Metanvæðing Íslands - Samanburður á bíl með metan/bensín vél og venjulegri bensín vél

Skoðum aðeins eitt dæmi um ávinning af því að velja bíl sem getur nýtt metan sem eldsneyti í stað þess að kaupa bíl sem brennir einungis bensíni. Í þessu dæmi er um að ræða bíl með tvíbrennivél sem getur bæði brennt metan og bensín, annars vegar, og bíl með  hefðbundinni bensínvél, hins vegar.  

Hér er um að ræða sömu gerð og tegund af bíl fyrir utan eldsneutisnotkunina og sama búnað og þægindi að öðru leiti. Þú sérð engan mun á útliti bílanna og krafturinn er hinn sam á bensíni og metani. Kaupverð á bílnum með metan/bensín vél er lægra í þessu raunverulega dæmi. Ástæðan er sú, að ekkert vörugjald greiðist af bílum sem ganga fyrir metani, umhverfisvænu og samfélagslega ábyrgu eldsneyti. Hér er um að ræða raunverulegt dæmi, raunverulegan valkost á markaði í dag. 

1.  Hvort  velur þú bensínbíl eða metanbíl í dag ef verð bilanna er hið sama og eldsneytiskostnaður er sá sami á bensíni og metani?  Metanbíllinn gerir þér kleift að aka um  með umhverfisvænum hætti .   
2.  Hvort velur þú bensínbíl eða metanbíl í dag ef metanbíllinn er 210.000 kr ódýrari en bensínbíllinn en eldsneytiskostnaður er sá sami á bensíni og metani?   Metanbíllinn gerir þér kleift að aka um  með umhverfisvænum hætti .  
3. Hvort velur þú bensínbíl eða metanbíl í dag ef metanbíllinn er 210.000 kr ódýrari en bensínbíllinn og metan eldsneyti er 20% ódýrara en bensín? Metanbíllinn gerir þér kleift að aka um  með umhverfisvænum hætti .   
4. Hvort velur þú bensínbíl eða metanbíl í dag ef metanbíllinn er 210.000 kr ódýrari en bensínbíllinn og metan eldsneyti er 40% ódýrara en bensín? Metanbíllinn gerir þér kleift að aka um  með umhverfisvænum hætti .    
5. Til þess að njóta 40% sparnaðar í eldsneytiskaupum þarf þú að fylla á metantank metanbílsins á tveimur tilteknum stöðum á stór Reykjavíkursvæðinu í dag. Annar er hjá N1  að Bíldshöfða og hinn verður í Hafnarfirði fljótlega.  Ef þú kaupir metanbílinn, telur þú að þú munir mestmegnis kaupa metan á bílinn ?
6. Bíllinn kemst um 550 km á samanlögðum eldsneytisbirgðum  – um 400 km á metani og um 150 á bensíni. Bensínbíllinn kemst um 600 km á bensímbirgðum sínum.

 Þessi kjör í lið 5. hér að ofan eru í boði á Íslandi í dag og voru það í góðærisveislunni líka. Skoðum dæmi um hvernig þetta gæti komið út fjárhagslega:  

Forsendur:

• Ef valinn er metan/bensínbíll í stað bensínbílls þá sparast 210.000 kr við  kaupin.
• Ef meðalakstur á ári er 20.000 km
• Ef meðaleyðsla í borgarakstri er 10L/100km +
• Ef verð á metani verður  87.5 kr / L ( m.v. orkujafngildi á við 95okt bensín)
• Ef verð á bensíni verður 150 kr/L 
• Ef ávöxtunargeta á eldsneytissparnaði er 1,17 % á mánuði
• Ef ávöxtunargeta á sparnaði kaupverðs  er 14 % á ári  
• Forsendurnar að ofan, sem eru í gildi í dag.

MIÐAÐ VIÐ FORSENDURNAR ER ÚTKOMAN ÞESSI  

1. Eftir 5 ár áttu þú á sparnaðarbók 1.302.202 kr 
2. Eftir 10 ár átt þú á sparnaðarbók 3.441.151 ( 3,4 milljónir)
3. Núvirði ávinnings á 2 árum með notkun á metani er  415.833 kr  

Annað: Gerum ráð fyrir að þú viljir selja bílinn eftir 5 ára.  

Hvorn bíllinn telur þú að gangi betur að selja ? Hvor bíllinn er líklegri til að seljast á hærra verði?

Stóri bónusinn í þessu dæmi er svo auðvita allur sá umhverfislegi ávinningur sem val á metan/bensínbíl veitir svo ekki sé talað um þann þjóðhagfræðilega ávinning sem það hefur í för með sér að nýta íslenskt eldsneyti, spara gjaldeyri þjóðarinnar, minka útblástur þjóðarinnar á gróðurhúsalofttegundum og styrkja atvinnu-og nýsköpun í landinu.  Já, svona samfélagslega ábirgt val er sannarlega eitthvað.  

Það verður annar fallegur dagur á morgun.

Einar – 660-0235

 

Athugasemdir

[Ellert V. Harðarson, 21.4.2009 kl. 08:03]

Fjölskyldubíllinn minn er Touran metanbíll og vinnubíllin er Caddy metanbíll. Ég get því tekið undir skrif þín hér um kosti metans. Eini ókosturinn við þessa bíla er að ekki skuli ennþá vera komnar fleiri afgreiðslustöðvar nú þegar og er það í raun óskiljanlegt. Enn það er bara ein stöð ennþá, og það er búið að tala um þessa stöð í Hafnarfirði lengi, spurning hvort nýir ráðherrar eftir kostningar taki á þessum málum. Kveðja EVH

[Bjarni G. P. Hjarðar, 21.4.2009 kl. 20:14]

Svo þarf nú ekki að bíða eftir jarðgasinu, bara byrja á að framleiða hauggas/metan eins og bóndinn á Suðurlandi! Ég vil afgreiðslustöð á Selfossi og á Akureyri.

[Morten Lange, 21.4.2009 kl. 21:40]

Já að aka um á metan er sannarlega umhverfisvænna en að aka um á  dísil eða bensín.  En kemst ekki í hálfkvisti við göngu, hjólreiðar eða almenningssamgöngur.  Ekki  í að minnka umhverfisáhrif, bein og óbein ( bílamannvirkin þekja um 50% lands í Reykjavík). Ekki þegar kemur að mengun í lífsferilssamhengi. ( Vinnsla og vinnslu hráefna, framleiðsla og flutning bíls, jaðaráhrif bílamenningar, mengun vegna viðhalds og reksturs, förgun eða endurvinnsla ) Ekki þegar kemur að umferðaröryggi og ekki þegar kemur að lífvænlegum og huggulegt þéttbýli.

Síst en ekki síst eru göngu og hjólreiðar og að hluta almenningssamgöngur miklu betri þegar kemur að hagræði í samfélaginu meðal annars tengd því hvort fólk hreyfi sér eða sitja kjurir.  

Ég hef meiri trú á metan en margt annað sem tengist bíla.  En það er að plata sjálfan sig og aðra  að stilla upp bíla sem framtíðarlausninn með stóri F-i, og það er óháð hvaða eldsneyti þeir ganga fyrir.