Metanvæðing Íslands : Gjaldeyrissparnaður, dæmi : STRÆTÓ getur sparað hundruð milljóna af gjaldeyri þjóðarinnar með fjölgun metanvagna.

Skoðum nokkrar tölur og lítið dæmi: STRÆTÓ bs.- EINN VAGN 

Akstur vagns á Stór-Reykjavíkursvæðinu:   Einum vagni er ekið um 315 km / dag miðað við fulla nýtingu -  eða  9500 km/mán.  Og því um  114.000 km/ári  ( nýtingahlutfall vagna minkar með árunum).  Raunhæf nýting á einum vagni nemur alls um 1.000.000 km á 12 árum.

Eldsneytisnotkun ef dísil-vagn er í notkun : Einn dísil-vagn notar um 47 lítra af dísilolíu  / 100 km – eða því um 147 lítra á dag,  um 4.400 lítra á mánuði  eða um 39.000 lítra á ári ( að meðaltali)  miðað við 470.000 lítra notkun á 12 árum.

Verð á dísilolíu í dag ( spár um þróun verðs á dísilolíu á heimsmarkaði í framtíðinni eru á einn veg – upp ). Gefum okkur að tölur á markaði haldist hlutfallsleg óbreyttar út líftíma á einum vagni (12 ár).

EF við greiðum  50 kr í gjaldeyri fyrir hvern lítra af dísilolíu sem við flytjum til landsins, sjáum við að einn vagn brennir  gjaldeyri þjóðarinnar sem nemur andvirði um tveggja milljóna króna ár ári að meðaltali ( 50kr/lítri * 39.000 lítrar = 1.950.000). Með öðrum orðum , við þurfum að ráðstafa að nafnverði um 23,4 milljónum af gjaldeyri fyrir dísilolíu til að knýja einn dísil-vagn á 12 árum.

Ef við skoðum núvirði gjaldeyrisnotkunar vegna notkunar á einum dísil- vagni og tökum tillit til reynslu af nýtingu vagna gegnum árin  og miðum ávöxtunarkröfu til núvirðingar við vexti af Icesafe-skuldbindingum þjóðarinnar – 5,55% - fáum við töluna:  18.223.267 kr  ( 18,2 milljónir í gjaldeyrisnotkun að núvirði).  Ef við miðum ávöxtunarkröfu til núvirðingar við innlánsvexti bankanna á gjaldeyrisreikningum hjá þeim ( EUR) um – 4% - fáum við töluna:  19.641.691 kr.

ERGO – ef við tökum í notkun vagn sem gengur fyrir íslensku metani í stað dísilolíu getum við sparð okkur gjaldeyrisnotkun  vegna eldsneytiskaupa að núvirði um 19 milljónir króna ( EUR=170). Og þá eigum við alveg eftir að skoða þann mikla og margþætta ábata fyrir íslenskt samfélag sem felst í umhverfislegum, rekstrarlegum og þjóðhafslegum ávinningi að öðru leiti.

• Hvaða áhrif hefur það á íslenskt atvinnulíf ef gjaldeyrir sparast með því að þjóðin framleiði metan eldsneyti  til að gegna sama hlutverki og eldsneyti sem flutt væri inn ella.
• Hvaða áhrif hefur það á veltu fjármagns í umferð  í samfélaginu ef  þjóðin framleiðir metan eldsneyti og notar það í stað besníns og dísilolíu.
• Hvaða áhrif hefur það á tekjur ríkisins ef velta eykst í samfélaginu.   

ERGO – Stóra myndin blasir við og engin furða að nú sé fylgst  vandlega með framgöngu þeirra fáu sem hafa völd og áhrif til að tryggja að  þjóðin fái að njóta þess heildræna ábata sem sjálfbærni okkar í eldsneytismálum hefur í  för með sér – frekari metanvæðing á að vera í forgangi. Ég skal ræða þessa punkta með tölum síðar.

Tölur eru táknmynd sjóðs, tölur skapa stundum gaman, tölur sýna tap og gróða og tölur halda fötum saman.  Vonandi geta tölur einnig  náð að auka samtakamátt þjóðarinnar og yfirbuga sundurlyndisfjandann.

Nú ætla ég að fá hann í Meðalfellsvatni og fara í sund á eftir  - nema þá ef samlegðarávinningur knýr mig til að synda í vatninu líka J

PS. Þökk sé stjórnvöldum  eru tveir metan-vagnar í umferð í Reykjavík í dag.

Sjá dæmi um metanvæðingu almenningssamgangna:

• Strætó Noregur:  http://www.metan.is/user/news/view/17/232
• Strætó Svíþjóð:  http://www.metan.is/user/news/view/17/231

 

Athugasemdir

[Gísli Baldvinsson (IP-tala skráð) 28.6.2009 kl. 19:28]

þú getur bætt við www.akureyri.is frítt í strætó frá 2006.

[Einar Vilhjálmsson, 28.6.2009 kl. 20:39]

Takk fyrir þetta Gísli. Það er vissulega annað reikningsdæmi og gagnlegt að skoða nettó útkomu þess að hafa almenningssamgöngur gjaldfrjálsar í ljósi heildar ávinnings þjóðarinnar. Til að svo verði gert í auknum mæli á ýmsum sviðum þurfa hinar ýmsu rekstrareiningar að skoða starfsemi sína út frá heildrænum ávinningi og stjórnvöld að gera meira og minna af ýmsu í ljósi heildræns ábata þjóðarbúsins og kostnaðar í gjaldeyri. Sérstaklega þar sem ábatinn er skjótfenginn. Komandi misseri kalla á að þessi nálgun við ákvarðanatöku hafi forgang.

[Sigurður M Grétarsson, 29.6.2009 kl. 10:01]

Ég sá fyrir nokkru viðtal við forstóra Strætó bs þar, sem meðal annar var komið inn á þetta. Þar sagði hann að til að fylla nægu metan á vagnin til að það dygði allan daginn þá tæki sú áfylling alla nóttina. Ef fylla ætti á vagnin á skömmum tíma þyrfti að gera það undir þrýstingi og þá kæmist mun minna á vagnin og það dygði ekki allan daginn. Hann sagði að ef lögð yrði leiðsla frá urðunarstað Sorpu á Álfsnesi þar, sem metanframleiðslan færi fram, að plani Strætó bs, sem er einhvers staðar uppi á höfða, þá væri lítið mál fyrir Strætó bs að láta alla endurnýjun vanganna vera þannig að einungis yrðu keyptur metanvangnar í stað þeirra, sem teknir væru úr umferð.

Hann sagði að slík leiðsla myndi kosta um 250 milljónir kr. Ég geri ráð fyrir að hún væri fljót að borga sig upp enda eru það að mestu sömu aðilar, sem eiga Sorpu bs. og Strætó bs.

Ég hef hins vegar velt fyrir mér annarri leið til að byrja með meðan þessi leiðsla er ekki komin og metanvagnarnir tiltölulega fáir. Hún snýst um að vera með annað plan fyrir strætisvagna uppi í Álfsnesi þar, sem fyllt væri á metanvagnana. Þá færu þeir bílstjórar, sem ækju metanvögnunum seinast á kvöldin með þá upp í Álfsnes og einn með þeim á öðrum vagni til að aka þeim til baka. Síðan væri þeim bílstjórum, sem ættu að byrja akstur morgunin eftir á metanvögnunum ekið upp í Álfsnes til að sækja vagnana. Þetta kostar sennilega minna en nemur fjármagnskostnaði af því að leggja leiðsluna meðan metanvagnarnir eru fáir en þegar fjöldi þeirra fer yfir ákveðið mark verður orðið hagkvæmara að leggja leiðsluna.

Þetta mál snýst því einfaldlega um að taka þá pólitísku ákvörðun um að fara þessa leið. Reyndar er ekki eins og það fari engin gjaldeyrir í að nota metanvegna eins og reikningsdæmi þitt gengur út á því bæði eru metanvagnarnir dýrarai en díselvagnarnir og þeir eru innflutt vara og einnig þarf væntanlega einhverjar innfluttar vörur í að byggja og reka áfyllingastöðvar og síðar að leggja leiðsluna. Hins vegar er sá erlendi kostnaður aðeins brot af þeim erlenda kostnaði, sem sparast vegna minni olíukaupa. Einnig skapast einhver vinna við að sjá um þetta.

[Einar Vilhjálmsson, 29.6.2009 kl. 14:43]

 

Takk fyrir innlegg þitt Sigurður – þú leitar mikilvægra upplýsing í innleggi þínu við síðasta blogg mitt sem erindi á við sem flesta og því birti ég svar mitt einnig í nýju bloggi.

 

STRÆTÓ – 15 mínútur að fylla á Strætó í dag hjá N1 á Bíldshöfða, um 2 mínútur fyrir fólksbíl Upplýsingarnar sem þú ert að fjalla um eru barn síns tíma að hluta. Í dag er afgreiðslustöð í hæsta gæðaflokki  fyrir  metan hjá N1 að Bíldshöfða og eldsneytið flutt þangað um leiðslu frá verksmiðjunni  á  Álfsnesi . Hjá N1 á Bíldshöfða eru sjálfsala fyrir metan fyrir fólksbíla og stærri bíla einnig.  Strætó er með  tvo metanvagna í notkun í dag og það tekur um 15 mínútur að fylla á einn vagn svo hann endist fulla dagsnotkun (um 300-330 km).  Þess má geta að það tekur mig einungis um 20sek lengri tíma að fylla á metanbílinn en það tekur að fylla bensínbíl  sömu gerðar .

 

AFGREIÐSLUSTÖР á þjónustusvæði STRÆTÓ á Hesthálsi 14 er hins vegar mjög  æskilegt og hagfelld framkvæmd sem verið er að vinna að.  Í dag þarf aðeins að leggja dreifilögn frá Bíldshöfða að Hesthálsi og koma upp afgreiðslustöð þar.  Sú stöð gæti þá væntanlega líka þjónustað öll önnur stærri ökutæki  sem fyrirsjáanlega munu ganga fyrir metani í framtíðinni.

 

Í síðasta bloggi mínu er ég að varpa ljósi á viðvarandi gjaldeyrissparnað vegna eldsneytiskostnaðar ef metanvagn er tekinn í umferð og ekki að forðast að skoða rekstrarlega útkomu á honum að öðru leiti. Tel rétt að gera það sér.  Vagnar kalla á gjaldeyrisnotkun óháð eldsneytisnotkun og miklar breytinga átt sér stað hvað varðar framboð og hagræði í framleiðslu á metanvögnum enda er heimsbyggðin að taka við sé í stórum stíl og metanvæða flota sinn.   Á sínum tíma skilst mér að  metan-vagnagn hafi kostað um 50.000 EUR meira ( 8,5 milljónir ef EUR=170) en díselvagn  sem er ekki há upphæð að teknu tilliti til heildar ávinnings samfélagsins. Og í raun furðu lítill munum á tíma þegar samkeppni og hagræðing var minni.

 

Sem dæmi ávinning óháð daglegum rekstri STRÆTÓ mætti nefna að nettó sparnaður í losun gróðurhúsalofttegunda sem næst með því að skipta út einum dísilvagni fyrir vagn sem gengur fyrir íslensku metani er umtalsverður . Og það sem meira er, losun gróðurhúsalofttegunda kostar mikla fjármuni, eða með öðrum orðum, heimild til að fá að losa gróðurhúsalofttegundir kostar mikla fjármuni og eru losunarheimildir seldar á markaði. Þessi ávinningur á bara eftir að aukast í framtíðinni.  Í dag er verð á losunarheimildum í lágmarki á heimsmarkaði vegna kreppunnar eða um 16 EUR fyrir hvert Tkg af CO2 ígildi. Framtíðarverð upp á 60-70 EUR/Tkg er hins vegar víða áætlað sem líklegt.  MEÐ einum metanvagni í Reykjavík sparast losun gróðurhúsalofttegunda (inneign) sem nemur  1245 Tkg af CO2 ígildi. Ef losunarverð á markaði er 66 EUR  er verðgildi sparnað fyrir einn vagn 8,7 milljónir kr (miðað við EUR=170). Miðað við verðið 16 EUR fæst talan  2.1 milljón kr. ( Hér er miðað við sama akstur og eldsneytisnotkun og í síðasta bloggi mínu).

 

Hvað varðar rekstur  STRÆTÓ einvörðungu  þurfum við vissulega að skoða ýmsa  hluti og sjálfsagt að gera það fljótlega – kaupverð vagna, eldsneytiskostnað, varahluti, viðgerðarþjónustu, endingu, söluverð eldri vagna og eða förgunarkostnað. Þeim samanburði kvíði ég ekki (enda kynnt mér) og þar fyrir utan blasir við að heildrænn ávinningur samfélagsins er það mikill við að fjölga metanvögnum og fækka dísilvögnum  að ríkið ætti að sjálfsögðu að gera sitt til að hraða atburðarrásinni.

Minni á að hér er þjóðhagslegur ávinningur ekki ræddur - íslensk framleiðsla, atvinusköpun, minni útgjöld Vinnumálastofnunar, veltuaukning í samfélaginu, stærri tekjustofnar fyrir ríki og sveitarfélög, hreinna loft, heilsufarslegur ávinningur ......

Við meigum ekki láta sundurlyndisfjandann sundra kröftum okkar og getu til góðra verka og allra síst þjóðþrifaverkefna  - stóraukin metanvæðing lítur að sjálfstæði þjóðarinnar.