Metanvæðing eða rafmagnsvæðing bílaflotans ? Spurning er ekki um annað hvort, svarið er bæði. Brosti John Perkins ?

Baldvin Jónsson birtir athyglivert myndband í bloggi sínu um rafmagnsvæðinu á bílaflota heimsins  (Sjá að neðan) . Takk fyrir að minna á þetta myndband Baldvin. Var  það ekki John Perkins (EHM) sem niðurlútur brosti breitt þegar hann sá þetta?

Fagna ber því ef smærri rafmagnsbílar  reynast hagfelldastir í rekstri ,heildrænt séð, miðað við skilgreinda notkun.  Ef við erum að tala um bíl tvö eða þrjú  hjá hverri fjölskyldu þarf að hafa í huga heildarkostnað við að eiga bíl yfir höfuð. Það er langt í land að rafmagnið nái að uppfylli þarfir bílamarkaðarins í heild. Og mjög stórt spurningamerki þarf að setja við hagfeldnina þegar horft er til þeirrar sýnar sem kynnt er í myndbandinu. Þú kaupir bílinn en við seljum batteríin. Þú hleður bílinn þar sem þú stoppar og  batterí verða seld um allt. Þú skiptir um batterí  á tveimur mínútum í öllum veðrum hvar sem er. Já, og þú þarf ekki að skipta um batterí eins oft og þú þarf að fylla á bensín í dag. Þetta segja þeir.

 Í þessu módeli  er hin meinta sjálfbærni rafmagnsframleiðslunnar einfaldlega færð yfir í ósjálfbærni um framleiðslu á batteríum.  BINGO,  og nú brosir John Perkins ( Ecomomic Hit Man) breitt þar sem hann veit að litíum er afar fágætt frumefni og því þægilegt fyrir fáa að ráða högum og för í heimsþorpinu. Og aðferðin er gamalkunn , heimurinn þarf að bregðast við núna, við höfum engan tíma til að bíða eftir frekari þróun á rafhlöðum ( segir í  kynningunni), við verðum að bregðast við núna, núna. Burt séð frá litíum þá er framleiðsla á batteríum ein og sér fullnægjandi flókin til að tryggja vald hinna fáu í heimsþorpinu. 

Það versta fyrir þá fáu sem stjórnað hafa hagkerfum heimsins með einum eða öðrum hætti í gegnum einokun á vöru eins og bensíni  er að þjóðir verði sjálfbærar um framleiðsluna, hvað þá vöru sem gerir meira samfélagslegt gagn.  Stórfelld aukning á notkun á íslensku metani er svo afgerandi okkar besta framþróun í eldsneytismálum  að við verðum að nýta betur þekkingu okkar og tækifæri í þeim efnum.

 Hvað sem líður, þá mun rafmagnsbíllin þjóna tilteknum hluta bílamarkaðar í framtíðinni þótt mismunandi verði eftir löndum . Ódýrt rafmagn tryggir ekki hagfeldni rafmagnsbílsins umfram aðra samfélagslega ábyrga valkosti sem knúið geta allar gerðir og tegundir bíla í dag.  Aukin sjálfbærni okkar Íslendinga í eldsneytismálum er það mikið þjóðþrifamál að okkur verður að takast að nýta íslenskt metan í stórauknum mæli. Við þurfum að einhenda okkur í að fullnýta framleiðslugetu SORPU bs á metan eldsneyti og stíga markviss skref í átt að framleiðslu í öðrum landshlutum. Þekkingin er til staðar í Reykjavík og hefur skilað frábærum árangri. Það er allt klárt til að hefja enn vasklegri framgöngu í átt að sjálfbærni íslensks mannfélags.

Sjá www.metan.is

Sjá flottan fyrirlesara selja hugmyndina um batterí í alla bíla . Takið eftir því að hann reynir ekki að tala gegn metanvæðingunni, þótt metanvæðingin sé aðal ógnun við þá fáu sem vilja skipta með sér batterímarkaði heimsins. Ástæðan er hver ?.....?  Rétt hjá þér.

http://baldvinj.blog.is/blog/baldvinj/entry/872190/

Athugasemdir

[Friðrik Hansen Guðmundsson, 8.5.2009 kl. 17:45]

Góðir pislar hjá þér og áhugavert að lesa þá.

[Kristján Sigurðsson (IP-tala skráð) 9.5.2009 kl. 10:34]

Afar áhugavert efni sem þú ert að skrifa umm.  Ég er búin að vera að fylgjart með þessu hjá þér í nokkurd tíma.  Ég held að nú sé nóg komið af skrifum og þörf sé á aðgerðum til að hraða þessari þróun.  Vil ég kvetja þig til að taka næsta skref með því að ræða þessi mál á fleiri stöðum.  Þú ert grinilega búinn að kynna þúr þessi mál vel og ert greinilega vel til þess fallinn að leiða þessa umræðu. Það þarf að setja kraft í þetta mál.

[Einar Vilhjálmsson (IP-tala skráð) 9.5.2009 kl. 22:12]

Takk fyrir hvetjandi orð Friðrik og Kristján.  Ég er að skrifa grein þessa helgina sem ég vona að verið birt í einhverju dagblaðanna sem fyrst. Í raun hefði ég áhuga á að skrifa nokkrar  greinar  og varpa víðu ljósi á ávinning okkar.

Takk og góða helgi

[Birgir Guðmundsson (IP-tala skráð) 11.5.2009 kl. 12:18]

Sæll Einar og takk fyrir gott blogg. Ég er ansi hræddur um að nýorkuvæðingin mun ekki ná neinni fótfestu hér meðan ekki er tekið á meininu. Ástæðan fyrir þessum seinagangi er að leita í pólitíkinni. Við vitum ástæðuna fyrir því að metan, vetni og Etanól (E85) hefur átt vinsældum að fagna hér. N1 er hluthafi í Metan hf, sem framleiðir metan. Shell er hluthafi í Íslenskri nýorku og Olís "flytur inn" Etanól. Nei, metan svona er í pottinn búið þá verður þetta eilíft ströggl. Maður spyr sig oft að því af hverju pólitíkusar eru svona gjarnir og viljugir að tala fyrir vetni, en ekki metan. Jú ástæðan er einföld, metan þarf ekki milliliði. Nánast hver sem er getur með lítilli fyrirhöfn búið til metan sem nýta má á bíla. Bændur gætu með litlum tilkostaði búið til metan sem skaffaði þeim næga orku til að nota á tækin, til að framleiða rafmagn og hita vatn. 

METANVÆÐUM LANDIÐ!

[Einar Vilhjálmsson (IP-tala skráð) 19.5.2009 kl. 16:05]

Takk fyrir þetta. Góðir punktar hjá þér og verðug tilgáta að skoða og láta á reyna.  Varðandi metanframleiðsluna í dag þá er því til að svara að hún er alfarið á hendi SORPU bs. Framleiðslan er í sameign okkar allra á stór-Reykjarvíkursvæðinu.  Metan hf er ekki framleiðandinn á metani. Metan hf annast markaðssetningu, sölu og dreifingu á metni frá SOPRU bs og þróun á nýtingu á umhverfisvænu ökutækjaeldsneyti. Metan hf að sönnu tilbúið að aðstoða sveitarfélög og hverja þá sem vilja framleiða metan. N1 hefur sannarlega sýnt  mikla samfélagslega ábyrgð með því að leggja þessu þjóðþrifamáli lið. N1 er ekki stór eignaraðili í Metan hf. og enginn skuldbinding um að öll innanlandsframleiðsla á metani einskorðist við dreifingu hjá N1. Metanvæðing íslands er það stórt hagsmunamál fyrir þjóðina í heild að ólíðandi er með öllu að hagsmuntengd peningasjónarmið fái að hamla för. Ég vil minna á athyglivert samtal sem Egill Helgason átti við Jóhannes Björn  í Silfri Egils síðastliðinn sunnudag 17.maí  - þar falla stór orð frá manni í úrvalsdeild sinna fræða. Við verðum að stórauka það sem við höfum sannað að við getum gert vel – stórauka framleiðslu og notkun á metani. Já, einhver nefndi Drekasvæðið sem lausn allra mála fyrir Ísland í eldsneytismálum í framtíðinni. Og hver væri þá sú farsæla lausn ? Jú, að nýta metanið sem þar væri að finna. BINGO, enn meiri ástæða til að aðlaga okkar tækjakost strax í dag og nýta okkar eigin framleiðslu og framleiðslugetur að fullu.