Mun alþjóðasamfélagið greiða Ecuador fyrir að framleiða ekki olíu á Amazonsvæðinu ?

Ecuador býr yfir olíuauðlindum í regnskógum á Amazonsvæðinu sem alþjóðasamfélagið leggur mikla áherslu á að verði ekki nýttar af margvíslegum ástæðum, umhverfisástæðum. Spurningin er, hversu mikils alþjóðasamfélagið metur í raun verndun regnskóganna.  Eru þjóðir heims reiðubúnar að kosta einhverju til, svo tryggja megi að ekki verði enn frekar gengið á þá mikilvægu auðlind sem regnskógarnir eru fyrir jarðarbúa.

Með þessum hætti leggur Ecuador fram fyrirspurn til alþjóðasamfélagsins við ákvörðun um frekari framleiðslu á olíu í landinu. Í þessu samhengi hefur verðmiðinn verið kynntur - 4,6 billjónir US$ eða um 585 milljarðar króna miðað við gengi krónunnar í dag ( 127kr/USD). Um er að ræða rífleg þjóðarútgjöld íslenska ríkisins á árinu 2010 (um 556 milljarðar króna).  Þjóðverjar, Bretar, Frakkar og Ítalir hafa sýnt málinu áhuga og fulltrúi Sameinuðu þjóðanna telur verkefnið verðskulda alþjóðlegan stuðning.

Fróðlegt verður að fylgjast með framvindu þess mál og því fordæmi sem málalyktir kunna að hafa í för með sér.

Sjá:  http://www.metan.is

Sjá frétt: http://www.europeanenergyreview.eu/index.php?id_mailing=14&toegang=aab3238922bcc25a6f606eb525ffdc56&id=1542

Athugasemdir

[Ómar Ragnarsson, 29.1.2010 kl. 23:24]

Þar sem ljóst er að olíulindir jarðar munu ganga til þurrðar á næstu áratugum skiptir ekki öllum máli hvort það verður einhverjum örfáum árum fyrr eða síðar.

Þjóðir heims verða nú þegar að gera áætlun um það hvernig unnið verður úr þeim vanda sem hvarf olíunnar veldur.

Áætla þarf hvað olíuauður Equador samsvarar margra ára heimsneyslu miðað við það að engin önnur olía sé til staðar.

Ef það eru ekki nema 2-3 ár eiga menn að sýna örlitla framsýni í stað þess að horfa alltaf rétt fram fyrir tærnar á sér.