Metanvæðing Íslands - spurning um sjálfstæði þjóðarinnar . Magnað samtal sem Egill Helgason átti við Jóhannes Björn í Silfri Egils sunnudaginn 17. maí.

Í þættinum lætur Jóhannes Björn falla stór orð og segir meðal annars:   Annað hvort verðum við meðal þjóða sem nýtir orkuna ekki rétt eða við tökum okkur til núna og setjum allan bíla-og bátaflota okkar á innlenda orku og verðum sjálfbær þjóð. Þetta verður að gerast. Það verða bara til tvö ríki í heiminum. Þau sem eiga orku og þau sem eiga hana ekki. Ef okkur tekst þetta ekki er þjóðin hreinlega glötuð. Þjóðin verður að fara á innlenda orku, þetta snýst um sjálfstæði þjóðarinnar. 

Jóhannes Björn  er  í úrvalsdeild sinnar fræða og höfundur bókarinnar Falið vald.

Sjá viðtal í lok þáttarins: http://dagskra.ruv.is/sjonvarpid/4464814/2009/05/17/

Annar fallegur dagur í dag , takk fyrir það.

Athugasemdir

[Haraldur Hansson, 20.5.2009 kl. 15:54]

Já það var magnað að hlusta á Jóhannes. Hann hefur líka skrifað um þetta á vefsíðu sinni vald.org. Spurning hvort menn taki þetta nógu alvarlega.

Það er enginn óskeikull spámaður í þessum efnum en væri vítavert gáleysi að skoða málið ekki ofan í kjölinn áður en fleiri álver verða reist. Setti inn smá færslu um þetta ásamt vangaveltum um lagalegt umhverfi orkumála á komandi árum. Það mun breytast ef Ísland gengur í Evrópusambandið, en sú umræða er full eldfim þessa dagana. 

[Sigurður Jóhann (IP-tala skráð) 20.5.2009 kl. 17:07]

Það eru margir athyglisverðir punktar hjá karlinum. Fannst þetta líka einstaklega jákvæð bjartsýnisfrétt. Vona bara að við náum að koma okkur upp svona sjálfstæðu kerfi áður en e-r arðræningja stuttbuxna tittir stela því líka af okkur. 

http://www.mbl.is/mm/frettir/innlent/2009/05/20/repja_framtidareldsneyti_fiskiskipaflotans/