Metanvæðing USA : T. Boone Pickens leiðir vagninn - “ I’ve been an oilman my whole life, but this is one ...

Olíu og fjármálamaðurinn, T. Boone Pickens, hefur ávallt farið sínar eigin leiðir í lífinu og  ósjaldan ótroðnar slóðir. Vítt og breitt um Bandaríkin hefur hann um árabil barist fyrir stefnumörkun um aukna sjálfbærni í eldsneytismálum og mikilvægi þess að innleiða umhverfisvænt bifreiðaeldsneyti. Fræg eru orð hans um mikilvægi þess að stjórnvöld í Bandaríkjunum móti stefnu í eldsneytismálum, setji sér markmið og uppfylli þau -  ,,kjáni með áætlun er betur settur en snillingur með enga, en við lítum út eins og kjáni með enga áætlun „   “A fool with a plan is better than a genius with no plan, and we look like fools without a plan.“ 

Pickens  hefur verið óþreytandi við að brýna  fyrir löndum sínum þá brennandi þörf að bregðast við stöðugu útstreymi fjármagns úr landi fyrir eldsneyti , mikilvægi þess að vera sjálfbær um öflun eldsneytis og kall nútímans og framtíðarinnar eftir umerfisvænu eldsneyti.  Á sama tíma og hann var yfirmaður Mesa  Petroleum  var hann mikill talsmaður þess að metan yrði eldsneytis fratíðarinnar fyrir bílaflotan.  Ekki voru allir sáttir við sýn hans og sannfæringu innan olíugeirans.  Eftir að hann hætti störfum hjá Mesa  Petroleum  varð honum ljóst að eigendur og nýir stjórnendur áformuðu að draga  verulega úr fjárfestingum  fyrirtækisins  á  sviði metanvæðingar.  Viðbrögð hans voru afdráttarlaus, hann keypti  fyrirtæki  árið 1997 og stofnaði Pickens Fuel Corp.        

 Fyrirtækið  var endurskrá undir nafninu Clean Energy árið 2001 og sett á markað 2007 . Í dag er Clean Energy stærsta fyrirtæki Bandaríkjanna í dreifingu og sölu á metan eldsneyti og þjónar breiðum neytendahópi – fólksbílar, sendibílar, leigubílar, flutningabílar, farartæki á flugvöllum og svo mætti lengi telja. Notkun á metani eykst stöðugt,  afgreiðslustöðum fjölgar hratt og framboð bifreiðaframleiðenda á bílum sem ganga fyrir metani hefur margfaldast á stuttum tíma. Pickens hafði áætlun og fyrir honum var metanvæðingin bílaflotans hin rétta framtíðarsýn og rökin borðleggjandi eða þessi:

• Metan er innlent eldsneyti sem eykur sjálfbærni landsins
• Metan er umhverfisvænt eldsneyti sem losar allt að 95% minna af gróðurhúsalofttegundum út í andrúmsloftið.
• Metan er ódýrar en bensín, dísilolía og vetni
• Metan er skaðlaust fyrir manninn og eðlisléttara en andrúmsloftið
• Metan hefur mun hærra sjálfíkveikjuhitastig en bensín og dísilolía sem lækkar enn frekar hættu á slysum vegna eldsvoða.

 Já, Pickens hafði ,,PLAN´´ og það gekk upp.   

  Við Íslendingar gerðum einnig áætlun um metanframleiðslu fyrir tíu árum og hún gekk upp  hjá SORPU bs. - frábært framtak.  Í dag framleiðum við Íslendingar metan bifreiðaeldsneyti í hæsta gæðaflokki og það er til sölu hjá N1 að  Bíldshöfða og kostar meira en 40% minna en 95 oktana bensín. Í dag eru 130 bílar á götum landsins sem nýtt geta okkar frábæra íslenska og umhverfisvæna eldsneyti . Við getum gert mun betur, eldsneytið er til.  Hvað er að vorri þjóð? Erum við kannski  þessir snillingar  með  ekkert ,, plan“ sem Pickens ræðir  um ?  Eða er það lömun útlistingarinnar  (Paralysis from analysis) sem við þurfum að komast yfir sem þjóð? Spyr sá sem ekki veit. 

 Ég er þó viss um að við komum til með að eignast áætlun fljótlega um stórfelda aukningu á notkun á íslensku metani, íslensku bifreiðaeldsneyti og að hún fari í framkvæmd. Ávinningur þjóðarinnar er það gríðarlegur.

Sjá grein um T. Boone Pickems : http://www.boonepickens.com/helping/default.asp

Sjá  einnig: www.metan.is

Athugasemdir

[Sturla Snorrason, 29.4.2009 kl. 20:58]

Ég verð að seiga að það er furðulegt að borgin skuli ekki vera komin með allan bílaflotan á metan eða þá leigubílarnir sem keyra margfalt á við venjulegan bíla.

[jon eggert (IP-tala skráð) 30.4.2009 kl. 03:31]

rafmagn er mér hugleykið sérstaklega fyrir íslendinga því að rafmagnið er svo ódýrt. ég er í því að kaupa mér rafbíl þessa dagana hér í Miami flórída. Rafmagnið er dýrara hér en á íslandi en íheildina verður reksturinn ódýrari. Vandinn við bíla með öðru eldsneyti en oliu er viðhald. Hvert ferðu með bílinn í viðgerð ef hann bilar? Kunnáttan til að gera við slíka bíla er af skornum skammti bæði hér í usa og líklega á íslandi líka.

[Einar Vilhjálmsson (IP-tala skráð) 30.4.2009 kl. 13:38]

Heill og sæll Jón - Til hamingju með nýja bílinn . Með metanbíl og/eða rafmagnsbíl er þú að velja með samfélagslega ábirgum hætti. Ljóst er að báðir þessir orkugjafar eru komnir til að vera og munu í stórauknum mæli knýja bílaflota heimsins. Ljóst er að mismunandi orkugjafar verða í boði í flestum löndum og mismunandi eftir markaðssvæðum hver verður ríkjandi á hverju svæði fyrir sig. Í þeim efnum mun hinn heildræni ávinningur samfélagsins vonandi ráða mestu hvernig til tekst í hverju landi fyrir sig. Í mínum huga er ekki spurning að Íslendingar eiga að stórauka nýtingu á íslensku metani- að metanvæðing Íslands sé farsælasta og hagfelldast leiðin í eldsneytismálum sem íslenska þjóð. Ég er vís með að blogga fljótlega um heildrænu myndina eins og hún blasir við mér. Báðir kostirnir , metan og rafmagn, munu verða mjög útbreiddir í heiminum og ekki spurningin um annan eingöngu, heldur hvar hvor er hagfelldastur heildrænt séð. Þú nefnir varahlutaþjónustu og viðgerðakostnað á  rafmagnsbílum sem áhyggjuefni. Neytendur vilja samkeppni um íhluti og viðgerðarþjónustu og þar fæ ég ekki betur séð en að metanbíllinn tryggi mun hagfelldara umhverfi og lægri rekstrarkostnað í framtíðinni.Kaupverð og rekstrarkostnaður er mjög hagfelldur á metanbílum hlutfallslega séð og öll ástæða til að ætla að sá ávinningur munu aukast í næstu framtíð. Það er ærin ástæða til að ætla að auðveldara verður að fá  viðgerðarþjónustu fyrir metanbílinn enda er vél sem gengur fyrir metani í að upplagi sú sama og bensínvélin og  stjórn-og öryggisbúnaður metbílsins að öðru leiti hinn sami.  Rafmagnslausnir eru að fara í ýmsar áttir og líklegt að framleiðendur og umboðsmenn þeirra mun sitja einir að varahlutum og þjónustu við þá bíla lengi. Verð á bílum mun í næstu framtíð miðast í auknum mæli við heildar umhverfislegan kostnað við framleiðslu og förgun bíla og reglugerðir í þá veru þegar í gildi,  í vinnslu eða að taka gildi. Allt stefnir í að rafmagnsbílarnir komi ekki best út úr slíkum samanburði og munu því hækka í verði hlutfallslega meira- batteríin eru ekki beint grænir íhlutir. Ending þeirra og verða er annað áhyggjuefni í stóru myndinni, svo ekki sé talað um einokandi stöðu fárra landa sem framleitt geta liþíum í heiminum. Ástæða þess að Svíar til að mynda eru að metanvæða sinn flota hefur með heildarmyndina að gera. Hér vegur þungt áherslan á sjálfbærni, mikill ávinningur að geta nýtt lífrænan úrgang til eldsneytisgerða og samhliða að uppfylla ákvæði loftslagssamninga SÞ, gjaldeyrissparnaður ( ódýrari bílar í sama gæðaflokki, minni einokun íhluta, enginn innflutningur orkugjafa), hagfelld nýting á lífrænum úrgangi sem meðhöndla þarf hvort sem er, aukin tækifæri til að mæta kröfum um minni losun gróðurhúsalofttegunda og aukin inneign í þeim efnum sem nýtist öðrum atvinnurekstri. Hér er einn stór framtíðarpóstur fyrir okkur Íslendinga, til dæmis, þar sem ræktun á auðnum landsins gæti átt sér stað með arðbærum hætti. Ekki bara vegna hins umhverfisvæna eldsneytis, heldur vegna þeirrar umhverfisinneignar sem þjóðin skapar sér með ræktuninni, enn frekari tækifæri fyrir annan atvinnurekstur. Já, stóra myndin er að renna upp fyrir mörgum og verða skýrari. Rafmagnsbíllinn er frábært innlegg og ljóst að bifreiðamarkaðurinn er breiður, tegundir og gerðir bíla margar eins og við þekkjum. Stór plús við metan er að metan bifreiðaeldsneyti getur þjónað öllum gerðum bíla með mjög hagfelldum hætti. Twinn-bíllar eru góð vöruþróun fyrir ákveðna gerð bíla og rafmagn/metan bíll þeirra hagfelldastur.  ´Ég fæ ekki séð að neinn kostur komist nálægt því að vera eins hagfelldur,  aðgerðarhæfur og umhverfisvænn við breytingu á núverandi eldsneytisnotkun þjóðarinnar en að nýta okkar fábæra íslenska bifreiðaeldsneyti mun meira, metan. Við getum bæta búnaði við bensínbíla sem þegar ertu í umferð ( um 250.000 ökutæki í landinu) svo þeir geti gengið fyrir metani. Sú þekking er til staðar í landinu og hana má stórauka með miklum ávinningi fyrir samfélagið og neytendur – heilbrigð samkeppni í þjónustu við umhverfisvæna bílaflota gæti skapast hratt og örugglega.Hvernig er verðrið á Miami ?  Flott í dag á Fróni.