Nýsköpunarmiðstöð Íslands á grænni grein – frábært myndskeið á vef NMI um rannsóknir og þróun á nýtingu á innlendu hráefni.

Á heimasíðu NMI er að finna afar jákvæð og fróðleg  kynningarmyndskeið. Nýjasta myndskeiði ber yfirskriftina  „Innlent hráefni - nýsköpun í atvinnulífinu“ sem varpar ljósi á  víðtæka aðkoma stofnunarinnar að eflingu íslensks samfélags með einum eða öðrum hætti. Það sem ég hef svolítið rætt um tækifæri okkar til framleiðslu og notkunar á lífeldsneyti vil ég benda ykkur á spennandi umræðu á því sviði í seinni hluta myndskeiðsins - hér

Í gögnum frá NMI má víða rekast á kjarnagildin, sköpun, snerpa, samstarf, mannauður. Eftir lestu gagna um glæsilega framgöngu stofnunarinnar á liðnum misserum og árum urðu til nokkrar vísur.  
                                                                      
                               Riður braut að bærni landsins,                         
                               birtu varpar á nýja slóð.
                               Eflir framgang og færni mannsins,
                               frumkvöðlasamstarf styrkir þjóð.

                               Fangar afl á ýmsum sviðum,
                               eflir sköpun og mannauð dátt.
                               Nýjung hvetur frá öllum hliðum,
                               hlúir að aflvakans þjóðarsátt.

                               Blæs í seglin og bætir skó,
                               býr svo um að haldi.
                               Temur snerpu  í ólgusjó
                               stjórn á þínu valdi.

                               Leiðir fyrstu farar skref,
                               faramgönguna hvetur.
                               Lítið stoðar þras og þref,
                               því sólin skín um vetur.
 

Á heimasíðu NMÍ má finna eftirfarandi texta: Hlutverk Nýsköpunarmiðstöðvar Íslands er að hvetja til nýsköpunar og efla framgang nýrra hugmynda í íslensku atvinnulífi. Nýsköpun er forsenda fyrir fjölbreytni íslensks atvinnulífs og undirstaða sterkrar samkeppnisstöðu þess. Nýsköpunarmiðstöð Íslands heyrir undir Iðnaðarráðuneytið og starfar eftir lögum um opinberan stuðning við tæknirannsóknir, nýsköpun og atvinnuþróun (nr. 75/2007). Forstjóri Nýsköpunarmiðstöðvar er prófessor Þorsteinn Ingi Sigfússon.

Sjá myndskeið á heimasíðu NMI – hér

Sjá heimasíðuna Lífeldsneyti.is - hér