Skjaldborg heimilanna-1 : Skjaldborg um bílalán heimila með notkunartengdri skuldajöfnun samhliða miklum og margþættum ávinningi fyrir land og þjóð - rekstrarlegum, þjóðhagslegum og umhverfislegum ávinningi.

Eigandi bílaláns í vanskilum nær að anda léttar frá fyrsta degi. Notkunartengt fjárstreymi skapar sátt kröfuhafa. Ég hef rætt mið marga lykil þátttakendur í þessu verkefni og mætt frábærum undirtektum. Um er að ræða aðgerðarhæft verkefni sem við getum hrundið af stað strax.

Skjaldborgarsamningur-1:

1. Bíleigandi fær bíl sinn uppfærðan þannig og bíllinn geti bæði gengið fyrir bensíni og metani.
2. Eftir uppfærslu ekur bíleigandi á stór-Reykjavíkursvæðinu mestmegnis eða alveg á metan eldsneyti og fyllir á eldsneytisbirgðir sínar á þeim stöðum sem afgreiða metan í dag - hjá N1 að Bíldshöfða eða í Hafnarfirði.  Stöðum fjölgar næstu misserin en það breytir þó ekki miklu um ágæti þessa verkefnis.
3.  Bíleigandi greiðir með korti og semur um verð á metani  sem hentar honum best - gæti  t.d. verið verð  20kr lægra en verð á einum lítra af 95okt bensíni.  Ef bensínið kostar 198kr/L þá greiðir bíleigandinn 178kr fyrir einn Nm3 af metani ( einn Nm3 af metani er 12% orkuríkara eldsneyti en einn lítri af 95okt bensíni).
4. Um hver mánaðarmót greiðir bíleigandi fyrir eldsneytisnotkun sína á metani sem nemur gjaldinu 178 kr/Nm3.  Greiðslan á sér stað með skilvirkum hætti fyrir orkusala t.d. með greiðsluþjónustu banka.
5. Orkufyrirtæki tekur 98kr/Nm3 fyrir þjónustu sína en greiðir mismuninn á samningsverði við bíleigandann (korthafann) inn á reikning kröfuhafa bílalánsins- í dæminu að ofan 178-98= 80 kr/Nm3
6. Kröfuhafi bílalánsins hættir að ónáða skuldarann (eiganda bílalánsins) og lækkar mánaðarlega afborgun bílalánsins sem nemur greiðslunni frá orkufyrirtækinu.  Ef þörf er á viðbótargreiðslu frá bíleiganda í  mánuði greiðir bíleigandinn það sérstaklega til kröfuhafa bílalánsins með umsömdum hætti.
7. Með ofangreindum hætti  getur bíll fjölskyldu hætt að verða versti óvinur hennar og greiðsluflæði til niðurgreiðslu bílaláns orðið sjálfbært að því gefnu að þörf sé á að eiga og aka bíl.
8. Ef við gefum okkur eldsneytisnotkun bíls í þessu dæmi,  20L/100km og að fjölskyldan aki bílnum 20.000 km á ári skapast ábati eftir 100.000 km akstur sem hér greinir: Sparnaður fjölskyldu alls að nafnvirði 2.000.000 kr.  Sparnaður nýttur til að niðurgreiða bílalán = 1.600.000 kr. Sparnaður fjölskyldu sem fer í annað en niðurgreiðslu bílaláns= 400.000 kr . Skiptingin sparnaðar er samkomulagsmál auðvita.
9. Annar samfélagslegur og efnahagslegur ávinningur að þessum ráðahag - þjóðhagslegur og umhverfislegur. Sparaður gjaldeyrir vegna minni innflutnings á bensíni  ~ 1.100.000 kr. Aukin velta innanlands vegna minna fjárstreymis úr landi. Ef margfaldarinn er 4 þá er um að ræða veltuaukningu sem nemur 4.400.000 kr og því um nýjar tekjur að ræða til ríkisins sem nemur virðisaukaskatti af þessari veltu. Ef meðal-% vsk er 20% þá eru tekjur ríkisins vegna þessa = 880.000 kr
10. Umhverfislegur ávinningur. Þar sem bensíni er ekki brennt í hreyfli bílsins ef bíleigandinn velur að aka á metani þá sparast í þessu dæmi að ofan bruni á 20.000 lítrum af bensíni. Og þar sem eldsneytið er íslenskt metan (bio-metan) en ekki bensín minkar losun gróðurhúsalofttegunda út í umhverfið um ~ 46 tonn af CO2-ígildi. Ef gjald verður sett á CO2 losum á tímabili þessa bílaláns eykst ábati bíleigandans og samfélagsins.
11. Hvað kostar uppfærslan á bensínbíl í bensín/metanbíl?. Nokkur fyrirtæki eru fullum fetum að vinna í þessum málum þá þetta er ritað og hafa reyndar sum gert lengi eða um nokkra hríð. Rætt hefur verið um kostnað á bilinu 300-690.000 kr eftir tegund bíls og óskum um bílabreytingar.
12. Hver á að greiða uppfærsluna á bílnum?  Í mörgum  tilfellum væri unnt að færa kostnaðinn við uppfærsluna inn í sjálfbæra fjárstreymið þannig að notkun bílsins greiði í raun upp þá skuld einnig. Þar fyrir utan er hér um að ræða mikinn og margþættan samfélagslegan ávinning, efnahagslegan, þjóðhagslegan og umhverfislegan ábata, sem réttlætir sannarlega myndarlega aðkomu hin opinbera enda ábatinn skjótfenginn. Fyrir utan ofangreina ávinning í umhverfismálum og gjaldeyrissparnaði er hér um að ræða mikil tækifæri til atvinnusköpunar og nýsköpunar þar sem þekking og geta er til staðar í landinu til að stórauka framleiðslu og notkun á íslensku metani án mikils tilkostnaðar í erlendri mynt. Kostnaður í erlendri mynt er sú breyta í íslensku hagkerfi sem ráða mun för í orkuskiptum í samgöngum næsta áratuginn ef ekki tvo.

Með samtakamætti náum við árangri - ef þú sendir póst svara ég: einar.vilhjá[e-mail]                Sjá: www.metan.is

Athugasemdir

[Rúnar (IP-tala skráð) 23.9.2009 kl. 17:20]

Fín hugmynd, en þetta er framtíðarlausn, eitthvað sem ég sé að ekki sé hægt að fara í 1,2 og 3 og kæmi heimilunum ekkert til góða fyrr en eftir nokkur ár ? 

Fyrir það fyrsta þyrfti að setja upp metan stöðvar í öllum bæjum og sveitum landsins, því ekki er hægt að mismuna skuldurum ?  Og ekki dugar að setja upp stöðvar t.d bara á Egilsstöðum fyrir austurland og á Akureyri fyrir norðurland ?  Síðan gef ég mér að það mundi taka langan tíma í að uppfæra flotann til að þessir útreikningar geti staðist, ekki satt ?

Kannski er þetta eitthvað vitlaust hugsað hjá mér, en svona sé ég þetta :)

 mbk

Rúnar

[Einar Vilhjálmsson, 23.9.2009 kl. 21:54]

Takk Rúnar 1) Skjaldborg-1 getur farið í gang á morgun 2) Ný mismunun er ekki á ferðinni - eigendur umhverfisvænna bíla greiddu aldrei vörugjald af bílnum sínum en þeir menga þó meira margir hverjir en bíllinn þinn eftir að þú uppfærir hann og ekur um á metani. Sú staðreynd að þú uppfærir bílinn í tengslum við skjaldborgarverkefni-1 og gerir ýmislegt annað gott í leiðinni ætti varla að vera málinu til travala nema nema síður sé. 3) Sérhver ganga hefst með einu skrefi og þegar búið að stíga mörg farsællega á þessari heillaför. Skjaldborgarhugmynd-1 er þó ný og þægileg leið til að ráðast gegn vanda sem gagnast getur nokkur þúsund einstaklingum og fjölskyldum í dag. 4) Rétt hjá þér, allt tekur tíma, og klárlega þurfum við að auka afkastagetu Í landinu við að uppfæra bíla. Sá þáttur kemur til með að takmarka hraðann meira en nokkuð annað um leið og verkefnið verður kynnt með formlegum hætti. 5) Útreikningurinn sem ég sýni að ofan er í fullu gildi fyrir einn bíl í dag og þær tölur sem ég kasta fram um eldsneytisnotkun og akstur á ári.  Þar fyrir utan sérðu að ef bensínverð hækkar eins og spár eru um næstu 5 árin þá verður ábatinn mun meiri.

[Elísa (IP-tala skráð) 23.9.2009 kl. 22:43]

Umhugunarverð hugmynd en af hverju á einhver annar en sá sem tók lánið að borga?

[Einar Vilhjálmsson, 23.9.2009 kl. 23:51]

Elías - sá sem tók lánið borgar það sjálfur með því fjármagni sem hefði ella sóundað ef ekið væri á bensíni. Sá sem uppfærrir bílinn borgar 178 kr/L-ígildi fyrir metan (í dæminu að ofan) í stað þess að greiða 198kr/L fyrir bensín. Af greiðslunni  178 krL-ígildi fyrir metan greiðir orkusalinn 80 kr til kröfuhafa bílalánsins samkvæmt samkomulagi milli bilaeiganda og kröfuafa. Verðið hjá orkusalanum fyrir metanið er í dag 98kr.  Bíleigandinn breytir sem sé örlítið um hegðun í lífinu,  tekur eldsneyti á bílinn á nýjum stað, og losar þannig eigin fjármuni sem nýtast til að greiða  kröfuhafanun inn á bílalánið samkvæmt samkomulagi. Orkusölufyrirtækinu N1 gæti séð um að gæfi út kort til að halda utan um fjárstreymið. Allir sáttir. 

[Arnþór Sigurðsson (IP-tala skráð) 24.9.2009 kl. 01:17]

Sæll Einar. Mér finnst þessi hugmynd hjá þér fín. Dálítill lestur en það þarf jú nokkur orð til þess að útskýra hlutina. Kannski væri ráð að setja þetta upp með myndrænum hætti, líklega stöldruðu fleiri við til þess að ná efninu og skilaboð unum.

Þetta er gott framtak hjá þér og vonandi hreyfast þessir hlutir sem allra fyrst.

Ég er nú reyndar á hinum endanum og vil endilega koma sem flestum í rafvæðingu. Skipta út sprengihreyflinum yfir í rafmótor. Það kostar jú bara 1-2 þúsund að aka um á rafbíl á mánuði til vinnu og hefðbundið snatt.

Breytingin sem slík er líklega á svipuðu verði og þú ert að nefna.

Hjallinn í þessu er hvernig fæst fólk til þess að skipta? Þrátt fyrir augljósan ávinning þá er um langtíma ávinning að ræða. Það virðist ekki kveikja í fólki að hugsa svo langt því miður.

[Guðmundur R Guðmundsson (IP-tala skráð) 24.9.2009 kl. 10:28]

Fín hugmynd.  Það er í raun frekar lítið mál að breyta stórum hluta bíla landsmanna í umhverfisvæn farartæki.  Minn bíll gæti notað metan.  Væri gott ef hægt væri að fá viðbótarlán til að breyta honum og auka þannig verðmæti hans og hjálpa umhverfinu.  Það er svo hægt að borga af láninu, með þeim sparnaði sem verður við að nota umhverfisvænt eldsneyti...    

Eins þarf að huga að disel bílum.  Aukin eftirspurn eftir bio disel, þýðir meira framboð.  Ef til vill tækifæri fyrir lönd sem eiga  góða möguleika i landbúnaði... ( t.d. Úrkaínu og Rússland...  ) en eiga ekki mikla möguleika á að flyta út matvæli til vænlegra markaða á vesturlöndum.  Það er hægt að draga úr mengun slíkra bíla án þess að breyta bílunum sjálfum.  En það þarf að ýta þessum markaði af stað, með einhverjumhætti.  Hvernig væri að hækka opinber gjöld á þá flutningsbíla sem ekki nota Bio-disel með a.m.k. 50% jurtaolíu? 

[Einar Vilhjálmsson, 24.9.2009 kl. 11:31]

Takk Arnþór - Fróðlegt væri að fá að heyra meira um rafmótorinn sem þú ert með í huga  - virkni, endingu, eiginleika o.s.fr. Það er sama hvaðan góðir hlutir koma og mikilvægt að mæta áskorun okkar mannfélags af samfélagslegri ábyrgð. Mikilvægt er að tryggja hag almennings við orkuskiptin samhliða mati á umhverfislegum og þjóðhagslegum ábata. Að ráðamenn svífi ekki um með huglægum hætti á vængjum meintrar sjálfbærni fá einum kost að öðrum betri en framhjá þeim langbesta. Að orkuskiptaferlar miðist við aðgerðarhæfa og raunsæja tímaáætlun þar sem hagsmunir almennings verða ekki fyrir borð bornir. Kostnaðar og ábatagreining þarf að liggja til grundvallar stefnumótun. Ég sé sorglega teiknimynd dregna upp víða með órökstuddum boðskap um hagfeldni fyrir almenning.  Sú hagfeldni stenst hins vegar enga rýni í mörgum tilfellum og er boðuð á tímalínu sem búin er til í markaðsskyni en ekki af samfélagslegri ábyrgð. Þín lausn og sýn kann vel að vera frábær og hana þarf að kynna og skoða.  

[Arnþór Sigurðsson (IP-tala skráð) 24.9.2009 kl. 15:01]

Í þessari umræðu um að breyta orkunotkun bílaflotans yfir í hagkvæmari neyslu, innlenda orku, bæði vegna sparnaði í gjaldeyri og ekki síður fyrir heimilin í landinu þá skil ég vel hvernig mönnu leið þegar að menn reyndu að koma fólki í skilning að jörðin væri hnöttótt en ekki flöt.

Hvers vegna rafmótor i bíla og hver er ávinningurinn?

1. Rafbíll eyðir   1-2000 kr. á mánuði eða um 25 þús. kr. á miðað við 12-15 þús km. akstur á ári.

2. Orkan er innlend, dreyfikerifð er um allt land og hægt að nálgast við öll heimili í landinu.

3. Ekki þarf sérstakan millilið í sölu orkunnar eða viðbótar dreyfikerfi.

4. Orkan er seld frá ríkinu á hæðsta verði sem mögulega er á hverjum tíma eða á heimilstaxta.

5. Rafmótor er margfallt ódýrari í rekstri ef horft er á viðhald.

6. Conversion kit eða breytingarpakki kostar 370.000 kr., geymarnir eftir og vinna við breytinguna.

7.  Mögulegt er að aka hefðbundnum 1000 kg. fólksbíl 80-100 km hraða, lög leyfa ekki meiri hraða en að sjálfsögðu er hægt að fá öflugari mótora.

8. Val á rafgeymum er fjölbreytt, Þeir sem velja hagkvæmni geta komist af með 3-400 þús. kr. Lithium battery eru líka ákjósanlegur kostur, en verð þeirra er enn í hæðstu hæðum. Það mun lækka í nánustu framtíð.

9. Mengun rafmótorsins er engin.

10. Mengun rafgeyma er staðreynd, en vert er að skoða mengun sprengihreyfils í 3-4 ár eða á endingartíma rafhlaðnanna. Veit ekki um slíkan samanburð eða rannsókn.

11. Hljóðmengun hverfandi.

12. Það er staðreynd og rannsakað að rafbílar þjóna venjulegum bæjarakstri í 98 daga af 100.

13. Það má endurnýja lífdaga heillegra bifreiða sem eru komnar á verulega dýrt viðhaldsstig, vél mikið ekin eða slitin, um 6-10 ár með því að skipta sprengihreyflinum út fyrir rafmótor.

Ef grannt er skoðað Einar þá er endalaust hægt að tína til kostina. Þeir eru svo margir.

Mér sýnist að okkar hugmyndir hlið við hlið sé alsherjarlausn fyrir okkar ágætu þjóð.

Orkuna eigum við og við eigum að nota hana, hún er gull okkar samtíma, njótum þessarar blessunar.

Þeir sem vilja geta ekið til Egilstaði á morgun gætu valið að vera á bifreið með sprengihreyfli, þeir sem hafa enga þörf á því geta valið rafbíl.

[Einar Vilhjálmsson, 24.9.2009 kl. 16:48]

Takk Arnþór - Þetta er fróðlegt. Þú sér að þessi rafmótorleið  virðist kallar á 5x meiri gjaldeyrisnotkun vegna íhluta borið saman við uppfærslu á bensínbíl í metan/bensínbíl. Það er þó ekki þar með sagt að þetta getir ekki verið góður valkostur. Hvað segir þú um stutt spjall - þú getur hringt hvenær sem þér hentar - 660-0235

[Arnþór Sigurðsson (IP-tala skráð) 24.9.2009 kl. 20:00]

Þú bendir réttilega á að það verður notaður gjaldeyri í þetta mál. Þá er rétt að benda á að rekstur á sprengihreyfli losar 300 þúsund á ári. Án þess þó að reiknað sé með miklum bilunum. Það tekur ákveðin tíma að borga niður breytinguna en kostnaðurinn við kaup á eldsneyti hverfur. Eftir að menn eru komnir á núllið verður rekstur bílsins ekki í líkingu við það sem við þekkjum í dag. Fjögra til fimm ára akstur getur skilað einni fjölskyldu allt að hálfri miljón. Eru margar slíkar kjarabætur í boði?

Ég hringi í þig fljótlega, hefði gaman að því.

[Einar Jón, 30.9.2009 kl. 07:29]

Ef við gefum okkur eldsneytisnotkun bíls í þessu dæmi,  20L/100km

Er þetta ekki fáránlega mikil eyðsla - sérstaklega ef tekið tillit til þess að orkuinnihaldið í metani er 12% meira en sem nemur orkuinnihaldi í einum lítra af 95oktana bensín?

Nýir fólksbílar eyða varla nema 1/3 af þessu, Skoda Octavia er held ég undir 5L/100km. Lítur dæmið ekki ágætlega út þó maður miði "bara" við t.d. 8L/100km - 800.000kr á ári?