Metanvæðing Evrópu- UK: Iveco stóreykur framleiðslu sína á Daily metanbílum í kjölfar breskrar rannsóknar sem leiddi í ljóst 62% minni losun á CO2 í samanburði við Daily dísilbíl.

Það skemmtilega við forsendur þessarar góðu fréttar,hér að neðan, er að þær eru allar til staðar á Íslandi nema þá helst mannlega hugarfarið sem mótar ákvarðanir Íslendinga um val á eldsneyti. Við framleiðum metan í hæsta gæðaflokki  í dag úr hauggasi frá Álfsnesi, getum nálgast það í glæsilegri afgreiðslustöð hjá N1 að Bíldshöfða og einnig í Hafnarfirði. Og verðið á metan er 40% lægra en verð á 95 oktana bensíni og næstum  50% lægra en verð á dísilolíu. Það sem við Íslendingar kurfum að gera meira af er að reikna og bregðast við á hagfelldasta hátt.  Hér erum við að tala um þrennskonar hagsmuni fyrst og fremst, rekstrarfræðilega,  umhverfislega  og þjóðhagfræðilega. Það skemmtilega vill til að með vali á metan eldsneyti, í stað bensíns og díselolíu,  og þar með ökutæki sem nýtt getur metan, erum við að uppfylla öll gildin, lækka kostnað okkar, bæta andrúmsloftið og spara dýrmætan gjaldeyri þjóðarinnar.

Sex mánaða rannsókn á Ivaco Daily metan  umhirðubil í rekstri hjá  Camden Council (UK) leiddi í ljós að metanbíllinn notaði að meðaltali 24,6 kg/100km af fljótandi metani samanborði við 31,4 lítra/100km af díselolíu á sex mánaða tímabili sem spannaði 7040 km akstur í báðum tilfellum.  Útblástur metanbílsins nam alls 2771 kg af CO2 samanborði við 7295 kg frá dísilbílnum og því um að ræða 62% sparnað á losun CO2 með notkun metanbilsins. Með öðrum orðum, metanbíllinn getur sinnt  sömu þjónustu í 15 mánuði  án þess að losa meira CO2 út í andrúmsloftið en dísilbílinn gerir á 6 mánuðum eða veitt  2,62 sinnum meiri þjónustu miðað við sömu losun á koldíoxíði, CO2 .

Eldsneyti metanbílsins í rannsókninni  kom frá Gasrec  (UK), fyrstu metanverksmiðju Breta  sem framleiðir metan í vökvaformi unnu eru úr lífrænum úrgangi ( Biomethan).  Talsmaður Ivaco, Martin Flach, staðfestir að niðurstaðan hafi leitt til stóraukningar á framleiðslu á metanbílnum enda ljóst að umhverfislegur ávinningur er gríðarlega mikill (62%) og ljóst að fljótandi metan er sérlega heppilegt hágæða eldsneyti.  ,, Á meginlandi Evrópu er dreifikerfi  fyrir metan eldsneyti í gasformi mun útbreiddara en í Bretlandi en þessi rannsókn á metani í vökvaformi gerir okkur kleift að selja Iveco Daily LB-Metan til fyrirtækja um allt land (UK)“ .  Þar fyrir utan  leiddi rannsóknin  í ljós að eldsneytiskostnaður metanbílsins var 30% lægri en dísilbílsins

Talsmaður Gasrec , Richard Lilleystone, bendir á að metanið sé unnið úr hauggasi  sem safnað er á   urðunarstað í Algury, Surrey, og því ekki um jarðgas að ræða. ,,Eldsneytið er unnið úr lífrænum úrgangi sem til fellur í samfélaginu og er sérstaklega hentugt til notkunar sem bifreiðaeldsneyti í þéttbýli. Við erum sérstaklega ánægð með ávinninginn í loftslagsmálum með notkun á metani í stað dísilolíu. Öll sveitfélög munu fagna lækkun á sóti í andrúmslofti um 90%, 60% minnkun á köfnunarefnisoxíði (NOx), 50% minnkun af  súlfat tvíoxíði  (SO2) og jafnvel 30% minni hávaðamengun.  Fyrirtæki  og stjórnvöld eigna nú þegar raunverulegt  val um eldsneyti  á bílaflota sinn og sérstaklega  þar sem um er að ræða fastar áætlanaferðir frá stöð til stöðvar. ´´

  Metan í fljótandi formi stenst allan samanburð einstaklega vel , verð og ávinning í umhverfismálum, og það má nýta í stað metangass með skilvirkum hætti. Fljótandi metan inniheldu jafnframt lægra kolefnahlutfall  en allar aðrar tegundir eldsneyti sem nýttar eru til að knýja stærri bíla .  Úr einu tonni af metanvökva sem samsvarar 1200 lítrum af díselolíu má knýja  44 tonna ökutæki í þungaflutningum  í eina viku.  

Ivaco Daily metanbílarnir eru framleiddir  í verksmiðjum fyrirtækisins í Suzzer á Ítalíu  og framleiðsluferli  þeirra  og allt gæðaeftirlit hið saman og fyrir hefðbundna dísilbíla.  Í Bretlandi eru í boði  28 tegundir (gerðir)  af  Daily-metan ökutækjum, frá 3,5 til 6,5 tonna öxulþunga, með mismunandi útfærslum og hjólabúnaði . Í öllum bílunum er 3L vél sem skaða getur 136 hö á 2730 til 3500 snúningum og allt að 350 Nm snúningsvægi (tog) milli 1500 og 2730 snúninga/mínútu.  Vélin er hönnuð til að ganga eingöngu fyrir metani  og framleiðsluferlið lýtur sömu  gæðakröfur og gilda fyrir hefðbundna dísilvél. Eldsneytisbirgðir duga til 380 km aksturs.

Frá árinu 1999 hefur Ivaco selt yfir 4000 Daily metanbíla, flutningabíla og minni sendibíla, á meginlandi  Evrópu sem undirstrikar umtalsverða fjárfestingu fyrirtækisins í því skini að skapa raunverulegan og hagfelldan valkost andspænis hefðbundnum atvinnubifreiðum sem ganga fyrir  dísilolíu.  Iveco Daily metanbílum  mun fjölga hratt í Bretlandi á næstu misserum.

Íslendingar fara senn að vakan - það er töff að vera hagfelldur og samfélagslega ábirgur í senn

Sjá frétt: http://www.ngvglobal.com/en/market-developments/uk-six-month-trial-of-iveco-daily-provides-positive-stats-02444.html 

Athugasemdir

[Sveinn Ólafsson (IP-tala skráð) 6.5.2009 kl. 20:42]

Geturðu sýnt samanburð í tveimur sambærilegum einingum þ.e. kg/100km fyrir metan og dísil og svo l/100km fyir metan og dísil. Eins og textinn birtist þá ertu að flakka milli eininga í samanburði. Metanbíllin þarf mun fleiri lítra til að komast jafnlangt og dísilbíllinn eins og búast má við eingöngu útfrá orkuinnihaldi/líter.

kv. Sveinn

[Sigurður Grétar Guðmundsson, 6.5.2009 kl. 21:37]

Einar, það yrði stórslys ef við hérlendis færum að veðja á metan, vetni eða aðrar gastegundir sem framtíðareldsneyti á bíla hérlendis. Okkar framtíðar orka er rafmagn, rafmagn og ekkert annað en rafmagn. Af því munum við eiga nóg um ókomna framtíð og ekkert dreifikerfi (eins og yrði að gera fyrir metan) þarf að byggja upp. Það er allsstaðar hægt að komast í rafmagn hvar og hvenær sem er.

Ég er algjörlega sammála því að við eigum sem allra fyrst að hætta að nota olíu sem eldsneyti. Ekki vegna hinnar lífsnauðsynlegu lofttegundar koltvísýringur CO2, það gas mætti aukast til muna til að tryggja vöxt gróðurs á jörðinni og hefur nær engin áhrif á loftslagið til hlýnunar. Ég við hætta að brenna olíu því hún er allt of dýrmæt til annarra nota, margskonar efnaiðnaðar. Þess vegna höfum við sem skríðum á jörðinni í dag engan rétt til að eyða olíubirgðum heimsins sem falin eru í jörðu og ræna afkomendur okkar þessari dýrmætu auðlind. 

[Einar Vilhjálmsson, 7.5.2009 kl. 03:26]

Takk fyrir góð innlegg.

Sveinn: Tölurnar í textanum eru allar úr greininni sem ég vita til á ensku. Ég skal skoða áreiðanleika greinarinnar og greina frá hér siðar. Hvað varðar orkujafngildi þegar metangas er borið saman við 95 oktana bensín þá eru hlutföllin ein eining af metangasi á móti 1,12 L af bensíni. Metangas er mælt í normalrúmmetrun (Nm3) og orkujafngildi þessa magns í 95 oktana bensíni er 1,12 lítrar. Í greininni kemur fram að hlutfallið á notkun metanvökva og dísilolíu var 1 kg metanvökvi á móti 1,2 lítrum af dísilolíu. Í rannsókninni var vissulega um að ræða bíla sem fóru sömu áætlunarleið og sinntu sömu þjónustu. Ég skal skoða orkujafngildið, alþjóðlega viðurkennt hlutfall og forsendur þess. Fram kom í greininni að eldsneytiskostnaður reyndist 30% lægri í Bretlandi.

Sigurður: 1000 þakkir fyrir að ljá máls á skrifum mínum. Aðgengi að rafmagni er gott, mikið rétt og ljóst að rafmagnsbílar munu verða í boði á heimsmarkaði í auknum mæli og hér einnig. Það breytir þó ekki heildrænum ávinningi fyrir íslenska þjóð að nýtta í stórauknum mæli íslenskt metan fyrir bílaflotan og skipaflotan þess vegna einnig. Leiðin úr bensíni og dísilolíu liggur um metan með skilvirkum hætti fyrir okkur Íslendinga og ljóst að rafmagn/metanbíll mun verða í boði víða í framtíðinni og gæti verið hagfelld lausn. Þó er ærin ástæða til að ætla að heildar kostnaður við rafmagnsbílinn á ekinn km verði óhagfelldari en fyrir metanbílinn.

Verð á rafmagnsbílum á mjög líklega eftir að hækka hlutfallslega meira en annarra bíla þegar umhverfiskostnaður framleiðslu og förgunar endurspeglast að fullu í bílverði. Rekstrarlega þarf að horfa til viðhaldskostnaðar, einokunar á íhlutum, samkeppni í viðgerðarþjónustu og ávinnings þess að umskiptin úr bensíni og dísilolíu gangi hratt fyrir sig. Umhverfisávinningurinn heildrænt séð er metanvæðingu í vil í samanburði við rafmagnsbílinn.

Ekki má gleyma því að við erum að tala um metanframleiðslu úr lífrænum úrgangi sem samfélagið þarf að kosta miklu til við að meðhöndla hvort sem er. Einnig, að ræktunarmöguleikar opnast með sjálfbærum hætti á auðnum landsins ef við nýtum metan sem ríkjandi eldsneyti á bíla og skipaflotan í framtíðinni.

Hvað varðar dreifikerfi þá hefur metan í vökvaformi opnað nýja möguleika strax í Bretlandi eins og fram kemur í greininni að ofan og í frumtextanum sem ég vísa til. Þessa umræðu skulum ekki taka í þeim skilningi að um sé að ræða allt eða ekkert. Miklu fremur að nota orðið ,metanvæðing, til að vísa til hagfelldra og aðgerðarhæfra skrefa sem við ættum að stíga í auknum mæli og hafa þrefaldan ávinning að leiðarljósi. Heildrænan rekstrarkostnað fyrir notandann, umhverfislegan ávinning, þjóðhagslegan ávinning næstu 20 árin. Við framleiðum metan í dag og heimurinn er að fara út í metan í stórauknum mæli. Flestir bifreiðaframleiðendur í heiminum bjóða bíla sína með vél sem nýtt getur metan. Bensínbílum má breyta þannig að þeir geti nýtt metan líka og stutt í að díselbílum megi breyta einnig.

Ef við förum að bíða eftir að heimurinn skammti okkur ásættanlega bíla á hagfelldu verði miðað við eiginleika og gæði af öllum gerðum og tegundum þá er næsta víst að við glötum gjaldeyri fyrir eldsneyti langt inn í þessa öld og endum með að flytja inn metan frá öðrum þjóðum.

[Siggi (IP-tala skráð) 7.5.2009 kl. 14:49]

MBA-fjármál HR 2006 , BBA-alþjóðamarkaðsfræði UT Austin 1991, BS Zoology UT Austin 1985

Ég er nú bara bifvélavirki þannig að þekking mín er takmörkuð, en ég skal reyna

"Bensínbílum má breyta þannig að þeir geti nýtt metan líka og stutt í að díselbílum megi breyta einnig."

Kjaftæði,   þetta er hægt með bensínbíla en ekki diesel.  reyndar er þetta svo útí hött mér finnst það bara fyndið

svo má náttúrulega ekki gleyma biodiesel.  skrítið að þú minnist ekkert á það fyrst þú ert að tala um að spara gjaldeyri.  en þetta er hægt að gera STRAX

átt þú einhverja beina hagsmuni af því að vera að predika um metan eða hvað.  (15 færslur)

linkurinn frá þér

http://www.ngvglobal.com/en/market-developments/uk-six-month-trial-of-iveco-daily-provides-positive-stats-02444.html

IANGV = international association for natural gas vehicles

ekki allveg hlutlausir eða hvað

Einar minn,  opnaðu glugga

[Einar Vilhjálmsson, 7.5.2009 kl. 18:03]

Takk fyrir þetta Sigurður.  Án þess að tíunda mikið hér er rétt að við miða umræðuna við það sem er aðgerðarhæft og til bóta fyrir okkur sem neytendur og samfélag.

 

Við Íslendingar erum búnir að hreinsa metan úr hauggasi frá árinu 2000 og framleiðum í dag bifreiðaeldsneyti í allra hæsta gæðaflokki. Fyrirtækið sem framleiðir bifreiðaeldsneytið er í eigu okkar allra á stór-Reykjavíkursvæðinu og heitir SOPRA bs. Á  landsbyggðinni er hægt að framleiða metan einnig og þá sú framleiðsla í eigu þeirra sem svo gera.  Metan er í dag afgreitt á stór-Rvk svæðinu hjá N1 að Bíldshöfða og í Hafnarfirði og allt opið fyrir önnur fyrirtæki í eldsneytissölu að bjóða upp á metan. Það mun gerast þegar við Íslendingar vöknum og áttum okkur á því sem við getum gert sjálfir okkur til góðs í eldsneytismálum. Tækifæri okkar Íslendinga er sem sé öllum opið og aðgerðarhæf strax í dag. Eftir hverju erum við að bíða?

 

Ýmsir spennandi og umhverfisvænir valkostir í eldsneytismálum eru í vinnslu í heiminum og ljóst að það mun verða breytilegt hvaða eldsneyti verður ríkjandi á hverju landsvæði fyrir sig. Ljóst þó að ýmsar lausnir verða í boði áður en að valkostum fækkar. Ávinningur okkar Íslendinga er mikill að geta orðið sjálfbæri um öflun eldsneytis í framtíðinni og sparað okkur gjaldeyrisútstreymi þjóðarinnar fyrir bensín og dísilolíu. Við Íslendingar framleiðum metan og getum stóraukið framleiðsluna og metanbílar eru í boði hjá flestum bílaframleiðendum heims.  Verð á 95 oktana bensíni er 70% dýrara en metan í dag og hefur verið það á heimsmarkaði einnig. Við spörum okkur sem sé um 40% í eldsneyti þegar við nýtum  íslenskt metan í stað bensíns.

 

Aðeins um að breyta bensínbílum þannig að þeir geti nýtt metan. Þetta hefur verið gert í yfir 10 ára í heiminum og einnig hér á landi. Bendi þér á að ræða við Vélamiðstöðina varðandi frekari upplýsingar um þessi mál. Hér á landi þurfum við að gera ýmsar reglubreytingar til að þetta verið hagfellt fyrir alla en aðal atriðið er að þetta er mögulegt ef við veljum sem þjóða gera það. Varðandi breytingar á dísilbílum þá er eitthvað í land að þetta sé framkvæmanlegt  og hér vísa ég aftur til Vélasmiðjunnar. Möguleikinn til að breyta bílum er þó bara stór bónus. Flestir bílaframleiðendur í heiminum framleiða bíla með vél sem getur nýtt metan eldsneyti í dag.

 

Frá umhverfislegur sjónarmiði eru ýmsir valkostir mögulegir s.s. lífdísil, etanól, vetni og rafmagn og allt gott um þessa þróun að ræða. Stórfelld aukning á framleiðslu og notkun á metani blasir , hins vegar, við okkur Íslendingum að nýta og magnað að við skulum ekki almennt séð vita meira um okkar gullna tækifæri. Ég er ekkert að þreyta þig með frekari umræðu um heildrænan ávinning af metanvæðingu bílaflotans en við getum einnig nýtt metan á skipaflotan. Samanlagt er þjóðin að senda frá sér  um 40 milljarða af gjaldeyri á ári fyrir eldsneyti.

 

Varðandi stefnu í eldsneytismálum og gerðir bíla í boði er mjög mikilvægt að skoða hvort hægt sé að tryggja heilbrigða samkeppni um alla þjónustu við bíla framtíðarinnar. Það er mjög mikilvægt að dugnaðarforkar eins og þú sem hug hafa á að starfa sjálfstætt getir haft aðgang að varahlutum og búnaði til að þjóna bílum í framtíðinni. Metbíllinn kemur hér sterkur inn samanborði við rafmagnsbílinn.

 

Hvað mig varðar þá vissi ég ekki mikið um þessi mál fyrr en ég hlýddi á fyrirlestur á Háskólatorginu í HÍ í mars 2009 þar sem Björn H. Halldórsson kynnti starfsemi SORPU bs og framleiðslu á metani.  Ég  varð  einfaldlega gáttaður á sjálfum mér og þjóð minni, að hafa ekki látið sig meira varða um þessi mál. Stórfelld aukning í notkun á íslensku metani er  þjóðþrifamáli sem kemur okkur öllum vel. Velkominn í hópinn við að kynna  þetta þjóðþrifamál fyrir þjóðinni.Sjá  www.metan.is