Þökk sé forseta vorum - glæsileg framganga Ólafs Ragnars Grímssonar á BBC

 Það er göfugt að gera sitt besta og skila góðu verki miðað við sig. Annað að vera afgerandi góður miðað við aðra sem vísar gjarnan til þess að vandað hafi verið við val á viðfangsefni. Innilegustu þakkir til Hr. Ólafs Ragnars Grímssonar fyrir dýrmæta ljósvakastund á BBC í gær.

 Sjá viðtal við ÓRG á BBC hér:  http://www.youtube.com/watch?v=vTP3DH5YQhc

•           Að gera sitt besta er göfugt,
•           gjarnan að mörgu að hyggja.
•           Verklag  sem unnið er öfugt,
•           ætti helst enginn að þiggja.

         

•           Eitt er að vera góður í gang,
•           genginn er annað og meira.
•           Bestum er gjarnan fært í fang,
•           farg sem margur vill keyra.

  

•          Á ögurstundu í ljósvakans vök,
•           vandaður hræðist ei spuna.
•           Krafa um uppgjör saka á sök,
•           sællega lætur sig una.

  

•           Í horni vitrum er markað mið,
•           mót skrumi rökum beitir.
•           Lengist nú ögn sú breska bið,
•           sem Browns-aðferðin veitir.

  

•           Ólafur Ragnar þökk sé þér,
•           þúsaldar framkoman ný.
•           Hælkrók naskur nýtti sér,
•           niður fór BB-sí.

Athugasemdir

[Gísli Ingvarsson, 7.1.2010 kl. 11:19]

Allt sem hann segir þegar öllu er á botninn hvolft er að Íslendingar hafi samþykkt að borga og muni borga, bara að þjóðin á að sitja uppi með Svarta-Pétur og leggja blessun sína yfir það sem hann þorði ekki sjálfur.

[Einar Vilhjálmsson, 7.1.2010 kl. 12:56]

Takk fyrir þetta Gísli. Það er svo margt sagt með fasi og framkomu í ljósvakamiðlinum Gísli sem ekki verður rakið til orðanna sjálfra sem notuð eru. Þannig gætum við lengi rætt um hvað hann segir þegar öllu er á botninn hvolft. Inngangur fréttarinnar og spurningarnar voru ansi gildishlaðnar á niðurrifsnótum. Fréttastjóri BBC féll á eigin bragði - þökk sé framgöngu forsetans.

[Ingvi Rúnar Einarsson, 7.1.2010 kl. 15:20]

Takk Einar,ég tek vel undir þitt bundna formi.

[Ellert Júlíusson, 7.1.2010 kl. 15:23]

Sammála. Hann ÓRG stóð alveg uppi í hárinu á fréttamanninum og lét fljúga nokkur hárbeitt skot á Breta og AGS ásamt því að leiðrétta margar og alvarlegar rangfærslur í fréttaflutningnum.

[arnar helgi (IP-tala skráð) 7.1.2010 kl. 20:07]

Hann hefði ekki getað staðið sig betur, hann stýrði viðtalinu og sagði það sem segja þurfti.

Snilldarleikur hjá karlinum.

[Flemming Jessen (IP-tala skráð) 7.1.2010 kl. 21:01]

Sæll Einar. Tek undir með þér. Forseti vor stóð sig með mikilli prýði eins og hans var von og vísa.