Metanvæðing : Dæmi um 2,3 milljón króna metan fólksbíl sem gæti bætt fjárhag fjölskyldu um 2,4 til 6 milljónir á vaxtalausum lánstíma.

Þetta eru engar smá tölur – þú átt rétt á að vita þetta.

Ítalir eru margir hverjir  töffarar sem hafa ýmislegt annað við peninginn að gera en að sóa þeim í umhverfisspillandi jarðefnaeldsneyti sem kostar  100% meira en metan. Metanvæðing í samgöngum hófst á Ítalíu á síðustu öld og FIAT staðið sig vel í að svara kalli samtímans og framtíðarinnar þar í landi og eykur stöðugt framboð á bílum með  tvíbrennivél, en slíkir bílar geta bæði gengið fyrir metani og bensíni ef á þarf að halda ( hafa tvo eldsneytistanka). Dæmi um  hagfelldan og vinsælan fólksbíl frá FIAT er Grande Punto Natural Power (metan/bensín) og eru nokkur hundruð þúsund slíkir bílar á götum Evrópu í dag. Bara á Ítalíu seldust 43.000 bílar á fyrstu átta mánuðum ársins 2008. Drægi bílsins á metanbirgðum er um 310km en hann hefur einnig 45 L bensíntank þannig að unnt er að aka á bílnum um 1000 km án þess að fylla á eldsneytisbirgðir hans. Tilboðsverð  FIAT á 2009 árgerðinni hljóðar upp á 12.300 EUR eða um  2.3 milljónir króna (miðað við genið í dag ,185kr/EUR)  og FIAT býður að auki vaxtalaus lán til 6 ára.  

Hvað gætir þú sparað þér á þessum 6 árum með vali á svona eða sambærilegum bíl sem væri í boði  á þessum kjörum ?  Tökum dæmi:

 Forsendur:

• Gefum okkur að  þú akir í dag á bíl sem notar 10L af bensíni á 100 km akstri að meðaltali.
• Gefum okkur að verðmunurinn á bensíni og íslensku metani verði sá sami næstu misserin og hann er í dag. Reyndar eru öll skilaboð um að mismunurinn aukist frekar en hitt, að bensínið hækki hraðar og meira.
•  Gefum okkur að þú sért með yfirdrátt ( 14,5%) og að í hvert sinn sem þú fyllir á metantankinn lækkar yfirdráttur þinn sem nemur sparnaði þínum.
• Gefum okkur að þú akir um 20.000  km á ári.

SVARIÐ er ansi sláandi :  Á þessum sex árum batnar fjárhagur þinn um 2,5 milljónir  króna vegna mismunar á eldsneytisnotkun og eldsneytisverði.  Ef bíllinn þinn í dag eyðir meiru þá er ábati þinn auðvita meiri og öfugt.  Þetta eru engar smá tölur. Þar fyrir utan sparar þú í leiðinni þjóðarbúinu um 700.000 kr í gjaldeyri enda þarf ekki að flytja inn bensín frá Bretlandi fyrir þig. Og síðast en ekki síst, þú hefur sparað umhverfinu losun gróðurhúsalofttegunda sem nemur 27 þúsund kg af CO2-ígildi.  Þessi losunarsparnaður gæti hæglega leitt til sparnaðar í gjaldeyri sem nemur 100.000 kr til viðbótar.  JÁ, mér finnst að þú megir alveg vita þetta end hef ég ekki enn sagt neitt um þá atvinnu-og nýsköpun sem val þitt á sambærilegu ökutæki leiðir af sér og því ónefndur mikill og margþættur ábati fyrir íslenskt samfélag.

Ef bíllinn þinn í dag notar 20L/100km af bensíni þá sparar þú ekki bara kaupverð þessa bíls á sex árum, heldur hefur þú bætt fjárhagsstöðustöðu þína þar að auki um 3.8 milljónir eftir þessi 6 ár. Heildar ábatinn er að þávirði um 6.2 milljónir króna. Og gjaldeyrissparnaðurinn því 1,4  til 1,7 milljónir kr.

Þessi bíll er töffari og verður vonandi í boði hér á landi fljótlega. Þetta er bara eitt lítið dæmi um bíl í heimsþorpinu sem ég rakst á í dag og erindi á við okkur Íslendinga enda framleiðum við íslenskt metan í hæsta gæðaflokki , 98% hreinleika, sem selt er í sjálfsala hjá N1 á Bíldshöfða í Reykjavík og í Hafnarfirði gegn verði sem samsvarar 87.5kr/L miðað við jafngildi orkuinnihalds í lítra af bensíni.

Til að eiga val á sambærilegum bílum í framtíðinni þurfum við að láta frá okkur heyra og spyrja umboðin um bíla frá þeim með metan/bensínvél. Bíla sem geta bæði gengið fyrir metani og bensíni. Og láta vita að við viljum eiga val í framtíðinni þótt að við séum ekki á bílamarkaði í dag.

Annað : Átak er í gangi hér heima  til að stórauka getur og afköst við að uppfæra bensínbíla svo þeir geti einnig gengið fyrir metani.  Ég mun blogga um stöðu þeirra mála fljótlega.

Sjá: www.metan.is     Sjá: Grand Punto Natural Power: 1) http://jalopnik.com/5063622/fiat-punto-natural-power-cruises-six-hundred-miles-on-methane-and-gasoline  2) http://images.google.is/images?hl=is&lr=&q=Grande+Punto+Natural+Power&um=1&ie=UTF-8&ei=-XmVSti8BJLt-Abzk6yxBg&sa=X&oi=image_result_group&ct=title&resnum=4

PS. Fyrir þá sem lesa enska textann sem vísað er til hér að ofan er rétt að árétta eftirfarandi.  Upplýsingar um losun CO2 í textanum ( 115g/km) miðast við að metan eldsneyti sem ekið er á eigi uppruna sinn að rekja til jarðgass ( Drekasvæðið gæti skaffað það) en miðast ekki til hauggass eins og við Íslendingar  getum státað af í dag. Ef jarðgas er upprunalega afurðinn fást þær umhverfisvænu  tölur sem kynntar eru í textanum. HINS VEGAR, með notkun á íslensku metani verða þær margfallt umhverfisvænni enda þá um að ræða hartnær -NETTÓ NÚLL -losun gróðurhúsalofttegunda þar sem við Íslendingar söfnum CH4 af urðunarsvæði og forðum CH4 frá því að losna út í umhverfið. Ef CH4 sleppur út í umhverfið hefur það um 22X meiri gróðurhúsaáhrif en CO2. ERGO: Þar sem við söfnum CH4 sem er þegar í vistkerfi okkar og nýtum það sem eldsneyti til akstur erum við flottustu umhverfistöffarar sem völ er á - alveg metan magnað.

Athugasemdir

[Einar Vilhjálmsson (IP-tala skráð) 26.8.2009 kl. 22:00]

Takk fyrir þetta Kristinn. Ég hef áður rætt lítillega hinn mikla og margþætta þjóðhagslega ávinning af metanvæðingu í íslenskum samgöngum og sjálfsagt að ræða hann í betra tómi -  hinn heildrænan þjóhagfræðilegan ábata sem gjaldeyrissparnaður, atvinnu-og nýsköpun leiðir af sér í þessum málaflokki svo fátt eitt sé nefnt. Ef við gerum ráð fyrir að sameiginlegir sjóðir njóti ekki ábata af 1) atvinnu-og nýsköpun  2) og ekki ávinnings af minni losun gróðurhúsalofttegunda frá samgöngun 3) auk þess að hið opinbera meti ekki til fjár ávinnings af hreinna andrúmslofti í þéttbýli og borg 4) né aukinnar sjálfbærni og orkuöryggis 5) og að aukinn kaupmáttur einstaklinga og fyrirtækja sem nemur lækkun rekstrarkostnaðar á ekinn kílometra skili sér ekki til annarrar starfsemi með meiri ábata fyrir sameiginlega sjóði má sannarlega færa rök fyrir því að hið opinbera sé að draga úr fjársteymi til sín frá samgöngum vegna sölu á metan eldsneyti svo nemi um 22 kr/L. Næsta áratuninn, ef ekki tvo, kæmi mér ekki á óvart að niðurstaða heildrænnar samantektar, að bestu manna yfirsýni, leiddi í ljós að ástæðulaust væri að bæta þessari krónutölu við selda eldsneytiseiningu fyrir metan nema þá að markmiðið sé að auka tekjustreymi frá samgöngum til sameiginlegra sjóða frá því sem er í dag miðað við sölu jarðefnaeldsneytis.

[Ómar Ragnarsson, 26.8.2009 kl. 22:43]

Takk fyrir fræðandi pistil, minn góði ferðafélagi hringveginn á metanbíl. Ætla að vekja athygli á pistli þínum í mínu bloggi.

[Guðbrandur Jónsson (IP-tala skráð) 27.8.2009 kl. 14:49]

Hvað með eldri bíla er ekki hægt að breyta þeim þannig að þeir geti notað bæði metan og bensín

[Einar Vilhjálmsson (IP-tala skráð) 27.8.2009 kl. 15:44]

Guðbrandur - JÁ, takk fyrir þetta og endilega láttu sem flesta vita að þessum valkosti sem við eigum og ættum að eiga í sórauknum mælu sem fyrst - stórauka þarf afkastagetuna landsmanna á þessu sviði og stjórnvöld þurfa að liðka til gamlar reglugerðir  svo þetta verað að veruleika sem fyrst - þessi hagfelldi valkostur. Í bloggi mínu þann 22-ágúst sló ég þetta inn:

Er hægt að uppfæra venjulegan bensínbíl svo hann geti gengið fyrir metani lík ? JÁ. Bíllinn sem við Ómar Ragnarsson ókum í hringferð okkar var upprunalega venjulegur bensínbíll ( Ford pallbíll) . Nemendur í Borgarholtsskóla uppfærðu vélina í bílnum í samvinnu við Vélamiðstöðina þannig að ökumaðurinn getur valið hvort ekið er á metani eða bensíni . Uppfærsla á bensínbílum hefur verið viðhöfð um allan heim lengi og einsýnt að þekking og afköst munu stóraukast hér á landi á næstu misserum enda ávinningurinn mikill fyrir bíleigandann og þjóðarbúið.  TIL AÐ STÓRAUKA AFKÖST  VIÐ UPPFÆRSLU Á BENSÍNBÍLUM HÉR HEIMA ÞARF HIÐ OPINBERA AÐEINS AÐ UPPFÆRA LÖG OG REGLUGERÐIR.  

Hvað kostar uppfærsla á bensínbíl svo hann geti einnig gengið fyrir metani ?  Þetta er mjög algeng spurning þessa dagana.   Svarið liggur ekki fyrir hér á landi en ljóst miðað við áhuga verkstæða og bifvélavirkja að samkeppni á eftir að verða mikil á þessu sviði á næstu misserum.  Í Noregi þar sem verðlag er hátt kostar uppfærslan um 690.000 kr (íhlutir + vinna) miðað við gengi dagsins í dag og þá búið að viðhafa ýmsar breytingar til að koma metantanki fyrir svo lítið beri á.  Í Lettlandi þar sem launakostnaður er lægri kostar uppfærslan 100.000 – 220.000 kr  ( íhlutir og vinna). Hærri talan í Lettlandi miðast við íhluti frá Ítalíu að sögn gests frá Lettlandi sem heimsótti mig um daginn en hann lét uppfæra bílinn sinn ( Volvo)  á þessu ári.  Eftir uppfærsluna sparaði Lettinn sér 50% af fyrri eldsneytiskostnaði (bensín). Kostnaður við uppfærslu er vissulega mun minni ef metantankurinn er hafður í farangursrými án þess að viðhafa breytingar á bílnum, eins og tíðkast í lögreglubílum víða í Evrópu.

Ha, lögreglubílar ?  Rétt er að árétta að metan eldsneyti er öruggara eldsneyti en bensín í ýmsu tilliti sem hentar hraðakstursumhverfi lögreglunnar vel.  Metan eldsneyti er skaðlaust við snertingu og innöndun og  eldhætta í árekstri er mun minni vegna metans en bensíns. Metanið er það eðlislétt að það stígur hratt upp en bensínlekinn skapar þekkta hættu. Þar fyrir utan er hitastig sjálfíkveikju mun hærra  fyrir metan en bensín og dísilolíu og eykur en frekar ástæðu þess að lögreglubílar gagna fyrir metani.

[FrizziFretnagli, 27.8.2009 kl. 15:59]

Athyglisvert.  Einfaldar spurningar:

1.  hvað eyðir meðalbíll af metani per 100 km?

2.  hvað kostar lítrinn af metani nú?

[Einar Vilhjálmsson, 27.8.2009 kl. 18:36]

Takk Frizzi .

1) Bílarnir nota mis mikið af metani eftir stærð. Fólksbílar nota algengt á bilinu 4-10 Nm3  og jeppar þá 8-20Nm3. Oftast eru notkunin á fjölda Nm3 nærri þeim lítrafjölda sem ella væri notaður af bensíni. Bíllinn sem ég ek á um þessar mundir VW Caddy Life Eco Fuel notaði um 8 L/hundraði af bensíni á akstri mínum frá Akureyri í sumar. Á leiðinni til Akureyra notaði ég hins vegar um 7 Nm3/100km þannig að orkujafngildið var alveg á pari.

2) Metan er selt í einingunni normalrúmmetri ( Nm3) og kostar sú eining 98 kr/Nm3. Þessi eining er 12% orkumeiri en sem nemur orkuinnihaldi í einum lítra af 95-0ktana bensíni. Þannig er verðið á íslensku metani 87.5 kr ef miðað er við orkuinnihald í einum lítra af 95 oktana bensíni. Metan er einnig til í fljótandi formi og er mest notað í því formi á stærri ökutæki, vöruflutningabíla sem ferðast á hraðbrautum Evrópu, ferjur í Noregi og jafnvel loftför. Mest er metanið þó notað í því því hefðbundna formi sem við þekkjum hér heima. Rétt er að árétta að íslenska mtanið er í allra hæsta gæðaflokki með allt að 98% hreinleika og oktangildi eldsneytisins yfir 100.  Við Íslendingar eigum dýrmæta eign að búa yfir þekkingu og getu til að framleiða okkar umhverfisvæna og magnaða metan - þökk sé frábæru frumkvöðlaframtaki hjá starfsmönnum SORPU bs . Þekking þeirra einskorðast ekki við framleiðslu metans á Álfsnesi - gáum að því. Við getum framleitt metan úr hvaða lífræna hráefni sem er hvað svo sem við nefnum það, úrgang, lífmassa af landi eða úr sjó, tað, mýkju, orkuplöntur og svo mætti lengi telja. Við eigum val um stóraukna sjálfmærni um öflun ökutækjaseldsneytis í hæsta gæðaflokki sem veiti öllu samfélaginu mikinn ávinning og ábata.

[FrizziFretnagli, 27.8.2009 kl. 20:43]

Já þetta er gott með eldsneytið, það virðist klárt.  Allavega meðan verðið er þetta lægra en bensínverðið.  Líklegast mun síðan verð á bensíni bara hækka næstu árin.  Aðal hindrunin er bíllinn sjálfur.  Það er varla spurning að það myndi borga sig fyrir þjóðfélagið, að borga niður stofnkostnað einstaklinga við að koma sér upp slíkum bíl.  Hvort sem það væri nýr bíll, eða breytingin á venjulegum bíl, í metan bíl.  Þrátt fyrir allt, sem gengur á hérna í þjóðfélaginu, þá er hér fullt af skynsömu fólki, sem er til í að spara!  Og verða umhverfisvænna í leiðnni.

[Einar Vilhjálmsson (IP-tala skráð) 27.8.2009 kl. 21:36]

Frizzi. Takk fyrir þetta . Ég veit ekki hvað þú átt við þegar þú segir ; ,,  Aðal hindrunin er bíllinn sjálfur''. Flestir bílaframleiðendur heims framleiða bíla með metan/bensínvél. Þeir hafa hins vegar ekki verið í boði hér á landi til þessa nema í litlum mæli. Umboðin sem best hafa staðis sig til þessa eru Hekla með VW Caddy Turan og nú í haust koma þeir með VW Passat einnig. Askja hefur boðið M.Benz tvær gerðir og Sparparbílar hafa boðið á Toyota Landcruser með uppfærða vél metan/bensín. Aðrar tegundir sem til eru með metan/bensínvél eru andsi margar í heimsþorpinu. Sem dæmi má nefna ýmsar gerðir Toyota, Opel, Volvo, Mitsobishi, Citroen, Honda, Renault ofl. sjá einnig fréttaveitu  www.metan.is 

[sæmundur (IP-tala skráð) 29.8.2009 kl. 11:19]

Þá er einnig hægt að breyta vespum í metan og hafa þeir gert það með góðum árangri á Ítalíu og kostaði innan við 1 evru að aka 100 km á henni

Það er bara svo furðulegt hvað stjórnvöld eru sinnulaus gagnvart þeim möguleika sem felst í að nýta metanið.  Hversvegna í óköpunum er t.d ráðherrarnir ekki á metan bílum og þá sérstaklega Umhverfisráðherra.

Í hvert skipti sem reynt er að skapa umræðu um metanið í fjölmiðlum þá er farið að tala um vetnið , sem verður hugsanlega hægt að nýta einhverntímann í framtíðinni þegar að ódýr búnaður hefur fundist og tekist hefur að auka nýtingarhlutfallið á vetninu sem eldsneyti en í dag er það bara um 50% , hef ég heyrt .

Nú eða talað um rafmagnsbíla sem eru í mikilli framför en ég held samt í dag muni ávinningurinn af rafmagninu hverfa í endurnýjun rafgeyma