Metanvæðingin til sveita - allt að gerast- Landbúnaðarháskóla Íslands opnar nýjan vef

Fyrir skömmu opnaði Landbúnaðarháskóla Íslands nýjan vef. Þarna er að finna ýmsan fróðleik varðandi möguleika á vinnslu metans úr lífrænum úrgangi frá landbúnaði. Einnig er þar ítarleg samantekt á helstu aðferðum sem notaðar eru til að hreinsa og auka styrk metans í gasinu.

Vefurinn er hugsaður sem kynning á afrakstri verkefnisins „Nýting á lífrænum úrgangi“ sem unnið hefur verið á vegum LbhÍ og samstarfsaðila. Undir hatti þess verkefnis hafa verið og eru mörg smærri verkefni. Markmið verkefnisins er að stuðla að aukinni nýtingu á þeim hráefnum sem eru til staðar í landbúnaði og mögulega mætti nýta til framleiðslu á eldsneyti.

Samkvæmt úttekt á fjórum býlum þá eru möguleikar á að framleiða metangas sem svarar 10.000 -50.000 lítra af díselolíu á hverju ári og gætu viðkomandi býli orðið sjálfbær hvað varðar eldsneyti á vélar. Slóðin á vefinn er http://www.lbhi.is/metan Eins og ég hef áður bloggað um þá er metanframleiðsla þegar hafinn á búgarði feðganna í Flóanum,   hjá Guðmundi Stefánssyni og syni hans Jóni Tryggva, tæknifræðingi. Sjá http://www.bbl.is/index.aspx?GroupId=38&TabId=46&NewsItemID=3235&ModulesTabsId=191Árborgin er engin smáborg og getur aldeilis eflst  enn frekar með aukningu á þessu sviði þar sem sjálfbærni sveitafélagsins um öflun ökutækjaeldsneytis er aðgerðarhæft framtíðarsýn. Já, við þurfum að standa saman - við erum aðeins um 310.000 og langflottust - og getum verið það áfram ef við tryggjum sjálfbærni okkar á sem flestum sviðum. Og sérstaklega á þeim sviðum þar sem að auki er ábatasamt fyrir okkur verða það.

 

Athugasemdir

[Daníel B. Sigurgeirsson (IP-tala skráð) 10.12.2009 kl. 00:06]

Sæll Einar,

hefur þú hitt iðnaðarráðherra vegna áætlunar ráðuneytisins um orkuskipti? Veistu hvar metan er í þeim áætlunum? Það væri gaman að heyra í þér varðandi þessi mál, sjálfur hef ég verið að skoða aðra möguleika en er engu að síður mjög hlynntur aukinni notkun á metani.

Daníel

[Ingvi Rúnar Einarsson, 10.12.2009 kl. 12:08]

Sæll Einar.

Þú hefur vakið minn áhuga að þessum málum.Þegur þú minntist á metan framleiðslu bænda,vakar upp spurning,hvort hér sé ekki upplögð lausn á dreifikerfi metans.Þá á við,að ef bílstjórar verði eldneytislausir gætu farið næsta sveitabæ og fengið á tankinn.

[Einar Vilhjálmsson (IP-tala skráð) 10.12.2009 kl. 22:44]

Ingvi R.E: Mikið rétt og mun stærri áform er verið að undirbúa með samtakamætti býla og sveitafélaga - aldeilis glæsileg sýn fyrir sveitarfélag að verða sjálfbært um eldsneyti geta boðið til endursölu umhverfisvænt íslenskt metan við þjóðveginn. Hvað verður um það fjármagn sem þar skiptir um hendur ? Rétt, skiptir um hendur innan sveitafélagsins  í stað þess að fara þaðan jafn hraðan að stærstum vhluta og enda í Bretlandi sem nemur 30-40% af dæluverið hvers viðskiptavinar. Við getum svo rétt ýmindað okkur hvað það gerir fyrir ferðamannaiðnaðinn í því sveitafélagi þar sem unnt verður að fylla á metanbirgðirnar næstu árin. Augu manna eru sannarlega að opnast fyrir þeim mikla og margþætta ávinningi sem metanvæingin hefur í för með sér. Gleymum því ekki að verðmæti þeirra ökutækja sem aka á götum landsins er um 500 milljarðar skilst mér - og nánast allir að brenna jarðefnaeldsneyti og eiga eftir að gera það næsta áratuginn meira og minna nema þeir uppfæri bensínvélina. Og það mun verða gríðarleg aukning á afköstum þeirrar þjónustu strax á næsta ári og eftirspurn klárlega mikil þegar í dag.

[Bjarni G. P. Hjarðar, 15.12.2009 kl. 23:38]

Hér þarf a) færanlega hreinsistöð fyrir metan úr hauggasi og b) slatta af háþrýstum tönkum (flutningsgámum) til að sinna verkefninu...ég veit hvar hægt er að fá hreinsistöðina, en spurning um "dreifar" metanbirgðir.