hefur vakið mikla athygli og varpar skýru ljósi á yfirburði metanvæðingar í samgöngum.
• Það sem mörgum kom á óvart var að metanbíllinn hafi komið svona vel út þótt miðað sé við metan eldsneyti sem unnir er úr jarðgasi eins og líkur standa til að sé að finna á Drekasvæðinu. Við getum því hæglega sé hversu yfirburðir metanvæðingar á Íslandi eru gríðarlega miklir þar sem okkar einstaka íslenska metan er unnið úr lífrænu efni á yfirborði jarðar - úr lífrænum efnum sem er hluti af hringrás efna í okkar vistkerfi í dag ( e.Bio-methane). Þar sem margir hafa spurt er rétt að árétta hér að ökutæki sem nýtt geta metan eldsneyti ganga jafnt fyrir metani hvort heldur það er unnið úr jarðgasi eða lífmassa á yfirborði jarðar. Efnaformúla metan eldsneytis er hin sama CH4 óháð upprunanum þótt umhverfislegur ávinningur sé stórum meiri frá íslensku metani
• Enn og aftur , skýrslan sem hér er vísað til skilar þessari jákvæðu niðurstöðu fyrir metanvæðinguna þótt hún miði í samanburði sínum við notkun á metan eldsneyti  sem unnið er úr jarðgasi.
• Spurt er: Af hverju er valið í skýrslunni að miða samanburð við metan sem unnið er úr jarðgasi?  Jú, það búa ekki allar þjóðir jafn vel og við hér á Íslandi að geta unnið metan út lífmassa með hagfelldum hætti sem annað gæti þeim bílaflota sem í landinu er ef því væri að skipta -- um 250.000. Þar fyrir utan er gnótt til af jarðgasi í heiminum og stórfeld aukning á flutningi metans í vökvaformi sem gjörbreytir hagfeldni og skilvirkni í flutningi á metani milli landa og í dreifingu milli þjónustustöðva.

Sjá: http://metan.is/user/news/view/0/300

Ávinningur metanvæðingar ótvíræður í skýrslu NAS - National Academy of Sciences

Hið virta vísindariti, National Academy of Sciences ( NAS), birti nýverið skýrslu  þar sem heildræn umhverfisáhrif af notkun rafbíla, tvinnbíla ( bensín/rafmagnsbíla) og metanbíla eru meðal annars metin.  Greinin hefur vakið mikla athygli og varpar skýru ljósi á jákvæða niðurstöðu ökutækja sem knúin eru metan eldsneyti. Mest kemur á óvart hversu heildræn umhverfisáhrif eru neikvæð fyrir rafbíla og tvinnbíla (bensín/rafmagn)  og sérstaklega sú niðurstaða að rafbílar og bensín/rafbílar koma verr út en bensínbílar í sama flokki.

Greinin var skrifuð að ósk Bandaríkjaþings og ber yfirskriftina ,, Hidden Costs of Energy: Unpriced Consequences of Energy Production and Use,“ sem lauslega mætti þýða; ,, Falinn eldsneytiskostnaður: Hinn óverðlagði kostnaður við framleiðslu og notkun á eldsneyti “. Í greininni eru mismunandi orkugjafar tíundaðir og mat lagt á umhverfislegan kostnað mismunandi valkosta. Í samgöngum eru niðurstöður kynntar sem kostnaður á ekna mílu (1,6 km ) og umhverfisáhrifin skilgreind í grömmum af mengandi efnum sem notkunin hefur í för með sér. Niðurstöður eru fengnar með notkun reiknilíkans sem nefnt er ,, Argonne Laboratories Greet model “ . Um er að ræða heildræna úttekt sem nær til framleiðslu ökutækis og eldsneytis auk notkunar og förgunar ökutækis.   

Talsmönnum  metanvæðingar kom ekki á óvart að ökutæki sem ganga fyrir metani komu mjög vel út úr heildrænni rannsókn af þessum toga . Mörgum kom þó á óvart slök útkoma ökutækja sem ganga fyrir etanóli (E85) - ökutækja sem knúin eru etanóli (85%) og bensíni (15%). Slík ökutæki komu heldur verr út en ökutæki sem knúin eru einungis af bensíni. Mest kom á óvart sú niðurstaða að rafbíllinn og tvinnbíllinn (rafmagn/bensín) hafi komið 20% verr út en hefðbundinn bensínbíll. Í skýrslunni er því þó haldið til haga að með framleiðslu á umhverfisvænni raforku ( Innskot, eins og á Íslandi) batnar samanburður rafbílsins við bensínbílinn ( Innskot,  þótt langt sé í land fyrir rafbílinn í samanburði  við metanbílinn á Íslandi) .

Í samanburði til ársins 2030  kemur metanbíllinn betur út en rafbíllinn og tvinnbíllinn (bensín/rafmagn). Og það  þótt miðað sé við metan eldsneyti sem unnið úr jarðgasi. (Innskot: Við getum því hæglega séð yfirburði íslenska metansins ,,bio-methane “ ef rannsóknin hefði miðast við framleiðslu metans úr lífmassa frá yfirborði jarðar. Engin furða að okkar íslenska metan sé nefnt  ,, gull eldsneyta“.)  

Hin jákvæða niðurstaða fyrir metanbílinn og metan eldsneyti í skýrslunni, til næstu 20 ára litið, mótast meðal annars af örri þróun ökutækja sem nýtt geta metan eldsneyti auk viðvarandi og fyrirsjáanlegrar þróunar á framleiðslu og dreifingu metans í vökvaformi.    

Sjá grein: http://www.ngvglobal.com/us-national-academy-of-sciences-report-highlights-benefits-of-ngvs-1108

Viðauki: Rétt að minna á að rafmagnsframleiðsla í Bandaríkjunum hefur öllu jafnan verri umhverfisáhrif en á Íslandi og því ástæða til að ætla að rafbíllinn komi minna en 20% verr út en bensínbíllinn hér á landi. Engu að síður eru niðurstöðurnar ansi óhliðhollar rafgeymavæðingu í samgöngum enda nær hreinni raforka ekki að rétta við þann mikla umhverfishalla sem hér um ræðir. Og sérstaklega ekki svo í samanburði við metanbílinn og íslenskt metan. 

http://www.metan.is

 

Heimsálfuakstur á metanbíl vekur athygli um allan heim

Hægt er að fylgjast með heimsálfuakstri  á VW Caddy Maxi EcoFuel (109 hö) á netinu en ferðalagið hófst þann 5 október á vesturströnd Evrópu, Cabo da Roca í Portúgal og fyrirhugað að koma til austurstrandar Asíu þann 27. október.

Í gær var búið að aka 13.517 km og miðað við akstur á íslensku metani væri þá búið að spara umhverfinu  losun gróðurhúsalofttegunda sem nemur um 2676 kg   af CO2-ígildi. Miðað við veðlag á eldsneyti á Íslandi hefur eldsneytissparnaður verið um 100.000 kr miðað við akstur á bensíni en bíllinn getur einnig gengið fyrir bensíni ef því er að skipta.

Ef þessi akstur ætti sér stað á Íslandi á íslensku metani í stað bensíns skapast gjaldeyrissparnaður  sem nemur að verðgildi um  80.000 kr.

Rétt er að árétta fyrir þeim sem áhuga hafa á upplýsingum á heimasíðu um ferðalagið hér að neðan að metan eldsneytið sem notað er í ferðinni á uppruna sinn að rekja til jarðgass, eins og er að finna á Drekasvæðinu, en ekki lífmassa á yfirborði jarðar eins og íslenskt metan er unnið úr í dag. Sökum upprunans  er nettó umhverfisávinningur mun meiri með notkun á íslenskt metan -  eða sá sem að ofan greinir.

Hér er hægt að fylgjast með á netinu: http://www.ecofuel-eurasia.com/index.php?id=9&L=1

 Sjá einnig: http://www.metan.is/user/news/view/0/293

Vökvun á metani lækkar dreifingarkostnað og stóreykur eftirspurn um allan heim.

Umbreyting  á metangasi í metanvökva  gjörbreytt spám um aukningu eftirspurnar enda hefur ör tækniþróunin stóraukið hagfeldni við dreifingu á eldsneytinu og svo komið að á árinu 2010 er gert ráð fyrir að jarðgasvökvi nemi um 20% af heildar framboði  á jarðgasi.

 Á nokkrum árum hafa lönd eins og Qatar, Austurríki, Trínidad og Egyptaland stigið stór skref á þessu sviði vökvunar og lönd eins og Bretland, Spánn og Frakkland verið stórtæk í uppbyggingu á verksmiðjum til endurgösunar.  Framtíðarhorfur þykja það hagfelldar að nú þegar er geta til skipaflutninga meiri en framleiðslugetan. 

Hvernig getur þessi tækniþróun tengst framtíðarsýn um þróun á orkubúskap Íslendinga? Jú, við Íslendingar framleiðum metan í dag og getum gert það úr ÖLLUM lífmassa í stórauknum mæli. Og þar fyrir utan býr þjóðin yfir miklum auðlindum á hafsbotni , á Drekasvæðinu til að mynda, þar sem líkildi eru talin að jarðgas sé að finna . 

Sú tækniþróun sem er búin að eiga sér stað og er stöðugt að eiga sér stað á þessu sviði gjörbreytir því vigt þeirra valkosta sem við höfum úr að moða sem þjóð þegar horft er til hagfelldra kosta, heildrænt séð, við orkuskipti frá notkun á bensíni og dísilolíu í samgöngum. Og gildir þá einu hvort rætt sé um samgöngur á landi, sjó eða í lofti.

Við Íslendingar erum þegar búin að rata á rétt með einstöku frumkvöðlastarfi SORPU bs  á Álfsnesi og getum þegar í dag stóraukið nýtingu okkar og framleiðslu á íslensku metan.  Frétt eins og þessi  undirstrikar framtíðarhlutverk metan í heimsþorpinu á þessari öld og ætti að varpa skýru ljósi á þá dýrmætu framtíðar eign þjóðarinnar að búa yfir þekkingu og getur til að stórauka nýtingu og framleiðslu á því gulli allra eldsneyta sem íslenskt metan er - ,,Bio-methane´´.

Það er allt til reiðu fyrir okkur Íslendinga til að auka notkun á íslensku metani í dag með miklum ávinningi fyrir land og þjóð- rekstrarlegum ávinningi fyrir þann sem það gerir, þjóðhagslegum ávinningi í formi gjaldeyrissparnaðar, atvinnu-og nýsköpunar ,og síðast en ekki síst, gríðarlegum umhverfislegum ávinningi. Það eina sem við þurfum að gera er að skapa samtakamátt. Og fyrir fjöllistamenn eins og okkur Íslendinga er ekki mikið mála að leika bara samtakamáttinn, ef hann lætur á sér standa,  svo við náum að vinna sjálfum okkur og afkomendum okkar heilt í þessu máli.

Já,  fallegur dagur í dag - góða helgi 

Metanbílum mun fjölga mikið á næstu árum samkvæmt nýjum rannsóknum.

Markaðsrannsókna-og ráðgjafafyrirtækið Pike Research hefur kynnt ýtarlega skýrslu um markaðshorfur fyrir umhverfisvæna tækniþróun. Þar er að finna niðurstöður um fyrirsjáanlega  þróun metanvæðingar í heiminum sem vísar til mikillar aukningar á notkun ökutækja sem ganga fyrir metan eldsneytis.  Fram kemur að fjöldi metan ökutækja í heiminum árið 2008 var um 9,7 milljónir og því spað að fjöldinn verði yfir 17 milljónir á árinu 2015. Og jafnframt að á því ári muni sala á metan ökutækjum fara í fyrsta skipti yfir 3 milljónir ökutækja á ári.

Samkvæmt skýrslunni mun hraði orkuskipta verða mismunandi eftir löndum og uppbygging dreifikerfis ráða mestu um hvernig til tekst.  Að sögn Dave Hurst, markaðssérfræðings, hafa stjórnvöld, fyrirtæki og einstaklingar í auknum mæli gert sér grein fyrir hinum mikla ávinningi metanvæðingarinnar og fyrirsjáanleg mikil aukning í eftirspurn eftir metanbílum. Dave áréttar að á þeim svæðum sem metanvæðingin hefur gengið hraðast fyrir sig hefur verð á metan eldsneyti verið hagfellt, dreifikerfið í markvissum vexti og stjórnvöld skapað fjárhagslegan hvata til kaupa á ökutækjum sem nýtt geta metan eldsneyti og skapað hvata til að hraða uppbyggingar á dreifikerfi.  Sala á metanbílum er hvað mest um þessar mundir í Pakistan, Argentínu, Brasilíu, Íran og  Indlandi, að sögn Dave, en næstu 5 árin gerir hann ráð fyrir að salan verði blómlegust í Canada, Indlandi og Bandaríkjunum.

Viðauki:  Þess má geta að Toyota, stærsti bílaframleiðandi heims, kynnti nýverið Toyota Corolla Altis CNG metanbíl og sölu hans í Indlandi  sjá frétt:  http://www.metan.is/user/news/view/0/288 .

  Væntingar standa til að bíllinn verði í boði á Íslandi fljótlega. Þýtt og endursagt: http://www.usgasvehicles.com/news_detalle.php?id=734

Metanvæðing bætir fjárhag einstaklinga, fjölskyldna, fyrirtækja og hins opinbera og veitir að auki mikinn umhverfislegan ábata.

Þökk sé þekkingu okkar og landi getum við tryggt okkur aukið orku-og samgönguöryggi  strax í dag og stigið markviss skref að stórauknu ferðaferlsi með sjálfbærum hætti. Metanvæðing ökutækja er þjóðinni mikið hagsmunamál svo ekki sé talað um hag komandi kynslóða. Með vali okkar á metan/bensínbíl getum við lagt grunninn að raunverulegri sjálfbærni í samgöngum og hagsæld þjóðarinnar. Það eina sem við þurfum að tryggja næst þegar við kaupum bíl er að óska eftir bíl hjá söluaðilum sem hefur bæði metantank og bensíntank, getur gengið fyrir báðum tegundum eldsneytis. Flestir metan fólksbílar hér á landi og um allan heim geta einnig gengið fyrir bensíni og hafa auka eldsneytistank fyrir bensín sem tryggir fullt ferðafrelsi á meðan dreifikerfi fyrir metan er að byggjast upp.

Metan/bensínbílar eru ódýrari en bensínbílar sömu gerðar þökk sé niðurfellingu stjórnvalda á vörugjaldi af umhverfisvænum ökutækjum. Metan/bensínbíll er lang hagfelldasti ferðamáti Íslendinga til framtíðar litið með áreiðanlegum hætti. Ef ragnagnsbíllinn nær að skapa þjóðinni meiri heildar ávinning í framtíðinni en metanbíllinn gerir í dag þá ber að fagna því. En það er mun lengra í að svo geti fræðilega gerst þótt markaðssetning þeirra fáu sem eiga einkaleyfi á rafhlöðum í heiminum boði annað.  Ef allt gengur vel og að óskum heiðarlegustu talsmanna batteríþróunar þá getum við verið að sjá hina meintu hagfelldu rafmagns fjölskyldubíla um miðja þessa öld eða um árið 2030 hjá þeim bjartsýnustu. Hér er ég að tala um ökutæki sem kunna að eiga erindi við almenning. Ökutæki sem mögulega veitir ferðafrelsi eins og við þekkjum það í dag. Ökutæki sem þarf að geta veitt ferðaöryggi og þægindi gegn hagfelldara verði en metanbíllinn býður í dag og getur boðið þá.  

Fyrsta kynslóð fjöldaframleiddra rafmagnsbíla á lítið erindi við íslenskan almenning og íslenskt samfélag næstu áratugi  þótt þeir komi til með að henta vel við ýmsar sértækar aðstæður í heimsþorpinu þar sem framtíðarmöguleiki til franmleiðslu og nýtingu á metan ökutækjaeldsneyti er ekki til staðar. Ísland er ekki tilraunastaður fyrir rafgeymaframleiðendur af mörgum augljósum ástæðum. Segir það þér eitthvað um framtíðarhlutverk metan eldsneytis, að vita ,að land eins og Íran sem framleiðir olíu og bensín hefur á aðeins 5 árum uppfært bílaflota sinn með markvissum hætti og að 8% af flota þeirra gengur fyrir metani ( mars 2009) - frá 0% í 8% á 5 árum. Jafnfrant kynntu Íranir nýverið bíl sem framleiddur er þar í landi fyrir heimsmarkaðsdreifingu. Ég nefni hér Íran af því að við vitum öll að landið býr yfir mikilli tækniþekkingu. Tækniþekkingu já, en hvað með rafhlöðuna? Rafhlaðan á einfalfdlega langt í land með að þjóna þörfum almennings um öryggi, frelsi, þægindi og heildarkostnað. Reyndar má segja að 30 ára séu ekki langur tími í þessu samhengi. Tími hagfelldra rafhlöusamgangna fyrir almenning er alls ekki kominn og blasir ekki við næstu tvo til þrjá áratugina. Á þessum tíma á einnig eftir að verða veruleg aukning á afkastagetu til framleiðslu á metani. Og samkeppni á metan-bila-markaði  er nú þegar mikil og verð ökutækja mjög hagfellt.

 Við Íslendingar erum að vaka til vitundar um okkar dýrmætu eign og tækifæri til að stórauka framleiðslu og nýtingu á íslensku metani og því ber að fagna - áfram Ísland  

Þú getur sparað milljónir króna með akstri á metan eldsneyti í stað bensíns

Ávinningurinn þinn af því að uppfæra bensínbílinn þinn er það mikill að þú ættir að skoða þennan valkost af alvöru. Þar fyrir utan, ef þú ert ekki að hugsa um fjárhagslega ábata, þá ertu þú með sanni að sína mikla samfélagslega ábirgð með því að uppfæra bílinn þinn - gjaldeyrissparnaður þjóðarinnar , umhverfislegur ávinningur, atvinnu-og nýsköpun, sjálfbærni og orkuöryggi þjóðarinnar svo nokkuð sé nefnt.

Vegna fjölda fyrirspurna um uppfærslu á bensínbíls í bensín/metanbíl er rétt að árétta nokkur atriði um leið og ég minni á þann mikla fjárhagslega ávinningi sem því fylgir að aka á íslensku metani.

1. Eftir uppfærslu á bensínbílnum þínum getur þú ekið á bensíni eins og áður. Bensíntankurinn er til staðar eftir uppfærsluna og því um að ræða möguleika á sömu notkun.  Ekki skert ferðafrelsi. Þú eignast einfaldlega strax val um að aka á stór-Reykjavíkursvæðinu á umhverfisvænu eldsneyti í hæsta gæðaflokki í stað bensíns sem kostar allt að 100% meira. Afgreiðslustöðum mun sannarlega fljótlega fyrir metan og fljótlega nonandi á landsbyggðinni einnig. Meira um það síðar.
2. Búnaðurinn sem notaður er til að uppfæra gangverkið í bensínbílnum þínum er ekki fyrirferðarmikill og þú sérð vart muninn  í vélarrúminu nema að þú sért bifvélavirki. Allir íhlutir fyrir utan metantankinn rúmast í skókassa.
3. Metantankinn er ódýrast að hafa í farangursrými bílsins sem minkar þá oftast um 17-25%. Hægt er að gera ýmsar breytingar á grind bílsins til að koma metantanki fyrir með öðrum hætti en þá hækkar kostnaðurinn við uppfærsluna.  Tankar sem algengt er að setja í fólksbíla eru um 90cm breiðir (langir) og um 20-40cm þykkir og rúma eldsneyti sem tryggir drægni á bilinu 150-300 km eftir gerð og tegund bíls. Sem dæmi þá ek ég á VW Caddy Life sem kemst auðveldlega til Akureyrar á metanbirgðum sínum eða um 450 km.Á bakaleiðinni þarf éetan er ekki afgreitt á Akureyri í dag. Það breytist vonandi innan skamms. Minn bíll kom til landsins frá umboðinu sem tvíorkuvél, bíll sem hefur bæði metantank og bensíntank, en allt innra rými bílsins og farangursrýmið er það sama í mínum bíl og þeim fjölda bensínbíla sömu gerðar sem ég sé á götum borgarinnar daglega. Eini munurinn á mínum og þeirra er sá að þeir greiða 100% meira í hvert sinn sem þeir fylla á tankinn sinn á stór-Reykjavíkursvæðinu og að undir bensínlokinu eru tveir áfyllistútar - einn fyrir bensín og annar fyrir metan.
4. Í dag eru nokkrir aðilar að vinna að því fullum fetum að bjóða upp á þjónustu við að uppfæra bensínbíla. Á engan er þó hallað þótt það sé nefnt hér að Vélamiðstöðin er komin lengst og er nú þegar búinn að uppfæra nokkrar tegundir bíla.
5. Hekla kynnti nýjan metan/bensínbíll í síðasta mánuði - Passat 1,4 TSI Eco Fuel, 150 hö. Hér er um að ræða algjöran töffara sem fer 450km á metanbirgðum og hefur einnig bensíntank fyrir 430km akstur. Bíllinn er einnig fáanlegur í variant-útgáfu og báðar tegundir fáanlegar með sjálfskiptingu eða 6 gíra beinskiptingu. Verðið á þessum bílum er hagstætt það sem vörugjald greiðist ekki af þessum bílum á þessu ári. Verðið er 4,2-4,5 milljónir með vsk. Eftir 100.000 km akstur á metani í stað bensíns sparast milljónir króna, hvað þá eftir  200.000km akstur sem er ekki hámarkið fyrir þessa bíla. leigubílstjórar gætu hæglega skapað sér ábata sem nemur lungann af kaupverðinu ef ekki meira en það.

Íslenska þjóðin getur framleitt metan í magni sem hún kýs að gera.    

Þú átt rétt á að vita þetta - góða helgi.

 

Innilegustu þakkir til forseta Íslands , Hr. Ólafs Ragnars Grímssonar, fyrir fund um metanvæðingu og orkuskipti í íslenskum samgöngum.

Þriðjudaginn 29. september  sat ég fund  með forseta Íslands, Hr. Ólafi Ragnari Grímssyni,  ásamt  Birni H Halldórssyni framkvæmdastjóra Metans hf  og  Árna Sigurjónssyni , skrifstofustjóra. Tilefni fundarins var löngun forsetans til að fræðast um stöðu metanframleiðslu í landinu og mögulegn þátt metans í orkuskiptum þjóðarinnar úr jarðefnaeldsneyti í umhverfisvænt eldsneyti.

Aðdragandi fundarboðsins var sá að ég hringdi á skrifstofu forsetans og átti samtal við Árna vegna ræðu forsetans á nýlokinni ráðstefnu um umhverfisvænar og sjálfbærar samgöngur sem haldin var á Hilton hótelinu í Reykjavík dagana 14-16 september.  Ræðan  endurspeglaði ekki þá sýn sem blasir við mér um hagfelldustu áherslur í orkuskiptum þjóðarinnar að teknu tilliti til heildar hagsmuna þjóðarinnar í dag og til framtíðar litið. Þessa skoðun lét ég í ljós í samtali við Árna sem tók erindi mínu vel. Árni tók málið upp við forsetann sama dag og ósk minni um fund var svarað með jákvæðum hætti  nokkrum dögum síðar.  Innilegustu þakki fyrir það.

Fundurinn varð lengri en ég átti von á, um 80 mínútur, og borið fram kaffi og pönnukökur með sykri .  Andinn á Bessastöðum var hinn besti  og stundin með forsetanum dýrmæt enda atgervi hans mikið á ýmsum sviðum eins og þjóðin hefur margoft kynnst.  Eftir stutt almennt spjall gat forsetinn þess að hann óskaði eftir að heyra um stöðu metanmála í landinu almennt og jafnframt um okkar sýn á aðra valkosti í boði til orkuskipta í samgöngum.  Björn H. Halldórsson fjallaði um sögu Metan hf og þau heillaspor sem stigin hafa verið frá stofnun fyrirtækisins fyrir 10 árum. Björn er einnig framkvæmdastjóri  SORPU bs.  og  varpaði góðu ljósi á þá dýrmætu eign þjóðarinnar að búa yfir þekkingu og getu til að framleiða umhverfisvænt eldsneyti í hæsta gæðaflokki úr öllu lífrænu efni .

Í kynningu Björns kom skýrt fram að framleiðsla okkar á metani með söfnun á hauggasi frá urðunarstað á Álfsnesi er aðeins lítið brot af því sem unnt er að framleiða í landinu og því til áréttingar nefndi hann sem dæmi  að með ræktun á orkuplöntum á 3% af auðnum landsins mætti afla lífmassa sem nægði til framleiðslu á metani fyrir allan bílaflota landsmanna, um 250.000 ökutæki. Einnig  kom fram á fundinum að sambærilegt magn af lífmassa mætti fá af 8% af ræktuðu landi og það nefnt í því samhengi að efla mætti stórlega stöðu landbúnaðar með þessum hætti.  Forsetinn gat þess að Evrópuríkin væru sérstaklega vinveitt atvinnuuppbyggingu er liti að umhverfismálum, ræktun lands og sjálfbærni.  Jafnframt kynnti Björn, frumkvöðlastarf  SORPU við uppbyggingu á metanverksmiðjunni á Álfsnesi og þá staðreynd að verksmiðjan er fyrst sinnar gerðar í heiminum sem framleiðir ökutækjaeldsneyti úr hauggasi.  Og að verksmiðjan sé byggð eftir íslensku hugviti og að mestu smíðuð í landinu.  Flestar þjóðir sem nýta hauggas frá urðunarstöðum nota það til húshitunar og/eða rafmagnsframleiðslu en slík notkun hér á landi er ekki ábatasöm sökum okkar einstöku auðlinda í formi  hitaveitna og fallvatnsvirkjana.

Þá var komið að umræðunni um orkuskiptin í samgöngum og aðra valkosti í boði sem forsetinn óskaði eftir að við ræddum. Björn áréttaði að hann legði fyrst og fremst áherslu á að kynna þá  starfsemi sem SORPA og Metan stæðu fyrir án þess að tíunda frekar hugsanlega galla á öðru leiðarvali.  Mér var ljóst að forsetinn vissi að ég hafði  tjáð mig opinberlega  um sýn sem stangaðist á við fyrrnefnda ræðu hans  og mér ljóst að forsetanum hugnaðist að fá að heyr  brot að þeirri sýn sem mér fannst hafa orðið útundan í ræðu hans.  Ég tók því til máls á þeim nótum og fór vítt yfir sviðið án þess að hugsa til ræðu forsetans sérstaklega enda úr  miklu að moða eftir samskipti við marga innan stjórnsýslunnar sem koma að málaflokki orkuskipta í landinu og móta með einum eða öðrum hætti leiðarval og áherslur í málaflokknum.   

Áherslurnar mun blogga um síðar en vil þó deila því hér að á einum tímapunkti þótti forsetaritara ástæða til að bregðast við málflutningi mínum en forsetinn rétti þá upp hönd sína og sagði;  ,, þetta er allt í lagi ´´ .   Við svo búið hélt ég áfram og kláraði mál mitt skömmu síðar.  Það ríkti þögn í langan tíma að mér fannst.  Forsetaritari, sagði nokkur orð sem túlka mátti  á þann veg  að honum hafi þótt sem um predikun væri að ræða .  Viðbrögð forsetans voru þægileg;  ,, Já -  já, já ´´.

Forsetinn gat þess að hann hafði ekki haft vitneskju um hversu langt við Íslendingar erum komnir í þróun á þekkingu og getu til að framleiða metan eldsneyti og lýsti áhuga á að heimsækja  SORPU og Metan í þessum mánuði.  Fyrir mér var það mikill léttir að vita að forsetinn, rétt eins og fjöldi opinberra starfsamanna, hafi einfaldlega ekki gert sér grein fyrir þekkingu og aðgerðarhæfi þjóðarinnar í þessum málaflokki.  Og þar með hvarf úr huga mínum sá mínus sem þar var vegna ræðu forsetans á ráðstefnunni um umhverfisvænar og sjálfbærar samgöngur.

 Innilegustu þakkir til forseta Íslands, Hr. Ólafs Ragnars Grímssonar , og  Árna  Sigurjónssonar, forsetaritara.

Skjaldborg heimilanna - hagfelld aukning ráðstöfunartekna svo um munar.

Þakka frábær viðbrögð við síðasta bloggi mínu.  Spurt hefur verið hvort ekki sé hægt að koma því við að sparnaðurinn sem skapast fari í annað en að greiða niður bílalán . Svarið er einfalt. Jú , að sjálfsögðu og ávinningurinn hinn sami.  

 

Hugmyndin í síðasta bloggi var miðuð við vanda bíleigenda en ávinninginn má nota í hvað sem er eða greiða bara beint hverju sinni 98kr í stað 190kr til að aka sömu vegalengd. Reyndar er orkuinnihaldið í 98kr af metani 12% meira en sem nemur orkuinnihaldi í einum lítra af 95oktana bensíni sem kostar um 190 kr. Og oktan-gildið fyrir íslenskt metan er meira en 130. Já,  íslenskt metan er öruggt og magnað eldsneyti með allt að 98% hreinleika. Víða erlendis er metan eldsneyti með 85-90% hreinleika. Engin furða að erlendir aðilar séu gáttaðir á okkar og vilja kaupa eldsneytið þar sem við erum að brenna 90% af framleiðslu okkar á báli í stað þess að nýta það á ökutæki okkar og framleiða meira eins og við getum auðveldlega gert. Sala á metani úr landi ætti meira skylt við að pissa í skóinn sinn fyrir augnabliks yl, en hagfelda viðskiptahugmynd fyrir þjóðina.

Sjá.: www.metan.is

Skjaldborg um bílalán heimila - þúsundir fjölskyldna þurfa ekki að glata ökutæki sínu

Með tiltölulega einföldum hætti getum við staðið vörð um hagsmuni þúsunda fjölskyldna sem  eru með einn versta óvin heimilisins í bílastæðinu í dag. Og samhliða skapað mikinn og marþættan ávinning og ábata fyrir land og þjóð.

Þeir sem hafa áhuga á að skoða þessi mál frekar eru hvattir til að senda mér tölvupóst. Nú ríður á að beint sé spjóti rétt á öllum sviðum í okkar samfélagi:  [e-mail]

 

Skjaldborg heimilanna-1 : Skjaldborg um bílalán heimila með notkunartengdri skuldajöfnun samhliða miklum og margþættum ávinningi fyrir land og þjóð - rekstrarlegum, þjóðhagslegum og umhverfislegum ávinningi.

Eigandi bílaláns í vanskilum nær að anda léttar frá fyrsta degi. Notkunartengt fjárstreymi skapar sátt kröfuhafa. Ég hef rætt mið marga lykil þátttakendur í þessu verkefni og mætt frábærum undirtektum. Um er að ræða aðgerðarhæft verkefni sem við getum hrundið af stað strax.

Skjaldborgarsamningur-1:

1. Bíleigandi fær bíl sinn uppfærðan þannig og bíllinn geti bæði gengið fyrir bensíni og metani.
2. Eftir uppfærslu ekur bíleigandi á stór-Reykjavíkursvæðinu mestmegnis eða alveg á metan eldsneyti og fyllir á eldsneytisbirgðir sínar á þeim stöðum sem afgreiða metan í dag - hjá N1 að Bíldshöfða eða í Hafnarfirði.  Stöðum fjölgar næstu misserin en það breytir þó ekki miklu um ágæti þessa verkefnis.
3.  Bíleigandi greiðir með korti og semur um verð á metani  sem hentar honum best - gæti  t.d. verið verð  20kr lægra en verð á einum lítra af 95okt bensíni.  Ef bensínið kostar 198kr/L þá greiðir bíleigandinn 178kr fyrir einn Nm3 af metani ( einn Nm3 af metani er 12% orkuríkara eldsneyti en einn lítri af 95okt bensíni).
4. Um hver mánaðarmót greiðir bíleigandi fyrir eldsneytisnotkun sína á metani sem nemur gjaldinu 178 kr/Nm3.  Greiðslan á sér stað með skilvirkum hætti fyrir orkusala t.d. með greiðsluþjónustu banka.
5. Orkufyrirtæki tekur 98kr/Nm3 fyrir þjónustu sína en greiðir mismuninn á samningsverði við bíleigandann (korthafann) inn á reikning kröfuhafa bílalánsins- í dæminu að ofan 178-98= 80 kr/Nm3
6. Kröfuhafi bílalánsins hættir að ónáða skuldarann (eiganda bílalánsins) og lækkar mánaðarlega afborgun bílalánsins sem nemur greiðslunni frá orkufyrirtækinu.  Ef þörf er á viðbótargreiðslu frá bíleiganda í  mánuði greiðir bíleigandinn það sérstaklega til kröfuhafa bílalánsins með umsömdum hætti.
7. Með ofangreindum hætti  getur bíll fjölskyldu hætt að verða versti óvinur hennar og greiðsluflæði til niðurgreiðslu bílaláns orðið sjálfbært að því gefnu að þörf sé á að eiga og aka bíl.
8. Ef við gefum okkur eldsneytisnotkun bíls í þessu dæmi,  20L/100km og að fjölskyldan aki bílnum 20.000 km á ári skapast ábati eftir 100.000 km akstur sem hér greinir: Sparnaður fjölskyldu alls að nafnvirði 2.000.000 kr.  Sparnaður nýttur til að niðurgreiða bílalán = 1.600.000 kr. Sparnaður fjölskyldu sem fer í annað en niðurgreiðslu bílaláns= 400.000 kr . Skiptingin sparnaðar er samkomulagsmál auðvita.
9. Annar samfélagslegur og efnahagslegur ávinningur að þessum ráðahag - þjóðhagslegur og umhverfislegur. Sparaður gjaldeyrir vegna minni innflutnings á bensíni  ~ 1.100.000 kr. Aukin velta innanlands vegna minna fjárstreymis úr landi. Ef margfaldarinn er 4 þá er um að ræða veltuaukningu sem nemur 4.400.000 kr og því um nýjar tekjur að ræða til ríkisins sem nemur virðisaukaskatti af þessari veltu. Ef meðal-% vsk er 20% þá eru tekjur ríkisins vegna þessa = 880.000 kr
10. Umhverfislegur ávinningur. Þar sem bensíni er ekki brennt í hreyfli bílsins ef bíleigandinn velur að aka á metani þá sparast í þessu dæmi að ofan bruni á 20.000 lítrum af bensíni. Og þar sem eldsneytið er íslenskt metan (bio-metan) en ekki bensín minkar losun gróðurhúsalofttegunda út í umhverfið um ~ 46 tonn af CO2-ígildi. Ef gjald verður sett á CO2 losum á tímabili þessa bílaláns eykst ábati bíleigandans og samfélagsins.
11. Hvað kostar uppfærslan á bensínbíl í bensín/metanbíl?. Nokkur fyrirtæki eru fullum fetum að vinna í þessum málum þá þetta er ritað og hafa reyndar sum gert lengi eða um nokkra hríð. Rætt hefur verið um kostnað á bilinu 300-690.000 kr eftir tegund bíls og óskum um bílabreytingar.
12. Hver á að greiða uppfærsluna á bílnum?  Í mörgum  tilfellum væri unnt að færa kostnaðinn við uppfærsluna inn í sjálfbæra fjárstreymið þannig að notkun bílsins greiði í raun upp þá skuld einnig. Þar fyrir utan er hér um að ræða mikinn og margþættan samfélagslegan ávinning, efnahagslegan, þjóðhagslegan og umhverfislegan ábata, sem réttlætir sannarlega myndarlega aðkomu hin opinbera enda ábatinn skjótfenginn. Fyrir utan ofangreina ávinning í umhverfismálum og gjaldeyrissparnaði er hér um að ræða mikil tækifæri til atvinnusköpunar og nýsköpunar þar sem þekking og geta er til staðar í landinu til að stórauka framleiðslu og notkun á íslensku metani án mikils tilkostnaðar í erlendri mynt. Kostnaður í erlendri mynt er sú breyta í íslensku hagkerfi sem ráða mun för í orkuskiptum í samgöngum næsta áratuginn ef ekki tvo.

Með samtakamætti náum við árangri - ef þú sendir póst svara ég: einar.vilhjá[e-mail]                Sjá: www.metan.is

Orkuskipti í samgöngum - För hugans í góðum anda frá einum kosti að öðrum betri en framhjá þeim besta - hvernig má svo vera að því gefnu að samfélagslegur, efnahagslegur og umhverfislegur ábati ráði för.

Fræðimenn hafa bent á að einstaklingar leitast við að sinna viðfangsefnum sínum, greiningu og ákvarðanatöku í stafi og leik með mismunandi hætti . Og að val manna um verklag og leiðarval megi rekja, meðal annars,  til virkni í heilastarfsemi  hvers og eins.  Þannig má mér vera ljóst að texti minn verður lesinn með mismunandi hætti og að viðbrögð lesandans mótist að hluta af ríkjandi lífeðlisfræðilegri virkni í hægri og vinstri heilahveli hans.

Tæknin hefur um alllangt skeið gert manninum kleift að stunda rannsóknir á heilastarfsemi heilbrigðra einstaklinga. Með tilkomu  EEG tækninnar árið 1929 varð unnt að rannsaka leyndardóm heilastarfseminnar með nýjum hætti þar sem virkni tauga í heilanum varð mælanleg .  Frá árinu 1928 hefur margvísleg tækni og víðtækar rannsóknir varpað ljósi á gangverk okkar, fas,  framkomu og hneigð svo fátt eitt sé nefnt :  CT (1970+), PET (1970+), MRI (1980+), fMRI (1990+), MRS (1990+) og MEG ( 2000+). Allt um þetta hér.

Í einfaldri mynd má segja að skipta megi heila okkar upp í svæði og að mismunandi úrvinnsla eigi sér stað á mismunandi svæðum í heilanum.  Greinamunur hefur verið gerðu á virkni í hægri og vinstri hluta heilans eftir eðli verkefnis (áreitis, viðfangsefnis) sem heilinn fæst við. Á þessu svið hefur  Roger Sperry , Nóbelsverðlaunahafi  árið 1981 og taugalífeðlisfræðingur verið skilgreindur sem einn brautryðjenda.

Vinstri  hluti heilans:  Virkni er mun meiri í VINSTRI  hluta heilans ef viðfangsefni einstaklingsins lítur að rökfræði, útlistun og stærðfræði svo fátt eitt sé nefnt.  Hann er mjög virku þegar fengist er við þrautir,  útreikninga  og áætlanagerð. Vinstri hlutinn leitar eftir skipulagi og mun búa það til ef það er ekki til staðar. Hann er mjög virkur við útskýringar og leitast við að setja viðfangsefni í samhengi.  Ef þú spyrð ,,vinstri hluta heilans‘‘ hvers vegna hann gerði eitthvað,  mun hann leita allra leiða til að búa til sögu sem virðist rökrétt - jafnvel þótt sagan sé ekki  rétt  ( Þýtt - EMERGENETICS , Geil Browing, Phd ).

Hægri  hluti heilans:  Virkni er mun meiri í HÆGRI hluta heilans ef viðfangsefni einstaklingsins lítur að innsægi, tilfinningum, hugmyndasmíði og heildarsýn svo fátt eitt sé nefnt. Hægri  hluti heilans er mjög virku þegar fengist er við fas, framkomu, sjónræn viðfangsefni og samfélag málefni í víðu samhengi.

Niðurstöður  rannsókna styðja þá tilgátu að fólk leitist við að haga störfum sínum, fasi og framkomu með hætti sem eykur virkni, annað hvort ,  í vinstri hluta heilans eða hægri hluta hans- að fólk hafi tilhneigingu til að hugsa á nótum sem eykur annað hvort virkni vinstri eða hægri hluta heilans.

Ofangreindur textir er þýddur og endursagður úr bókinni EMERGENETICS , Geil Browing,  Phd .

 Hvaða tilgangi þjónar þessi inngangur hjá mér fyrir texta sem átti að veita útrás fyrir óánægju með umræðu sumra  um orkuskipti í samgöngum ?  Jú,  ég er eflaust í góðum anda að ríghalda í þá tilgátu að fólki gangi gott eitt til, þótt umræðan um  rafmagnsvæðingu í íslenskum samgöngum hafi verið jafn óraunsæ og hún hefur verið á stundum. Og sérstaklega þegar horft hefur verið til næstu 20 ára.

 Ég er sennilega að leifa mér að trúa því, um stund, að vinstra heilahvelið hafi fengið full frjálst spil í málflutningi sumra talsmanna rafmagnsvæðingarinnar án þess að þeir geri sér grein fyrir því. Að vinstra heilahvel þeirra hafi einfaldlega fengið að leita allra leiða til að búa til sögu sem virðist rökrétt - jafnvel þótt saga þeirra og tímasett áætlun sé það í raun ekki.  

Orkuskipti í samgöngum – Paul Wuebben flutti fyrirlestur í boði Samtaka iðnaðarins . Og viti menn, aukin notkun og framleiðsla á íslensku metani eru hagfelldustu skrefin fyrir íslenskt samfélag að stíga í dag og til framtíðar litið.

Ísland mun verða fjölorkusamfélag í samgöngum á þessari öld rétt eins og önnur ríki og metanvæðing Íslands mun gegna stóru hlutverki í orkuskiptum þjóðarinnar frá umhverfisspillandi jarðefnaeldsneyti yfir í aukna sjálfbærni og framleiðslu á umhverfisvænu eldsneyti í hæsta gæðaflokki. Með nýtingu á íslensku metani er ljóst að heildar kostnaður almennings við akstur ökutækja verður lægstur ef horft er til næsta líftíma ökutækja hið minnsta , 10-20 árin. Hvernig má það vera? Var rafmagnsbíllinn ekki að koma á morgun?

Að sögn Paul Wuebben eru vandamálin við framboðsþrýsting rafmagnsbílaframleiðanda margþættur. Mikil samkeppni er um þróun liþíumrafhlaðna í dag og mörg ljón í veginum er lúta að efnafræði rafhlaðanna, eldhættu og orkuinnihald þeirra miðað við þyngd þeirra svo fátt eitt sé nefnt. Stofnkostnaður neytanda er enn mjög hár á rafmagnsbílum miðað við það takmarkaða frelsi sem þeir veita til samgangna, drægi, þyngd, öryggi, tími endurhleðslu, ending rafhlaðna, ábyrgðir og fleira. Paul taldi líklegt að aðkoma stjórnvalda þyrfti víða að vera mikil til að viðskiptamótelin gangi upp allmennt sé í heimsþorpinu. Jafnframt gat hann þess að þótt mikið sé í gangi á þessum vettvangi þá sé ekki mikils að vænta í grundvallaratriðum næsta áratuginn eða tvo hvað heildar hagfeldni rafmagnsbílsins varðar. Þess má geta að í kostnaði sambærilegra ökutækja er rafmagnsbíllinn að keppast við að lækka heildarkostnað neytenda frá 400$/einingu í dag niður í 20-30$/einingu eins og metanbílinn kostar. Og einnig að lækka þyngd rafhlaðna miðað við orku en rafhlaðan í dag er 32x óhagfeldari en metanbíllinn hvað varðar hlutfall orkuinnihalds og þyngdar orkugjafans.  

 Helst er þó að vænta jákvæðrar framvindu á þróun á hybrid-bílum. Bílum sem knúnir eru áfram  með umhverfisvænu eldsneyti og rafmagni frá rafhlöðu sem fær hleðslu með nýtingu á orku við hemlun. Þegar er búið að þróa slíka hybrid-bila sem nýta metan eldsneyti og flestir bílaframleiðendur heims bjóða nú þegar upp á bíla með metan/bensínvél sem henta vel íslenskum aðstæðum.  Það er því jóst að það þarf ekki mikla þekkingu til að sjá að framtíð íslenska metansins er björt. Það hrópar á dómgrein hvers sem vill vita og sjá að við Íslendingar nýtum ekki nema um 13% af okkar metanframleiðslu í dag. Við brennum á báli um 87% af metanframleiðslu okkar og höfum umgengist okkar dýrmætu tækifæri til aukinnar sjálfbærni rétt eins og um væri að ræða fallegt gæluverkefni með enga framtíð.  Þvílík fyrra, þvílíkt bull.

Miðað við stöðu þjóðarbúsins og mikilvægi þess fyrir þjóðina að spara gjaldeyri og afla hans verður okkur að takast að beisla sundurlyndisfjandann og fara að forgangsraða áherslum í orkuskiptum með hagsmuni þjóðarinnar að leiðarljósi. Það vill reyndar þannig til að öll þau gildi sem mest er um vert að virða samræmast í samstilltu átaki til að stórauka notkun og framleiðslu á íslensku metani – mikill og margþættur ávinningur fyrir einstaklinga, fjölskyldur, fyrirtæki, hið opinbera og síðast en ekki síst umhverfið. Rekstrarlegur ávinningur allra er gríðarlegur. Miðað við ungan aldur bílaflotans í landinu og gjörbreytta kaupgetu almennings er ljóst að lítið svigrúm verður til endurnýjunar á ökutækjum næsta áratuginn. Uppfærsla á bílaflotanum, bensínvélinni, þannig að núverandi bílafloti geti einnig nýtt metan eldsneyti er leiðarval sanns leiðtoga með metnaðarfulla og raunsæja framtíðarsýn og styrk  til að leiða sannkallað þjóðþrifamál.

Nokkur nýleg fréttaskot á fréttaveitu Metan hf um metanvæðinguna í heimsþorpinu.

•  AUSTURRÍKI:  Mitsubishi metanbílinn sló í gegn í austurríska kappakstrinum- sjá: http://www.metan.is/user/news/view/11/239
• SVÍÞJÓÐ: Metanvæðing í Svíþjóð- Söluaukning á metanbílum í Svíþjóð yfir 450%: http://www.metan.is/user/news/view/0/264
• SVÍÞJÓÐ: Metanvæðing í Bandaríkjunum – löggjafinn skapar hvata til uppfærslu á bensínvélum svo þær geti einnig gengið fyrir metani. http://www.metan.is/user/news/view/0/263
• EVRÓPUFRÓÐLEIKUR: Fróðleikur um umhverfisvænar samgöngur í Evrópu. http://www.metan.is/user/news/view/0/262
• BANDARÍKIN: Metan steypubílar á markað í Bandaríkjunum. http://www.metan.is/user/news/view/0/265
• BANDARÍKIN: Metanvæðing í þungaflutningum- Daimler metanvæðir faratæki til þungaflutninga fyrir árslok 2010. - sjá:  http://www.metan.is/user/news/view/0/246 
• BANDARÍKIN : Metan traktor frá Steyr lofar byltingu í landbúnaði – sjá: http://www.metan.is/user/news/view/11/238
• BRETLAND/INDLAND:  Ashok Leyland framleiðir metanvörubíla - sjá: http://www.metan.is/user/news/view/5/244 
• BRETLAND: Ný reglugerð mun leiða til stóraukinnar metanframleiðslu- sjá: http://www.metan.is/user/news/view/0/248
• CANADA:  26% af seldum Flyer strætisvögnum ganga fyrir metani– sjá: http://www.metan.is/user/news/view/17/230 
• INDLAND: Indverski bílaframleiðandinn Mahindra markaðssetur metan trukk – sjá: http://www.metan.is/user/news/view/11/236 
• ÍSLAND: Hefði valið NGT bílinn þótt hann væri ekki líka mun ódýrar en bensínbíllinn- sjá: http://www.metan.is/user/news/view/17/233  
• KÍNA: Kínverjar framarlega í þróun tvíorku metan-/dísilvéla – sjá: http://www.metan.is/user/news/view/0/250
• NOREGUR:  Metan á alla strætó- og ruslabíla í Oslo- sjá: http://www.metan.is/user/news/view/17/232
• PERÚ:  Nissan í Perú framleiðir metan leigubíl- sjá: http://www.metan.is/user/news/view/5/243 
• RÚSSLAND:  Árangursríkt kynningarstarf á metan ökutækjum – sjá: http://www.metan.is/user/news/view/11/234
• SPÁNN:  Metan, vinnur hylli flutningafyrirtækja á Spáni- sjá: http://www.metan.is/user/news/view/23/226
• SVÍÞJÓÐ: Metanvæðing í Svíþjóð- Söluaukning á metanbílum í Svíþjóð yfir 450%: http://www.metan.is/user/news/view/0/264
• SVÍÞJÓÐ: Fyrsti metan sjúkrabílinn kominn á götuna í Svíþjóð. http://www.metan.is/user/news/view/5/261
• SVÍÞJÓÐ:  Svíar breyta dísil vögnum í metan vagna – sjá: http://www.metan.is/user/news/view/17/231 
• SVÍÞJÓÐ: Metanvæðing í Bandaríkjunum – löggjafinn skapar hvata til uppfærslu á bensínvélum svo þær geti einnig gengið fyrir metani. http://www.metan.is/user/news/view/0/263
• ÞUNGAFLUTNINGAR: Metanvæðing í þungaflutningum – Freightliner Trucks kynnir metanknúnar vinnuvélar. http://www.metan.is/user/news/view/5/259
• ÞÝSKALAND: FORD stóreykur framleiðslu á metanbílum, FORD FOCUS – sjá: http://www.metan.is/user/news/view/0/251
• ÞÝSKALAND:  Metanbíll , Audi A4 í Heimsmetabók Guinness fyrir hraðakstur – sjá:  http://www.metan.is/user/news/view/23/228

    

ICE-SPEND : Það þarf sterk bein til að þola góða daga – djörfung og hugun á oft samleið með varfærni.

Þessi orð koma upp í hugann á stundum þegar ég hugsa um hlutskipti margra athafnamanna okkar frá tíma mestu hagsældar í sögu íslensks  samfélags. Já, ég  finn til með þeim mörgum, enda blasir við mér að þeir sem voru í forsvari hafi gengið fram af djörfung og hugunn og gengið gott til innan þess hrings sem fangaði allt sem var á þeim vettvangi. Já, þetta var enginn venjulegur vettvangur.  Fjölmargir sem stóðu fyrir utan hann og  þekktu íþróttina gerðu sitt til að vara við þeirri vá sem steðjaði af vasklegri og sókndjarfri framgöngu og ekki hvað síst ef fífldirfska var með í för.  Innan hringsins var framganga okkar manna undraverð og mögnuð á stundum og ekki að skilja annað en að þeir hafi beitt hefðbundnum brögðum. Eða til vara að mestu leiti, flestir.  Og til þrautavara, þar sem fölnað laufblað er erfitt að forðast, jafnvel í hirtustu gróðurreitum , þá er engin ástæða til að ætla að árangur okkar manna innan hringsins verði skilgreindur með einhverjum fólskubragði sem ekki var leift í hringnum. 

Gott og vel, hvað er ég að fara ?  Já, ég er ekki alveg viss. Yfirskriftin vísar í þó til einhvers.  Mikið skrambi þurfa víkingarnir okkar að vera sterkir í dag. Og megi þeim farnast vel í glímunni við það farg sem reynt er að kasta á þá í dag úr öllum áttum.  Út á hvað gekk íþróttin í hringnum annars?  Í hnotskurn, að kaupa og selja. Það verður ekki tekið frá okkar mönnum að þeir voru góðir í þessu innan hringsins.  Að kaupa er eitt og að selja er annað. Sá sem er góður að kaupa þarf alls ekki að vera góður í að selja og öfugt. Klisjan er svo sem ekki flókin, þú kaupir á lágu verði og selur á háu. En því erfiðara að greina aðstæður og ná árangri í þessum leik.

 Kauphegðun fólks getur verið ansi skemmtileg, leiðinleg, fjölbreytileg, fábrotin, einföld og flókin svo fátt eitt sé nefnt. Sölutækni er hins vegar allt önnur ella og gæðasala heilmikil stúdía og þjálfun. Ýmsir segja að maðurinn sé sífellt að selja eitthvað, meðvitað eða ómeðvitað. Meðvituð söluhegðun er oft greinanleg og ýmsir sem telja sig búa yfir tilfinningagreind segja okkur ýmislegt um athafnir og athafnaleysi samferðamanna okkar. Mörgum ber saman um að söluferli sé flóknast og óþægilegast  ef seljandi er að taka ákvörðun um að verja sig fyrir meira tjóni en orðið er – að mest reyni á bein seljandans við slíkar aðstæður. Þeir sem stóðu sig best innan hringsins keyptu og seldu mikið með ábata en lentu líka í því að selja til að forða sér frá  frekara tjóni og gerðu það ansi uppréttir þótt tjónið væri mikið. Þeir komu oft til baka og bættu um betur! 

Hvað með Ice-save?  Hver var að kaupa hvað og hver var að selja hvað?  Tjón eða sambærilegt orð komu víða við í sumarútgáfunni og engin furða. Eitt stórt tjón var selt og eitt stórt tjón var keypt.  Allir sýnilegir aðilar málsins urðu fyrir tjóni. Er þetta ekki bara hugsanavilla hjá mér?  Er hinn raunverulegi söluaðili ekki bara hinn ósýnilegi aðili þessa máls? Markaðurinn ?  Látum það liggja á milli hluta. Gefum okkur að íslenska þjóðin hafi staðið frammi fyrir því að selja eitthvað til að forða sér frá frekara tjóni með því að kaupa eitthvað sem var verðlagt  allt of hátt að hennar mati. Ömurleg  staða. Eða var þetta ekki svona ?  Í þessari stöðu er mikilvægt að skoða stærð hins mögulega tjóns.

 Þetta leiðir mig að sögu um fararstjóra  sem var á niðurleið með lítinn hóf ferðamanna eftir árangursríka göngu á fjallstind. Hópurinn lenti í ógöngum á syllu og átti tvo valkosti í stöðunni. Annar kosturinn var að láta sig falla á næstu fótfestu án þess að lífshætta lægi við, en líkur á  beinbroti voru þó taldar miklar. Hinn kosturinn var að fikra sig niður gilkjaftinn, eftir slóð sem áður hafði verið farin, og eiga von um að komast niður án beinbrots. Fall í gilkjaftinum þýddi hins vegar mun alvarlegri áverka en  þann sem vænta mátti með falli af syllunni.  Hvað átti fararstjórinn að gera  ? Hann tali sig sjálfan geta farið gilkjaftinn með góðri vissu um að falla ekki  en var mjög efins um samferðamennina.  Enginn samferðamannanna vildi hoppa af syllunni og allra síst að vera fyrstur til að gera það. Hvað átti fararstjórinn að gera ?  Einu ári síðar var réttað í þessu máli og fararstjórinn kærður fyrir að vera valdur að því að tveir ferðamenn fótbrotnuðu við að hoppa af syllunni. Hann var ekki kærður vegna þess aðila sem valdi að fara gilkjaftinn. Sá féll og varð óvinnufær til æviloka. Þrír sluppu með skrekkinn við að hoppa af syllunni. Farastjórinn var ekki einn af þeim. Hann stökk fyrstur og leyndi því að hafa brotið bein til að forða hinum frá því að fara gilkjaftinn.  Hvaða dóm fékk farastjórinn?  Aftur að Ice-save. Erum við að stökkva af syllunni eða reyna að skríða gilkjaftinn ?  Það þarf djörfung og hugunn til að velja leið sem fyrirsjáanlega veldur sáru tjóni . Það þarf áhættusækinn aðila til að skrýða gilkjaftinn.  Djörfung og hugunn á oft samleið með varfærni.   

Metanvæðing : Dæmi um 2,3 milljón króna metan fólksbíl sem gæti bætt fjárhag fjölskyldu um 2,4 til 6 milljónir á vaxtalausum lánstíma.

Þetta eru engar smá tölur – þú átt rétt á að vita þetta.

Ítalir eru margir hverjir  töffarar sem hafa ýmislegt annað við peninginn að gera en að sóa þeim í umhverfisspillandi jarðefnaeldsneyti sem kostar  100% meira en metan. Metanvæðing í samgöngum hófst á Ítalíu á síðustu öld og FIAT staðið sig vel í að svara kalli samtímans og framtíðarinnar þar í landi og eykur stöðugt framboð á bílum með  tvíbrennivél, en slíkir bílar geta bæði gengið fyrir metani og bensíni ef á þarf að halda ( hafa tvo eldsneytistanka). Dæmi um  hagfelldan og vinsælan fólksbíl frá FIAT er Grande Punto Natural Power (metan/bensín) og eru nokkur hundruð þúsund slíkir bílar á götum Evrópu í dag. Bara á Ítalíu seldust 43.000 bílar á fyrstu átta mánuðum ársins 2008. Drægi bílsins á metanbirgðum er um 310km en hann hefur einnig 45 L bensíntank þannig að unnt er að aka á bílnum um 1000 km án þess að fylla á eldsneytisbirgðir hans. Tilboðsverð  FIAT á 2009 árgerðinni hljóðar upp á 12.300 EUR eða um  2.3 milljónir króna (miðað við genið í dag ,185kr/EUR)  og FIAT býður að auki vaxtalaus lán til 6 ára.  

Hvað gætir þú sparað þér á þessum 6 árum með vali á svona eða sambærilegum bíl sem væri í boði  á þessum kjörum ?  Tökum dæmi:

 Forsendur:

• Gefum okkur að  þú akir í dag á bíl sem notar 10L af bensíni á 100 km akstri að meðaltali.
• Gefum okkur að verðmunurinn á bensíni og íslensku metani verði sá sami næstu misserin og hann er í dag. Reyndar eru öll skilaboð um að mismunurinn aukist frekar en hitt, að bensínið hækki hraðar og meira.
•  Gefum okkur að þú sért með yfirdrátt ( 14,5%) og að í hvert sinn sem þú fyllir á metantankinn lækkar yfirdráttur þinn sem nemur sparnaði þínum.
• Gefum okkur að þú akir um 20.000  km á ári.

SVARIÐ er ansi sláandi :  Á þessum sex árum batnar fjárhagur þinn um 2,5 milljónir  króna vegna mismunar á eldsneytisnotkun og eldsneytisverði.  Ef bíllinn þinn í dag eyðir meiru þá er ábati þinn auðvita meiri og öfugt.  Þetta eru engar smá tölur. Þar fyrir utan sparar þú í leiðinni þjóðarbúinu um 700.000 kr í gjaldeyri enda þarf ekki að flytja inn bensín frá Bretlandi fyrir þig. Og síðast en ekki síst, þú hefur sparað umhverfinu losun gróðurhúsalofttegunda sem nemur 27 þúsund kg af CO2-ígildi.  Þessi losunarsparnaður gæti hæglega leitt til sparnaðar í gjaldeyri sem nemur 100.000 kr til viðbótar.  JÁ, mér finnst að þú megir alveg vita þetta end hef ég ekki enn sagt neitt um þá atvinnu-og nýsköpun sem val þitt á sambærilegu ökutæki leiðir af sér og því ónefndur mikill og margþættur ábati fyrir íslenskt samfélag.

Ef bíllinn þinn í dag notar 20L/100km af bensíni þá sparar þú ekki bara kaupverð þessa bíls á sex árum, heldur hefur þú bætt fjárhagsstöðustöðu þína þar að auki um 3.8 milljónir eftir þessi 6 ár. Heildar ábatinn er að þávirði um 6.2 milljónir króna. Og gjaldeyrissparnaðurinn því 1,4  til 1,7 milljónir kr.

Þessi bíll er töffari og verður vonandi í boði hér á landi fljótlega. Þetta er bara eitt lítið dæmi um bíl í heimsþorpinu sem ég rakst á í dag og erindi á við okkur Íslendinga enda framleiðum við íslenskt metan í hæsta gæðaflokki , 98% hreinleika, sem selt er í sjálfsala hjá N1 á Bíldshöfða í Reykjavík og í Hafnarfirði gegn verði sem samsvarar 87.5kr/L miðað við jafngildi orkuinnihalds í lítra af bensíni.

Til að eiga val á sambærilegum bílum í framtíðinni þurfum við að láta frá okkur heyra og spyrja umboðin um bíla frá þeim með metan/bensínvél. Bíla sem geta bæði gengið fyrir metani og bensíni. Og láta vita að við viljum eiga val í framtíðinni þótt að við séum ekki á bílamarkaði í dag.

Annað : Átak er í gangi hér heima  til að stórauka getur og afköst við að uppfæra bensínbíla svo þeir geti einnig gengið fyrir metani.  Ég mun blogga um stöðu þeirra mála fljótlega.

Sjá: www.metan.is     Sjá: Grand Punto Natural Power: 1) http://jalopnik.com/5063622/fiat-punto-natural-power-cruises-six-hundred-miles-on-methane-and-gasoline  2) http://images.google.is/images?hl=is&lr=&q=Grande+Punto+Natural+Power&um=1&ie=UTF-8&ei=-XmVSti8BJLt-Abzk6yxBg&sa=X&oi=image_result_group&ct=title&resnum=4

PS. Fyrir þá sem lesa enska textann sem vísað er til hér að ofan er rétt að árétta eftirfarandi.  Upplýsingar um losun CO2 í textanum ( 115g/km) miðast við að metan eldsneyti sem ekið er á eigi uppruna sinn að rekja til jarðgass ( Drekasvæðið gæti skaffað það) en miðast ekki til hauggass eins og við Íslendingar  getum státað af í dag. Ef jarðgas er upprunalega afurðinn fást þær umhverfisvænu  tölur sem kynntar eru í textanum. HINS VEGAR, með notkun á íslensku metani verða þær margfallt umhverfisvænni enda þá um að ræða hartnær -NETTÓ NÚLL -losun gróðurhúsalofttegunda þar sem við Íslendingar söfnum CH4 af urðunarsvæði og forðum CH4 frá því að losna út í umhverfið. Ef CH4 sleppur út í umhverfið hefur það um 22X meiri gróðurhúsaáhrif en CO2. ERGO: Þar sem við söfnum CH4 sem er þegar í vistkerfi okkar og nýtum það sem eldsneyti til akstur erum við flottustu umhverfistöffarar sem völ er á - alveg metan magnað.

Metanvæðing – löggjafinn skapar hvata til uppfærslu á bensínvélum svo þær geti einnig gengið fyrir metani.

Kjörnir fulltrúar í Bandaríkjunum hafa skipt sköpum um aukna notkun á metan eldsneyti í samgöngum. Í Texas hafa Jhon Otto og Warren Chisum nýverið lagt fram frumvarp sem veitir hvata til uppfærslu á bensínvélum svo þær geti einnig nýtt metan eldsneyti.

Sjá frétt : http://www.metan.is/user/news/view/0/263

Eftir að bensínvélin hefur verið uppfærð á ökumaðurinn val um að aka á metani eða bensíni og drægni bílsins eykst sem nemur metanbirgðunum. Á Íslandi eru í dag á annað hundrað ökutæki sem geta nýtt bæði metan og bensín. Ökumaðurinn á því val um að aka á bensíni eins og í gamla daga eða á metani og skapa marþættan ávinning og sparnað með því í leiðinni:

1)  Sparar yfir 50% í eldsneytiskostnað án þess að finna nokkurn mun á eiginleikum eða þægindum í akstri.

2) Sparar þjóðarbúinu gjaldeyri sem nemur 30% af dæluverði bensíns ( um 60 kr/lítra í dag)

3) Sparar umhverfinu losun gróðurhúsalofttegunda í miklu magni.

Þar fyrir utan stuðlar sá, sem notar íslenskt metan, að atvinnu-og nýköpun í landinu og leggur grunn að aukinni sjálfbærni og auknu orkuöryggi þjóðarinnar.

Spurt hefur verið um þá íhluti sem setja þarf í bensínbíla svo þeir geti nýtt íslenskt metan. Að þessu sinni vísa ég á Google - myndir af íhlutum - slá inn t.d.  CNG kit.  Sjá dæmi

http://images.google.is/images?q=cng+kit&ndsp=18&hl=is&lr=&sa=N&um=1&imgsz=small|medium|large|xlarge

 Í síðasta bloggi nefndi ég tölur úr heimsþorpinu á bilinu 100-700 þús krónur fyrir uppfærslu á bensínbílum og þá ekki vitað hversu miklar breytingar hafa verið gerðar til að koma metantanki fyrir svo lítið beri á (bílasmíði). Ódýrast er auðvita að hafa metanbirgðirnar í fyrstu í farangurshólfinu eins og tíðkast víða í lögreglubílum í Evrópu. Þannig er hægt með litlum tilkostnaði að lækka eldsneytiskostnað bíls um meira en helming. Í dag erum við að tala um yfir 900 þús. kr sparnað eftir 100.000km akstur á bíl sem eyðir 10L/100km eða hartnær 2 milljónir eftir 100.000 km akstur á jeppa.

Metanvæðing Íslands : Gjaldeyrissparnaður, dæmi : STRÆTÓ getur sparað hundruð milljóna af gjaldeyri þjóðarinnar með fjölgun metanvagna.

Skoðum nokkrar tölur og lítið dæmi: STRÆTÓ bs.- EINN VAGN 

Akstur vagns á Stór-Reykjavíkursvæðinu:   Einum vagni er ekið um 315 km / dag miðað við fulla nýtingu -  eða  9500 km/mán.  Og því um  114.000 km/ári  ( nýtingahlutfall vagna minkar með árunum).  Raunhæf nýting á einum vagni nemur alls um 1.000.000 km á 12 árum.

Eldsneytisnotkun ef dísil-vagn er í notkun : Einn dísil-vagn notar um 47 lítra af dísilolíu  / 100 km – eða því um 147 lítra á dag,  um 4.400 lítra á mánuði  eða um 39.000 lítra á ári ( að meðaltali)  miðað við 470.000 lítra notkun á 12 árum.

Verð á dísilolíu í dag ( spár um þróun verðs á dísilolíu á heimsmarkaði í framtíðinni eru á einn veg – upp ). Gefum okkur að tölur á markaði haldist hlutfallsleg óbreyttar út líftíma á einum vagni (12 ár).

EF við greiðum  50 kr í gjaldeyri fyrir hvern lítra af dísilolíu sem við flytjum til landsins, sjáum við að einn vagn brennir  gjaldeyri þjóðarinnar sem nemur andvirði um tveggja milljóna króna ár ári að meðaltali ( 50kr/lítri * 39.000 lítrar = 1.950.000). Með öðrum orðum , við þurfum að ráðstafa að nafnverði um 23,4 milljónum af gjaldeyri fyrir dísilolíu til að knýja einn dísil-vagn á 12 árum.

Ef við skoðum núvirði gjaldeyrisnotkunar vegna notkunar á einum dísil- vagni og tökum tillit til reynslu af nýtingu vagna gegnum árin  og miðum ávöxtunarkröfu til núvirðingar við vexti af Icesafe-skuldbindingum þjóðarinnar – 5,55% - fáum við töluna:  18.223.267 kr  ( 18,2 milljónir í gjaldeyrisnotkun að núvirði).  Ef við miðum ávöxtunarkröfu til núvirðingar við innlánsvexti bankanna á gjaldeyrisreikningum hjá þeim ( EUR) um – 4% - fáum við töluna:  19.641.691 kr.

ERGO – ef við tökum í notkun vagn sem gengur fyrir íslensku metani í stað dísilolíu getum við sparð okkur gjaldeyrisnotkun  vegna eldsneytiskaupa að núvirði um 19 milljónir króna ( EUR=170). Og þá eigum við alveg eftir að skoða þann mikla og margþætta ábata fyrir íslenskt samfélag sem felst í umhverfislegum, rekstrarlegum og þjóðhafslegum ávinningi að öðru leiti.

• Hvaða áhrif hefur það á íslenskt atvinnulíf ef gjaldeyrir sparast með því að þjóðin framleiði metan eldsneyti  til að gegna sama hlutverki og eldsneyti sem flutt væri inn ella.
• Hvaða áhrif hefur það á veltu fjármagns í umferð  í samfélaginu ef  þjóðin framleiðir metan eldsneyti og notar það í stað besníns og dísilolíu.
• Hvaða áhrif hefur það á tekjur ríkisins ef velta eykst í samfélaginu.   

ERGO – Stóra myndin blasir við og engin furða að nú sé fylgst  vandlega með framgöngu þeirra fáu sem hafa völd og áhrif til að tryggja að  þjóðin fái að njóta þess heildræna ábata sem sjálfbærni okkar í eldsneytismálum hefur í  för með sér – frekari metanvæðing á að vera í forgangi. Ég skal ræða þessa punkta með tölum síðar.

Tölur eru táknmynd sjóðs, tölur skapa stundum gaman, tölur sýna tap og gróða og tölur halda fötum saman.  Vonandi geta tölur einnig  náð að auka samtakamátt þjóðarinnar og yfirbuga sundurlyndisfjandann.

Nú ætla ég að fá hann í Meðalfellsvatni og fara í sund á eftir  - nema þá ef samlegðarávinningur knýr mig til að synda í vatninu líka J

PS. Þökk sé stjórnvöldum  eru tveir metan-vagnar í umferð í Reykjavík í dag.

Sjá dæmi um metanvæðingu almenningssamgangna:

• Strætó Noregur:  http://www.metan.is/user/news/view/17/232
• Strætó Svíþjóð:  http://www.metan.is/user/news/view/17/231

 

Aukin metanvæðing blasir við á Íslandi og um allan heim – Bandaríkjamenn stoppa áform um frekari vetnisrannsóknir.

Það var sú tíð að bílaframleiðendur drógu lappirnar gagnvart kallinu eftir bílum sem ganga fyrir metani. Nú er öldin önnur.  Í dag bjóða flestir bílaframleiðendur heims upp á bíla með svonefndri tvíbrennivél, sem ganga bæði fyrir metani og bensíni. Raunveruleikinn kallaði á áreiðanleika og heiðarleika og nú er metan í mikilli sókn – ekkert stöðvar í dag stórfelda aukningu á notkun á metan okutækjaeldsneyti.

 Íslensk bílaumboð bjóða í dag upp bíla með tvíbrennivél , vél sem gengur bæði fyrir metani og bensíniog mikil aukning á framboði á næstu misserum.

• HEKLA – býður í dag upp ýmsar gerðir fólksbíla og sendibíla - VW ýmsar gerðir
• ASKJA - býður í dag upp ýmsar gerðir fólksbíla og sendibíla – M.Benz
• SAGA – mun bjóða upp á allar gerðir bíla nema jeppa á árinu 2010 – FIAT.  Saga horfir gott til glóðarinnar á jeppamarkaði eftir kaup FIAT á Chrysler.
• BRIMBORG – horfir gott til glóðarinnar á árinu 2010 þar sem Volvo er annars vegar svo dæmi sé tekið. Ford og Citroen koma einnig til greina á næsta ári.
• INGVAR HELGASON – á hauka í horni þar sem Opel  hefur stigið afgerandi skref með metanvæðingunni og kemur í ljós á árinu 2010 hvað Íslendingum stendur til boða.
• TOYOTA – Framleiðir metanbíla fyrir Asíumarkað. Til þessa hefur áhersla Toyota fyrir Evrópu verið Hybrid, en þrýstingur er mikill á Toyota að bjóða metanbíla sína einnig í Evrópu. Það mun gerast fyrr en síðar.
• Margt annað mætti nefna  s.s. Bernhard og Honda , Sparbíla og metan-jeppar hjá þeim, Audi, Renault auk stærri vinnuvéla og fólksflutningabíla frá Scania og Volvo svo fátt eitt sé nefnt. Vagnarnir á leið 18 og 19 hjá Strætó eru Scania  metanvagnar.

Hvað varðar nýlega bensínbíla í umferð er mikilvægt að stjórnvöld  hvetji til aukinnar þekkingar og afkastagetu við að breyta bensínbílum þannig að þeir geti einnig gengið fyrir metani. Slík breyting kostað ekki það mikið að hún borga sig heildrænt sé.  Víða um heim eru stjórnvöld að hvetja til úreldingar á eldri bensínbílum af umhverfisástæðum og veita fjárhagslegan hvata í slík verkefni.  Við okkur blasi sú hagfeldni að veita fjárhagslegan hvata til að breyta bensínbílum svo þeir geti nýtt metan einnig enda umhverfislegur ávinningur ofan á allt annað gríðarlega mikill.

Sjá frétt í  NY Times - Bandaríkjamenn stoppa áform um frekari vetnisrannsóknir :

U.S. Drops Research Into Fuel Cells for Cars.  http://www.nytimes.com/2009/05/08/science/earth/08energy.html?scp=2&sq=&st=nyt

Metanvæðing Íslands - við erum minnt á það í dag hversu dýrmæt sjálfbærni er.

Í fréttum í dag er greint frá því að 4.9% hækkun á bensíni hafi leitt til hækkunar á vísitölu neysluverðs upp á 0,22%. Þetta merkir að höfuðstóll húsnæðisláns upp á 20 milljónir kr. hefur hækkað um hátt í 50.000 kr.  Margir hafa spáð því að verð á bensíni og olíu eigi eftir að hækka mikið á næstu misserum og árum (Sjá viðtal í Silfri Egils þann 17 maí við Jóhannes Björn ).

Lán okkar Íslendinga mun felast í stórfelldri aukningu á framleiðslu og notkun á metani.  Við getum stóraukið notkun okkar á íslensku metani , strax í dag, og stigið markviss kref að aukinni framleiðslu á morgun. Ávinningur þjóðarinnar er gríðarlegur

• Þjóðhagslegur ávinningur-  gjaldeyrissparnaður, atvinnusköpun, nýsköpun

• Rekstrarlegur ávinningur - eldsneytiskostnaður, bílverð, tryggari stjórn vísitöluþróunar
• Umhverfislegur ávinningur - lækkun á losun gróðurhúsalofttegunda í útblæstri og vistkerfinu. 

 

 ,,Senn mun íslensk umferð batna, eflist rekstur, líf og getan.   

 Hagur vex á grundum gatna, gæfusporið íslenskt metan.‘‘  ev

 

Sjá Silfur Egils - síðast í þættinum: http://dagskra.ruv.is/sjonvarpid/4464814/2009/05/17/